इब्रितोर 12:13 - माडिया गोंड पवित्र सास्त्रम

¹³ इके-अके आयवा, विस्वसता सीदा दायनद अग़दे ताकसोर मन्ह्‌टु. अस्के मियगा विस्वसते कूटटप मनवालोरु, लेसिस अनवा, तमा विस्वसते मेग़्किस मनदनुर.

इब्रितोर 12:13 Iomraidhean Croise

लूकाल 3:5

इतेके सबे लोवाङ निंदिस दायना गावले, सबे मेटाङ ओसो गुड्राङ बराबर आयना गावले. विकोङ-वकोङ आतव अग़िङ दिग्ने आयना गावले, बोंदाङ-बोग्ळाङ आतद अग़ि सम्ने आयना गावले.

गलातितोर 2:14

कलियिस तेला मति, वेर देवुळता सेतेम कबुर वेहतपु ताकोर आंदुर, तेन ऊळिसि नना कतमतोरा मुनेह पत्रुन तेर्हतन. “निमा इतेक यहुदिनिन आस तेला, किर्स्तुनगा वाताह्‌कु यहुदिराङ अडोन विळ्सिसि, यहुदि आयवोरा लेह्‌काने ताकिंदिन; मति इंजेके दुस्रा जाततोरिन निमा बेद्रमि मावा यहुदिराङ अडोङ नोमलाह जबर्दस्त कीय्ह्‌निन?

गलातितोर 6:1

मति मावोरिर, ओर्विना-ओर्वोग़ सेवा कीम्ह्‌टु. बोग़ाय मीवा ऐंगेटोग़ विस्वसि पापमते एग़्कतदिन ऊळतेके, बोर पवित्र जीवाता पेग़्के ताकवालोरिर मह्‌निर, मीट ओनगा अन्जि, कुलुल बुदते ओनु सेतेमता अग़दे ताटु. मति ततह्‌पा, मीट वने अद्रमता पापमते एग़्कनदायो इन्जि, उसरते मन्ह्‌टु.

याकुब 5:16

अदिनेनाह्‌क मीट कीतद पापमतुन, ओर्विह्‌क-ओर्वोग़ कबुल आम्ह्‌टु, ओसो ओर्विनेनाह्‌क-ओर्वोग़ पार्तना कीम्ह्‌टु. अस्के मीट बेमरताहि बेस आयकिर. सेतेमतोग़ मन्कना पार्तनाते पका लाव मन्ह्‌ता.

1 पत्रु 2:24

माटु मावा पापमताङ विचर्कनाहि पिह्‌ट अर्सि, सेतेमते ताकनेनाह्‌क, ओग़ु मावा पापमता सिक्सातुन तना मेंदुदा पोग़ोन एचि,हव्कनागुटातगा डोलतोग़. ओग़ु देबाङ तिन्ज नोमुर आताह्‌के, मीट मीवा जीवाते बेस आतिर.