इब्रितोर 12:3 - माडिया गोंड पवित्र सास्त्रम

³ ओग़ बूमते मनदह्‌पा, पापि मन्कलोर ओन पकाय विरुद कीस मतोर, अस्के वने केमेन आपतोग़. मीट वने विस्वसता लोप्पा बागिसि, आरेम आयमाट, येसुन सीता कीम्ह्‌टु.

इब्रितोर 12:3 Iomraidhean Croise

मत्याल 11:19

मति माने-मन्कना नडुम पुटटोनन बेस तिनजोर-उनजोर वाताह्‌क इसि, नाक वळ्ह्‌किह्‌तोर, ‘ओन ऊळाट, ओग़ उळ्बे, ओचे, सिद्‌वा एनवालोरा, पाप्यहलोरा गोतयाल!’ इद्रम नाक इन्ह्‌तोर. (योहन अह मताह्‌क वने मीक अरवोये, नना इह मताह्‌क वने मीक अरवोये.) मति बोर देवुळता बुदते ताकिह्‌तोर, ओराङ कबस्क सेतेम दिसनुङ,” इनजोर येसु इतोग़.

मत्याल 12:24

मति अगा मतोर परुसिर इदिन केंजिस इतोर, “वेग़ कोनि बेल्जेबुब इनदनद देयह्‌कना मुक्यानाय साय्ताते, देयह्‌किन पूंड पग़यह्‌तोग़!” इद्रम अडम वळ्ह्‌कतोर.

मत्याल 21:23

येसु पया ओसोवने येरुसलेम मंदिरतगा नेङतोग़. अगा ओग़ काग़्हनेके, पेर्मालोर ओसो दुस्रोर यहुदिराङ पेदल्क, वेर येसुन इनदलाह आतोर, “नियगा मंदिरताहि वीकुरतोरिन पूंडलाह अदिकर मन्ह्‌ताया? मतेके बेद्रमता अदिकर मन्ह्‌ता, ओसो इद अदिकर बोग़ नीक ईतोग़?” इन्जि ताल्ह्‌कतोर.

मत्याल 21:46

अदिह्‌क येसुन ओर पोयतलाहि अग़िङ पर्ह्‌किंदुर. मति लोकुर ओनु देवुळता कबुरतोग़ आंदोग़ इन्जि नमताह्‌कु, वेर लोकुरिह्‌क रेयिसि, येसुन पोयतलाह ऊळोर.

मत्याल 22:15

पया परुसिर अग्डाह पेसिसि, कतमतोर उंद जागाते कलियिसि, येसुन बह कीस तेला, ओना वळ्ह्‌कनद पोल्‍लोते, ओन एग़्किह कीसि तप तोहतकल इन्जि, आय्डा कीतोर.

लूकाल 14:1

परुसिरा तुंगातग्डाहि ओर्वोग़ मुक्याना लोतगा, जावा उनडलाहि केयताह्‌कु, येसु अद लोतगा अतोग़. अद दिया वारमता पोल्वादिया मता. अस्के अग्डोर लोकुर (ओन बेदाय पोल्‍लोते एग़्किह कीयलाह,) ऊळा-वेचाते मंदुर.

लूकाल 15:2

इदिन ऊळिस परुसिर ओसो सास्त्रमगूरुर येसुन मुयोग़ आसोरे, “वेग़ मन्कल पापिरिन बेस-नेह्‌ना तनगा केयिस उदिह कीस्तोग़. ओसो ओरा संगे तिनदना-उनडना कीस्तोग़,” इतोर.

लूकाल 16:14

येसु इव पोल्‍लोङ वेहनेके, अगा उय्तुर परुसिर मतोर. ओरु कोताना पोग़ोन पका जीवा कींदुर. अदिह्‌क येसु इतव पोल्‍लोन केंजिसि, ओन पास्किंदुर.

लूकाल 2:34

पया सिमियोन मुय्तोग़ ओरिह्‌क बर्कतताङ पोल्‍लोङ वेहतोग़, वेहचि पेकाना तलिन इद्रम इतोग़ इतेके, “इगा वेल्‍लाटोर इस्रयेल लोकुर विस्वस केवोरु बूळेम आयिर, ओसो वेल्‍लाटोर विस्वस केवालोर पिसिर इनजोर, देवुळ वेन आचता. वेग़ देवुळतुन तोहतनद सीना मनदनोग़, मति लोकुर वेना पोग़ोन विस्वस केवालेवा वेन पास्कनुर.

लूकाल 5:21

इतस्के सास्त्रमगूरुर ओसो परुसिर येसु इतदिन केंजिसि, वेर तमतमाये, “ऊळाट वेग़ मन्कल उगसे, देवुळतन इतपे बह पोग़यिह्‌तोग़! देवुळतुन विळ्सिस इतेके बोग़े पापमतुन मापि कीया पग़वोग़,” इनजोर विचर कीया बोटटोर.

योहन 10:20

ओरग्डाहि वेल्‍लाटोर इतोर, “वेग़ पिसाङ आतोग़, रा! वेन देयम पोयता. वेनाङ मीट बाराह्‌क केंजिह्‌निर?” इह इतोर.

योहन 18:22

येसु अह इतस्के, अगा निच मनवाल मंदिरता पह्‌रातोग़ ओर्वोग़, येसुन चेट इनाह चापुळ ईतोग़, ईसि इतोग़, “निमा मोदुल पेर्मान इह बह इह्‌निन?” इतोग़.

योहन 5:16

अदिनेनाह्‌कु यहुदिराङ पेदल्क येसुन कट्ला कीयलाह आतोर, बाराह्‌क इतेके पोल्वादियाते ओग़ इद्रमताङ कबस्क कीस्तोग़ इनजोरे.

योहन 7:12

लोकुरा मुलु येसुना लोप्पा तमतमाय कुस्क-कुस्क वळ्ह्‌किंदुर. “आयो रा, ओग़ नेह्‌नोग़ मन्कल,” इन्जि उय्तुर इंदुर. उय्तुर बार इंदुर, “आयो रा, ओग़ लोकुरिन लेसिह कीस्तोग़ गोतो,” इंदुर.

योहन 8:13

अस्के परुसिर येसुन इतोर, “निमा वग़ोनिन नीवाय लोप्पा साक्सि ईय्ह्‌निन इतेके, नीवा साक्सि ताको,” इन्जि इतोर.

योहन 8:52

(ओग़ु मेंदुदा हामुरता लोप्पा वळ्ह्‌किह्‌तोग़ बहे इनजोर,) यहुदिर ओन इतोर, “नीक देयम पोयता ऊळा, इंजेक माट पुतोम. अब्रहम वने डोलतोग़, देवुळता कबुरतोर वने डोलतोर. निमा मात्रम इह्‌निन, ‘बोर नावाङ पोल्‍लोङ केंजिस अहलेह्‌का तिरियनुर, ओर बेस्केन हायोर आयनुर,’ इह्‌निन.

योहन 8:59

तेन केंजिस, (येसु ननान देवुळतन इतप वळ्ह्‌किह्‌तोग़ इन्जि, वेर पुतोर.) पया ओङ आसि, येसुन उकलाहि बंडाङ पेह्‌कतोर. मति येसु ओरग्डाहि कुस्क्ने मंदिरताहि पेसिस अतोग़.

योहन 9:40

अस्के अगा मतोर उय्तुर परुसिर इदिन केंजिसि, “बह माट वने बुदते गुडिरोम इनजोर इह्‌निरा?” इतोर.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

2 कुरिंततोर 4:1

माक दया कीसि, तना ईतद पूना पोल्‍लोतुन पोकुर कीयनद सेवातुन, देवुळि माक ईता. अदिनेनाह्‌क माट दीरा विळ्सोम.

2 कुरिंततोर 4:16

अदिनेनाह्‌क माट आरेम आयोम. मावा मेंदुल दिनम मुवसोर दायलाह आता, मति मावा लोप्पा मनदनद जीवा, दिनम पूना आसोर दायलाह आता.

गलातितोर 6:9

अद्रमे माट बेसताङ कबस्क कीयलाह, बेस्के लंडा आयनदायो. इद्रम माट आरेम आयवेके, देवुळ तासतद कगोते माक अव कबस्कना पाय्दा दोर्कग़ा.

2 तिसलुनितोर 3:13

मति मावोर विस्वसिरिर! मीट इतेके आरेम आयवा, बेसताङ कबस्क कीसोर मन्ह्‌टु.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

इब्रितोर 12:5

तनाङ पिलाङ-पेकोर इनजोर, मीवा जीवातुन दीरा ईयलाहि, देवुळि मीवा बाबाल इन्जि, तना सास्त्रमतगा इतद पोल्‍लोतुन माग़्ङतिरा? अद इद्रम मन्ह्‌ता: “नावा मग़निन! सामि तना बोरिन-बोरिन जीवा कीस्ता, ओरिन सुद्रे कीस्ताये. बोरिन-बोरिन तनाङ पिलाङ-पेकोर इनजोर मानेम आस्ता, ओर सबेटोरिन सिक्सा ईस्ताये. अदिनेनाह्‌क अद नीक सुद्रे कीयह्‌पा पास्कमा; अद नीक तेर्हतह्‌पा, निमा आरेम आयमा,” इनजोर रासतद मन्ह्‌ता.

इब्रितोर 3:1

अदिनेनाह्‌क मावोर पवित्र विस्वसिरिर! देवुळि मीक बेद पिसमुळते केयता, अवटे मीट वने कलियतिर. अदिनेनाह्‌क येसुना लोप्पाडा पोल्‍लोतुन बेस-नेह्‌ना विचर कीस ऊळाट! ओग़ देवुळ लोहतोग़ (माक पिसिह केवाल), ओसो मावा पेर्माल इन्जि, माट कबुल आय्ह्‌नल.

1 पत्रु 2:23

ओना मोकम एग़ रेहतोर, मति ओग़ु कोदा पोसि बोनाय मोकम एग़ रेहोग़. बेचोन तिपल अर्स तेला, नाक अह कीय्ह्‌निर मति ऊळाट इन्जि, मुर्तिय दगाङ एवोग़. मति सेतेमते नेयम कीयनद देवुळतुन नमिसि, ताना कयदे तन्क विळ्सिसीतोग़.

तोहचीतव पोल्‍लोङ 2:3

नाक नमताह्‌कु पकाय तिपल आतिर, तेला मति अद तिपलते दीरा पोस मह्‌निर, आरेम आयविर. नना इव सबे पोल्‍लोन पुतन.