इब्रितोर 4:3 - माडिया गोंड पवित्र सास्त्रम

^3-4 मति माट विस्वस कीतोरल, देवुळ ईतद आरम कीयनगा एवयह्‌नल. देवुळता सास्त्रमतगा, देवुळि तना पूरा कबळतुन मारिह कीस, वारमता आक्रि दियाते रोमता. इनजोर वारमता आक्रि दियाता पोल्‍लो रासिस मन्ह्‌ता. इद्रमि तना पूरा बूमतुन पंडटस्केडाहि, आरम कीयनद जागा तासताये! (मति विस्वस केवोरिन) “आरम कीयिर इनजोर नना वेरेनाह्‌क तासतद जागातगा, वेर मुर्तिय एव्वोर आयनुर इनजोर, ओङते किरिया कीतन,” इनजोर इता.

इब्रितोर 4:3 Iomraidhean Croise

मत्याल 13:35

इदिनलोप्पा देवुळ तना कबुरतोना संगे मुने वेहच मता, अद पोल्‍लो इंजेके करल आता, अद इह मन्ह्‌ता: नना नावा तोडटे पुन्पिह कीयनाङ पीटोङ वेहतकन. बूम पुटटग्डाहि मकिस मतव पोल्‍लोनु, नना वळ्ह्‌किस तोहतकन.

मत्याल 25:34

“अस्के नना नावा तिनळतोर सेतेमतोरिन इनदकन, ‘ओ नावा बाबाल देय्वा ईता लोकुरिर, बूम पुटटग्डाहि ओग़ मियेनाह्‌क इन्जि, बेद राजेमतुन ओप्पे कीस तासतोग़, अद राजेमता अदिकर मीट वासि एनाटु.

इपिसुसतोर 1:4

इतेके ताना मुनेह माट पवित्र मनदना, बाताले कसुरलेवा मनदना इनजोर, इद बूमतुन पुटिह कीयनामुनेन, माक किर्स्तुना मेटे आचता.

इब्रितोर 3:11

“आरम कीयिर इनजोर, नना वेरेनाह्‌क तासतद जागातगा, वेर मुर्तिय एव्वोर आयनुर,” इनजोर ओङते किरिया कीतन, इनजोर रासिस मन्ह्‌ता.

इब्रितोर 3:14

अहे माट मुने कीतद विस्वसतुन, आक्रि एवनाह विळ्सवालेवा मतल इतेकेने, माट किर्स्तुनाङ सबे पोल्‍लोने पोत्ला आयकल.

इब्रितोर 9:26

अद्रम आस मतेके, ओग़ बूम पुटटस्केडाहि, वेल्‍लाङे मल्काङ तिपल आस डोलिस मनेग़. अद्रम आयो, पापमतुन मायिह कीयनेनाह्‌क, तना नेतुर ईस मोक आयलाह, इद आक्रिता वेलाते, उंदिय मल्का वातोग़.

1 पत्रु 1:20

इदे कबळतुह्‌क इन्जि, देवुळि येसुनु इदु बूमि पुटनामुनेने, आचिस मता; मति इंजेके इव आक्रिताङ दियानेन, येसु मियेनाह्‌कु इन्जि, इद बूमते वासि, दुनियातोरिह्‌क दिसतोग़.