इब्रितोर 3:6 - माडिया गोंड पवित्र सास्त्रम

⁶ मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

इब्रितोर 3:6 Iomraidhean Croise

मत्याल 10:22

ओसो मीट नाक नमवालोरिर आताह्‌कु, दुनियातोर मीकु कोटुल कीयनुर. मति आक्रि एवनाह बोर दीरा पोस मन्ह्‌तोर, ओरिन देवुळि पिसिह कीयग़ा.

मत्याल 16:18

नीवा पेदिर पत्रु (इतेके ‘बंडाये’) नना तासिह्‌नन. बेद्रम आदतगा दोहतद लोन डिङ इनाह मन्ह्‌ता, अद्रमलेह्‌काने नना इदे आदतगा नावा मुडुन निल्पिह कीकन, अस्के हामुर वने नावा मुडुन आरे कीया पग़वो आयग़ा.

मत्याल 24:13

मति आक्रि एवनाह बोर दीरा पोस मन्ह्‌तोर, देवुळि ओरिने पिसिह कीयग़ा.

रोम सहरतोर 11:22

इद ऊळाट, देवुळि दया कीयनद वने आंदु, सिक्सा ईयनद वने आंदु. इद पोल्‍लोतुन सीता कीस ऊळाट! विस्वस केवा तानाङ केंजवोरिन सिक्सा ईता. मति मीवा पोग़ोन बार दया कीता. मीट विस्वस कीसोर अतेकेने, अद मीक दया कीसोरेन मनदग़ा. मीट विस्वसतुन विळ्सतेके, मीक वने एळ्पिस पोहचीयग़ा.

रोम सहरतोर 12:12

देवुळि मीक ईतद आसाते, गिर्दा आस मन्ह्‌टु. तिपल्क वातस्के, आरेम आयवा निच मन्ह्‌टु. अमेसा पार्तना कीसोर मन्ह्‌टु.

रोम सहरतोर 15:13

मीक आसा ईयनद देवुळतुन मीट विस्वस कीयनाह्‌कु, गिर्दाते ओसो सुकमते अद मीवा जीवातुन निहचीयि. अस्के ताना पवित्र जीवाता लावते, मीवा आसा वीळसोर दायग़ा.

रोम सहरतोर 5:2

माट विस्वस कीताह्‌कु, येसुसामि माकु देवुळता दया दोर्किह कीसीतोग़, अद दयाते माट इंजेक पिसिह्‌नल. ओसो आक्रिते माट देवुळता डीसातुन ऊळसोर, ताना संगे मनदकल इनजोर, इद आसाते बेस-नेह्‌ना गिर्दा आतल.

1 कुरिंततोर 3:16

मीट विस्वसिरा मुडगा देवुळता जीवा जागा आस्ता इतेके, मीट देवुळता मंदिर आंदिर. इद पोल्‍लोतुन पुनविरा?

2 कुरिंततोर 6:16

देवुळ मनदनद मंदिरतगा बह बोमाङ मन्ह्‌ताङा? सास्त्रमतगा देवुळि वेहतद इद पोल्‍लो रासतद मन्ह्‌ता: नना नावा मन्कलोर मनदनगा जागा आयकन. ओरा नडुम तिरियकन. नना ओरा देवुळ आयकन. ओर नावा मन्कलोर आयनुर, इनजोर रासतद मन्ह्‌ता. अद इसबते माटे जीवात मनदनद देवुळता मंदिर!

गलातितोर 6:10

अदिनेनाह्‌कु माक बह मोका दोर्किह्‌ता, अह माट सबेटोरेनाह्‌क बेसताङ कबस्क कीयिङ, कास कीसि मावोर विस्वसिरेनाह्‌कु. (इद्रमलेह्‌का माट देवुळता जीवाता पेग़्के ताकना गावले.)

गलातितोर 6:9

अद्रमे माट बेसताङ कबस्क कीयलाह, बेस्के लंडा आयनदायो. इद्रम माट आरेम आयवेके, देवुळ तासतद कगोते माक अव कबस्कना पाय्दा दोर्कग़ा.

इपिसुसतोर 3:12

येसु किर्स्तुना संगे माट जोळेम आताह्‌कु, ओन विस्वस कीताह्‌कु, इंजेके रेयवालेवा, दीराते, बर्वसते, देवुळता एरे माट दाया पग़यह्‌नल.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

1 तिसलुनितोर 5:16

अमेसा बेस गिर्दा आसोर मन्ह्‌टु.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

इब्रितोर 1:2

मति इंजेके, इद आक्रिता कालमते बार, तना मग़िन लोहता, लोहचि ओना मेटे मावा संगे वळ्ह्‌कता. ओनाय मेटे इळ्ता, पोग़ोटा बूमतगा मनदनव सबेटविस्किन पंडटा. पंडिसि ओनाये अदिकरते सबेटविन ईसीता.

इब्रितोर 10:19

अदिनेनाह्‌क मावोर विस्वसिरिर! येसु किर्स्तु नेतुर पोहच डोलिस मताह्‌कु, माट देवुळतके दायलाह, मयेनाह्‌कु पूना, जीवा ईयनद अग़ तयर कीसीतोग़.(पोग़ोटा सबेट्क पवित्र गूडटगा,) पळ्‍दा गेंदेतगाह्‌क अतप लेह्‌का, ओग़ तना मेंदुदा मोक ईसि ओळियतोग़. ओना मेटे, माट वने अद पवित्र गूडटगा ओळियलाह, दीरा पोयतल.

इब्रितोर 10:21

किर्स्तुये मावा बेरोग़ पेर्माल; ओग़ देवुळता लोतोरिन ताकिह केवाल आंदोग़.

इब्रितोर 10:23

माक पोल्‍लो विळ्सतद देवुळि, माक नाळेह केवो. अदिनेनाह्‌क माट कबुल कीतद आसातुन रेंड विचर्क केवा, मेग़्किस पोयिङ.

इब्रितोर 10:35

मीट देवुळतगा बर्वस तासताह्‌कु, अद मीक बेरा इनम ईयग़ा. अदिनेनाह्‌क इंजेके बाताले आयि, मीवा बर्वसतुन विळ्समाटु.

इब्रितोर 11:1

विस्वस इतेके बाताल? विस्वस इतेके, माट आसा कीयनव पोल्‍लोङ निटम आयनुङे इनजोर, उंदिय विचरते मनदना; ओसो माट ऊळवव पोल्‍लोङ निटम मन्ह्‌ताङे इनजोर, नमसोर मनदना.

इब्रितोर 3:14

अहे माट मुने कीतद विस्वसतुन, आक्रि एवनाह विळ्सवालेवा मतल इतेकेने, माट किर्स्तुनाङ सबे पोल्‍लोने पोत्ला आयकल.

इब्रितोर 4:11

अदिनेनाह्‌क माट वने अगा, आरम कीयनद जागातगा एवयलाहि जिद कीयिङ. मयग्डाहि बोग़े, मुनेतोर मन्कलोरा लेह्‌कान, देवुळता पोल्‍लो केंजवाह्‌क, बूळेम आयनद आयो.

इब्रितोर 4:14

मति मयेनाह्‌क बेरोग़ पेर्माल मन्ह्‌तोग़; ओग़ आंदोग़ देवुळता मग़ि येसु. ओग़ देवुळदीपते देवुळबाबाना बाजे उदिस मन्ह्‌तोग़. मावा लेह्‌कान ओन्क वने, पापम कीया वेसनाह सबे रीतिनाङ विचर्क वाताङ, तेला मति ओग़ बेस्केन पापम केवोग़. अदिह्‌क ओग़ मावा कमजोरतुन ऊळिस, जीवा लोपवाल आंदोग़. अदिनेनाह्‌क येसुनगा विस्वस कीयनद बेद पोल्‍लोतुन माट कबुल आय्ह्‌नल, अद पोल्‍लोतुन विळ्सवालेवा, मेग़्किस पोस मनदना गावले.

इब्रितोर 4:16

माक बेस्के गर्ज अरयह्‌ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.

इब्रितोर 6:11

मीट इद्रम कीसोर मनदना इनजोर, मावा जीवा पर्ह्‌किह्‌ता: आक्रि एवनाह मीट आसा कीयनव पोल्‍लोन दोर्किह कीयनासाटि, इद्रमताये जिद कीस मनदना.

इब्रितोर 6:18

मावा मुनेह तासतद आसाता पोल्‍लोतुन पोसि, अद माक राका कीयि इनजोर, माट देवुळतगा वित वातल. तनगा वित वावालोरिह्‌क दीरा ईयना इन्जि, देवुळि पोल्‍लो वने विळ्सता, ओसो ओतता वने. देवुळि पोल्‍लो विळ्सनेक वने मुर्तिय जोल वळ्ह्‌क पग़वो, ओतनेक वने मुर्तिय जोल वळ्ह्‌क पग़वो. इव रेंड आस पोल्‍लोङ बद्लेम आयनव आयोङ.

1 पत्रु 1:8

मीटु येसुसामिन बेस्केने ऊळवेकाय, ओन जीवा कीय्ह्‌निर; ओग़ दिसवेकाय ओन नमिह्‌निर. मीट नमिसि, वेहता वावप अचोन गिर्दा आय्ह्‌निर.

1 पत्रु 2:5

ओना एरे वाताह्‌कु, मीट इंका जीवात मनदनव बंडानलेह्‌का आसि, देवुळि तना जीवातुह्‌क जागा कीयलाह, मीकु लोनलेह्‌का दोहतह्‌ता. मीटु इंजेके देवुळतुह्‌क इन्जि अलग आतिर; मीटु बूमयालोरा लेह्‌का मन्जि, येसु किर्स्तुनेनाहि देवुळबाबान गिर्दा कीयलाहि मोक ईतपु, आपुनाङ विचर्किन पोहचि, देवुळता विचर मतप ताकिह्‌निर.

1 पत्रु 4:17

बाराह्‌क इतेके देवुळि इद दुनियातुन नेयम कीयनद वेला एवता. अद मुने तनाये लोकुरा नेयम कीयग़ा. देवुळि माक वने नेयम कीयग़ा इतेके, देवुळता बेसता कबुर केंजवोरा बेचोन गोसा आयग़ा!

तोहचीतव पोल्‍लोङ 2:18

“तुवातिरा सहरता विस्वसिरा मुडा देवतुलतुह्‌क इद्रम रासा: किस मळ्गना लेह्‌काडाङ कोंडानोग़, ओसो मिळ्स्कनद इतुळता लेह्‌काडाङ नला काल्कनोग़ देवुळता मग़ि, मीट विस्वसिरिन इनदलाह आतोग़:

तोहचीतव पोल्‍लोङ 2:25

मति इद पोल्‍लो मात्रम सीता कीम्ह्‌टु: नना वानाह मियगा मनदनद विस्वसतुन पका पोस मन्ह्‌टु.

तोहचीतव पोल्‍लोङ 2:26

बोर बोर लाग्वाङ पोल्‍लोन आरे कीयनुर, मारेंगा एवनाह नना वेहतप कीसोर मनदनुर, ओरिह्‌क नावा बाबाल नाक ईतद अदिकरतुन ईकन. कचता डुडटे अळ्कान पेग़्क-पग़्क कीयना लेह्‌कान ओर जाति-जातिनोरिन, पूरा अदिकरते ताकिह कीयनुर. ओरिह्‌क विय उका वने ईकन.

तोहचीतव पोल्‍लोङ 3:11

ऊळाट! नना चट्पिटे वायना मन्ह्‌ता. वातस्के मीट गेल्सतिर इन्जि, देवुळता पिसमुळतुन इनम इनजोर ईकन. तान बोग़े ऊंदना आयो इन्जि, मीवा विस्वसतुन पका पोस मन्ह्‌टु.