इब्रितोर 5:9 - माडिया गोंड पवित्र सास्त्रम

⁹ देवुळि येसुनेनाह्‌क तासतव सबे कबस्किन, ओग़ पूरा मारिह कीतोग़; कीसि तना पोल्‍लो केंजवालोर सबेटोरिन, अमेसातुह्‌क पिसिह केवाल आतोग़.

इब्रितोर 5:9 Iomraidhean Croise

मत्याल 17:5

पत्रु इद्रम वळ्ह्‌कनेकेने, पांड्रि मोयुलि ओर सबेटोरिन मुळ्हता, मुळ्हतापया पोग़ोटा मोयुलताहि उंद आल्का वेनदा वाता: “वेग़ नावा जीवा कीतोग़ मग़ि, वेना लोप्पा नना पका गिर्दाते मह्‌नन; वेनाङे मीट केंजसोर मन्ह्‌टु,” इद्रम वेनदा वाता.

लूकाल 13:32

इनजोर इतस्के येसु ओरिन इतोग़, “अले, अन्जि ओग़ कोय्लेलेह्‌काडोग़ एरोद अंतिपसिन वेहाट, ‘नेंडु नाळि नना मन्कलोरग्डाहि देयह्‌किन पेसिह कीकन, ओसो दुकतोरिन सव्रे कीकन. पया मने नावा कबळतुन मारिह कीकन.

योहन 19:30

अस्के येसु तानु ऊतिसि, “नना नावा कबळतुन कतम मारिह कीतन!” इनजोर इतोग़. अह इतस्के, इळ्न तला वग़्हचि, ओग़ हातोग़.

बळयिर 3:15

अमेसाता पिसमुळ एवाल माल्कान मीट हव्कलाह ईतिर, तेला मति हामुरताहि देवुळि ओन जीवा अर्हता. इद पोल्‍लोता माट इर्वोम साक्सि मह्‌नोम.

बळयिर 4:12

वेग़ येसुन विळ्सिस बोग़े, मावा पापमता सिक्साताहि पिसिह कीया पग़वोग़. बाराह्‌क इतेके माट पापमताह पिसलाहि, इद बूमतगा ओन विळ्सिस, दुस्रोग़ पिसिह केवान देवुळि मन्कलोरिह्‌क एवो!” इतोग़.

बळयिर 5:32

इव पोल्‍लोना माट साक्सितोरोम मह्‌नोम. तानाङ पोल्‍लोङ केंजिसि ताकवालोरा पोग़ोन, देवुळि उदिह कीतद पवित्र जीवा वने, इव मावाङ पोल्‍लोना साक्सि ईस्ता,” इतोग़.

रोम सहरतोर 1:5

सबे जातिनोर ओना पोल्‍लोतुन विस्वस कीसि, ओनाङ केंजिर, अह कीसि ओना पेदिरतुन मान ईयिर इनजोर, देवुळि येसुना मेटे, नाक ओना बळयि आयलाहि देय्वा ईता. इव सबे पोल्‍लोङ मीट इतेके पुह्‌निरे.

रोम सहरतोर 10:16

मति केंजतोरग्डाहि उच्वुर अद बेसता कबुरतुन विस्वस केवोर. इदिने यसयाल इतोग़, “ए सामि! माट वेहतद कबुरतुन बोग़ाय विस्वस कीतोग़ा?” इनजोर इतोग़.

रोम सहरतोर 15:18

यहुदि आयवोरु नना वेहतव पोल्‍लोन केंजतोर; नावा कयदे कीतवु, बामनाह लेह्‌काडाङ सीनान ऊळतोर. ऊळिसि, केंजिसि, किर्स्तुन विस्वस कीतोर. इद्रमलेह्‌का देवुळता जीवाता लावते, येरुसलेम सहरताहि इलुरिकुम पट एवनाह, नना किर्स्तुना बेसता कबुरताङ सबे पोल्‍लोन तपवालेवा वेहतन. इद्रम किर्स्तु नावा कयदे कीतव पोल्‍लोनु दीराते वेहतह्‌नन, अविस्किन विळ्सिसि दुस्रा बेदे वेहोन.

रोम सहरतोर 2:8

बोर बार तमेनाह्‌के कदर पर्ह्‌किह्‌तोर, सेतेमतुन केंजोर, मति लाग्वाङ पोल्‍लोङ केंजिह्‌तोर, ओरा पोग़ोन देवुळ ओङ आसि, पका सिक्सा ईयग़ा.

रोम सहरतोर 6:17

मुने मीट पापमता कय इळ्न मतिर, मति इंजेके मीक काग़्हतव देवुळताङ पोल्‍लोन केंजिसि, अव पोल्‍लोङ वेहतप, मीट मीवा जीवाताहि ताकिह्‌निर. ओसो देवुळि मीक पापमता कयदाहि विळ्सिह कीता. इंजेके मीट देवुळता कय इळ्न मन्जि, सेतेमते ताकलाह आतिर, देवुळतुह्‌क जोहर आयि!

2 कुरिंततोर 10:5

मन्कना बुदते विचर कीयनदिन आरे कीय्ह्‌नोम, अहे देवुळतुन पुनवाह कीयनद, मोर्दोप बुदताङ सबे पोल्‍लोन आरे कीय्ह्‌नोम. मन्कलोरा उंद-उंद कैंगम विचरतुन मिळ्हचि, किर्स्तुना पोल्‍लोतुन केंजनाह कीय्ह्‌नोम.

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

2 तिसलुनितोर 1:8

देवुळतुन पुनवोर, येसुसामिना बेसता कबुरतुन केंजवोरिह्‌क सिक्सा ईयलाह, येसु मळ्गनद किसते ओसो वायनोग़.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.

इब्रितोर 1:14

पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

इब्रितोर 11:40

बाराह्‌क इतेके, सिरप ओरेनाह्‌के आयो, मति मयेनाह्‌क वने, देवुळि पका बेसता पोल्‍लोतुन मुनेन तासता. देवुळि मीक बर्कत ईकन इन्जि, पोल्‍लो विळ्सिस मता; ओरा संगे माक देवुळ जमा कीतस्केने, अद पोल्‍लो पूरा करल आयग़ा इन्जि, ताना विचर मता.

इब्रितोर 11:8

विस्वस कीताह्‌कु, अब्रहम देवुळताङ केंजिसि, पुनवद बूमतगा दायलाह पेसतोग़. देवुळि ओन, “नना तोहतकन अद देसेमते दाकिन, अद पूरा बूमि नना नीक ईकन” इनजोर, पोल्‍लो विळ्सता. तान विस्वस कीताह्‌कु, ओग़ तना बेके दायनद इनजोर पुनोग़, मति पेसतोग़.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

इब्रितोर 2:10

सबेटव देवुळतेनाह्‌क मन्ह्‌ताङ; ताना मेटे सबे तयर आताङ. वेल्‍लाटोर मन्कलोरिन तनाङ मग़्क-मयास्‍क कीसि, पोग़ोन तना मान-डीसाते काल्ह्‌पलाहि, अद विचर कीस मता. मन्कलोरिन तनाङ मग़्क-मयास्‍क कीयलाहि, देवुळि तना मग़ि येसुन निल्पिह कीता. माक पिसिह कीयनद सेवातेनाह्‌क, येसुन पूरा ओप्पे कीयना इन्जि, देवुळि ओन पका तिपल अरनाह कीता. इद्रम कीयनद देवुळतुह्‌क बेस ओप्पता.

इब्रितोर 2:3

(देवतुल्क ततद कबुरतुन केंजवोरु, सिक्साताहि पिस पग़वा मतोर;) इतेके मन्कलोर पिसना लोप्पाडा बेरा कबुरतुन, माट पास्कतेक अचोन, बेद्रम पिस पग़यकल? मुने तान वेहतोग़ु, मावा येसुसामिये. पया सामिनाङ केंजतोरु, अद पोल्‍लो निटमे इनजोर, माक तोहचीतोर. ओरा साक्सि सेतेम मन्ह्‌ता इन्जि तोहतलाहि, देवुळि ओरा कयदे बामिह कीयनाङ सीनाङ, बेरा लावताङ कबस्क कीस तोहता. ओसो तना जीवाता मेटे, तना विचर मतपु, विस्वसिरिह्‌क अलग-अलग बुदिङ तूसिसीता; इद्रमता बेरा कबुरतुन, मुर्तिय पास्कनद आयो.

इब्रितोर 9:12

मावोर बूमयालोर कीयना लेह्‌कान, एर्रे नेतुर, कोंदा पियोता नेतुर अग़्के ओळियोग़; मति (तना हव्कनागुटातगाडोलताह्‌कु,) तनाय नेतुर अग़्के, उंदिय मल्का, सबेट्क पवित्र गूडटगा ओळियतोग़. ओसो अद इसबते, माक कतम पापमताहि, अमेसातुह्‌क विळ्सिह कीतोग़.

इब्रितोर 9:15

देवुळि ईस मतद पाळ्ना करलतुन देहतोर पाप्यह्‌लोरिन विळ्सिह कीयलाह, किर्स्तु डोलतोग़. डोलताह्‌कु, ओग़ देवुळि आचतोरगा पूना करल ततह्‌तोग़. देवुळि मुनेन पोल्‍लो विळ्सतपु, ताना अमेसा मनदनद बर्कतता तूस, पूना करलते कलियवालोरिह्‌क दोर्किह्‌ता.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

यहुदाल 1:21

मावा येसुसामि किर्स्तु माक तना दया तोहचि, अमेसाता पिसमुळ ईयनद दियातेनाह्‌क केपाटु; अद्रम केपसोर, देवुळता गूनमते निच मन्ह्‌टु.