इब्रितोर 12:4 - माडिया गोंड पवित्र सास्त्रम

⁴ पापि मन्कलोर मीक तिपल कीयनस्के,(येसुह्‌क आतप लेह्‌का,) मीक इंका मीवा जीवा ईयनाह पप्ळेम आया पोयो.

इब्रितोर 12:4 Iomraidhean Croise

मत्याल 24:9

“अद तूकने मीवाङ कोंटेतोर मीक जेलते वाटनुर, तिपल कीयनुर, हव्कनुर वने. मीट नाक नमवालोरिर आताह्‌कु, सबे जातिनोर मीक कोंटेङ कीयनुर.

1 कुरिंततोर 10:13

बेस्के मियगा पापमताङ विचर्क पुटिह कीयनव तिपल्क वास्ताङ, अस्के इवे तिपल्कु सबेटोर मन्कलोरिह्‌क वास्ताङ इनजोर, सीता कीम्ह्‌टु. मति देवुळि बर्वस लायकता आंदु. मीट बेचोन आप पग़यह्‌निर, तान्काय एक्‍वा तिपलतुन लोहो. अद्रमताङ तिपल्क वातस्के, मीक पापमते अरवाह अग़ तोहतग़ा, अस्के दीरा पोयता पग़यकिर.

पिलिपितोर 2:8

मन्कल आसि, ओग़ इचोन उड्ला बुदतोग़ आतोग़ इतेके, देवुळबाबाना पोल्‍लोतुन केंजिसि, तना जीवा वने ईतोग़. हव्कनागुटाता हामुर ओसोय लजाता मन्ज तेला, अदिन वने ओग़ तना पोग़ोन एतोग़.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

इब्रितोर 13:13

इंजेक माट वने, ओग़ लजा अरतप लेह्‌कान, लजा अरयकल. ओना संगे पलते दायना लेह्‌कान, (पाळ्ना करलता नोमळतुन विळ्सिसि, अद करलतुन नोमवालोरा मुनेह) कदरलेवा मनदलाह, माट तयर आयकल.

तोहचीतव पोल्‍लोङ 12:11

गोरेपिलाता नेतुर मावाङ सबे कसुर्किन एडिह कीता इदिन पुन्जि, मावोर विस्वसिर मासुंडता कसुर ओपतदिन रेयोर. माट येसुनोरोम इन्जि साक्सि ईताह्‌कु, हामुर वायग़ा इन्जि पुतोर, पुन्जाय मति ओर तमा जीवाता पर्वा केवोर. इद्रमलेह्‌का ओर मासुंडतुन आरे कीतोर.

तोहचीतव पोल्‍लोङ 17:6

ओसो अद आंचाळ ओचिस मतद ऊळतन. येसुना साक्सि मन्जि डोलतोर देवुळता पवित्र मन्कलोरा नेतुर उन्जि, अद आंचाळ ओचिस मता. नना तान ऊळिस पका बामतन.

तोहचीतव पोल्‍लोङ 18:24

इद बेरा सिक्सा नीवा पोग़ोन बाराह्‌क अरता इतेके, नियगा देवुळता कबुरतोरिन, पूरा बूमतगा देवुळता मन्कलोरिन, ओसो दुस्रोर मन्कलोरिन, नियग्डोर हव्कतोर इनजोरे,” इन्जि अद देवतुल इता.

तोहचीतव पोल्‍लोङ 2:13

देयह्‌कना मुक्याल राजेम कीयनद जागातगा मीट मह्‌निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्‌कु, अग्डोर देयह्‌कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.