इब्रितोर 12:9 - माडिया गोंड पवित्र सास्त्रम

⁹ मावाङ लोह्‌कने मावाङ तपेर माक सुद्रे कीतोरे. अस्के माट ओरिन मान ईंदल. ओरिने अचोन मान ईंदल इतेके, मावा पोग़ोटोग़ देवुळबाबाल माक सुद्रे कीयह्‌पा, ओनग्डा पिसमुळ दोर्किह कीयलाहि, ओना पोल्‍लोते ओसोय वग़्ङिस मनदना गावले.

इब्रितोर 12:9 Iomraidhean Croise

लूकाल 18:2

“उंद नाटेनगा ओर्वोग़ गाय्ताल मतोग़. ओग़ लोकुरा नेयम कीसींदोग़. मति ओग़ मन्कल मात्रम देवुळतुन बह रेयवाल आयोग़, ओसो लोकुरा पर्वा वन केवाल आयोग़.

लूकाल 18:4

वेल्‍लाङे दियाङ आनाह, ओग़ ताना नेयमतुन पर्वा केवालेवा केमेन मतोग़. मति उंद दिया ओग़ तनतनाय विचर कीतोग़, ‘नना देवुळतुह्‌के बह रेयोन, ओसो मन्कह्‌के बह रेयवानन आयोन.

योहन 3:6

मेंदुदा जीवा इसि, तलोग़-तपेरा मेंदुस्कनाहि पुटिह्‌ता, इद पूना जीवा बारा दिसवेकाय, देवुळता जीवाताहे पुटिह्‌ता.

बळयिर 2:30

मति ‘नीवा कूळता मन्कन, नीवा लेह्‌का नावा लोकुरगा राजाल कीकन’ इन्जि, देवुळि ओन किरिया कीस मता. दाविद देवुळता कबुरतोग़ मन्जि, पेग़्के वावाल राजानु, इतेके किर्स्तुनु, देवुळि जीवा अर्हचीयग़ा इन्जि मुनेन ऊळिसि, ‘ओना जीवातुन हानादीपतगा विळ्सिस एवो, ओना सेत्ता कळियो,’ इनजोर रासतोग़.

रोम सहरतोर 1:3

अद बेसता कबुर इतेके, निटम देवुळता मग़ि, मावा सामि येसु किर्स्तुना पोल्‍लो आंदु. मन्कना इसबते, ओग़ु दाविद राजाना कूळते पुट वातोग़. मति देवुळता पवित्र जीवा बार, तना लावते ओन हामुरतग्डाहि जीवा अर्हता, अह कीसि ओग़ देवुळता मग़ि आंदोग़ इन्जि तोहता.

रोम सहरतोर 9:5

देवुळ आचतोर अब्रहम, इसक, याकुब इनवालोर मावा पेदामुय्तोरग्डाहिये, मावा इस्रयेल लोकुर पुट वातोर. ओराय कूळते, देवुळ लोहतोग़ पिसिह केवाल किर्स्तु, मन्कल मारियिस पुट वातोग़. ओग़ किर्स्तु कतमतोरा देवुळ आंदोग़, ओन्क अमेसा-अमेसातुह्‌क जोहर आयि.आमेन.

याकुब 4:10

सामिना मुनेह मीट उड्ला बुदतोरिर आम्ह्‌टु. अह आतिर इतेके, मीकु तना मुनेह बेरा कीयग़ा.

याकुब 4:7

अदिह्‌क मीट देवुळता पोल्‍लोते वग़्ङिस मन्ह्‌टु. देयह्‌कना मुक्यानाङ केंजमाटु. अस्के अद मियग्डाहि वितग़ा.

1 पत्रु 5:6

अदिनेनाह्‌कु मीटु बेरा लावता देवुळता मुनेह, माट उड्लोरोम इन्जि ताकतिर इतेके, ओप्पनद कगोते देवुळि मीक बेरा कीयग़ा.

तोहचीतव पोल्‍लोङ 22:6

इव सबेटविन तोहतस्के, अद देवतुल नाक इता, “इंजेक जल्दि आयनव पोल्‍लोन, तन्क माळवालोरिन तोहतलाहि, तना कबुरतोरिन वेहनाह कीयनद देवुळि, मावा सामि, तना देवतुलतुन लोहता. इव पोल्‍लोङ बर्वस कीयना लायकताङ ओसो निटमताङ मन्ह्‌ताङ.