इब्रितोर 4:16 - माडिया गोंड पवित्र सास्त्रम

¹⁶ माक बेस्के गर्ज अरयह्‌ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.

इब्रितोर 4:16 Iomraidhean Croise

इपिसुसतोर 2:18

बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.

इपिसुसतोर 3:12

येसु किर्स्तुना संगे माट जोळेम आताह्‌कु, ओन विस्वस कीताह्‌कु, इंजेके रेयवालेवा, दीराते, बर्वसते, देवुळता एरे माट दाया पग़यह्‌नल.

इब्रितोर 13:6

देवुळि इताह्‌कु, माट वने “सामि नाक साय्ता कीस्ता; नना बेस्केन रेयोन; माने-मन्कल नाक बाताले कीया पग़वोग़,” इनजोर दीराते इनदा पग़यह्‌नल.

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

इब्रितोर 7:25

ओसो माट येसुना मेटे, देवुळता एरे अनवालोरेनाह्‌क, ओग़ अमेसाये देवुळतुन अर्ज कीसोर मन्ह्‌तोग़. इद्रमलेह्‌का ओग़ माक पूरा कतम पिसिह कीयलाह पग़यह्‌तोग़.

इब्रितोर 9:5

संदुकता पोग़ोन (देवुळि अगा मनदनदिना सीना इनजोरे, रेंड) राका कीयनविस्कनाङ बोमाङ मताङ. संदुकता पोग़ोन, पापमतुन मापि कीयनद जागातुन, तमाङ मारेने मुळ्हच मताङ. अव पोल्‍लोन इंजेके ओर्कुलते वेहतलाह, पुर्सत इले.

1 पत्रु 2:10

देवुळता कबुरतोग़ ओर्वोग़, मुने मीवा लोप्पा इह रासतोग़: मुने मीटु बोनाय लोकुरिर आयविर, मति इंजेके मीटु देवुळता लोकुरिर आतिर. मुने मीटु देवुळता गूनमतुन पुनविर, मति इंजेक मीटु देवुळता गूनमतुन पुतिर.