इब्रितोर 12:5 - माडिया गोंड पवित्र सास्त्रम

^5-6 तनाङ पिलाङ-पेकोर इनजोर, मीवा जीवातुन दीरा ईयलाहि, देवुळि मीवा बाबाल इन्जि, तना सास्त्रमतगा इतद पोल्‍लोतुन माग़्ङतिरा? अद इद्रम मन्ह्‌ता: “नावा मग़निन! सामि तना बोरिन-बोरिन जीवा कीस्ता, ओरिन सुद्रे कीस्ताये. बोरिन-बोरिन तनाङ पिलाङ-पेकोर इनजोर मानेम आस्ता, ओर सबेटोरिन सिक्सा ईस्ताये. अदिनेनाह्‌क अद नीक सुद्रे कीयह्‌पा पास्कमा; अद नीक तेर्हतह्‌पा, निमा आरेम आयमा,” इनजोर रासतद मन्ह्‌ता.

इब्रितोर 12:5 Iomraidhean Croise

लूकाल 24:6

ओग़ इगा इलेग़, ओग़ जीवा अरतोग़! मीवा संगे गालिल पटटगा मतस्के, ‘माने-मन्कना नडुम पुटटोनन नाकु, पापि मन्कलोरा कयदे पोस ईयनुर. पया ओर नाकु हव्कनागुटातगा मोल्‍लाङ कोटिस हव्कनुर, मति नना मूंड दियाने जीवा अरयकन, इव सबे करल आयनुङे,’ इनजोर मीक वेहच मतोग़, सीता मन्ह्‌ताया?” इतोर.

लूकाल 24:8

अस्के अव आस्किह्‌कु, येसु मुने वेहतव पोल्‍लोङ सीता वाताङ.

1 कुरिंततोर 11:32

मति उंद पोल्‍लो मन्ह्‌ता: विस्वस केवोर मन्कलोरा संगे माट बूळेम आयना आयो इनजोरे, सामिनाहि माक सुद्रे कीयनद सिक्सा वास्ता.

गलातितोर 6:9

अद्रमे माट बेसताङ कबस्क कीयलाह, बेस्के लंडा आयनदायो. इद्रम माट आरेम आयवेके, देवुळ तासतद कगोते माक अव कबस्कना पाय्दा दोर्कग़ा.

1 तिमोति 1:20

ओरा नडुमि अगा उमनेयाल, सिकंदर, वेर ईवुर मन्कलोर मन्ह्‌तोर. ओरु किर्स्तुना मुडुन कलियना आयो इनजोरे, नना ओरिनु गळ्किह्‌कु पेहचीतन. देयह्‌कना मुक्याल ओरिन बह कीयना, कीयि, अस्के देवुळतुन उस्किस-पास्किस वळ्ह्‌कनदायो इन्जि, ओरिह्‌क बुद वायग़ा.

इब्रितोर 12:7

देवुळि मीक तनाङ पिलाङ-पेकोर इनजोर, सुद्रे कीस्ता. अदिनेनाह्‌क तिपल वायह्‌पा, देवुळि मीक सुद्रे कीस्ता इनजोर पुन्जि, आपसोर मन्ह्‌टु. तना पेकान सुद्रे केवोग़, बोग़ाय तपे मन्ह्‌तोग़ा?

इब्रितोर 13:22

मावोर विस्वसिरिर! नना मीक बेरा लाट सीटि रासोन. नना मीक बुदि काग़्हचि, रासतद पोल्‍लोतुन सीता कीसोर केंजाट इन्जि, मीक अर्जि कीय्ह्‌नन.

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

तोहचीतव पोल्‍लोङ 3:19

बोरिन-बोरिन नना जीवा कीतन, ओरिन सुद्रे कीयलाह तेर्हतह्‌नन. अदिनेनाह्‌क जिद कीसि, मीवा लेसिस दायनद अग़दाहि मल्म्ह्‌टु.