इब्रितोर 12:11 - माडिया गोंड पवित्र सास्त्रम

¹¹ देवुळि माक सुद्रे कीयह्‌पा, माक इंजेके गिर्दा वास्ताया? वावो. माक दुकम आस्ता; मति तान मर्सतोरिह्‌क, पेग़्के पाय्दा दोर्किह्‌ता. आल्सुळलेवा पिसनाह आस्ता; सेतेमते पिसनाह आस्ता.

इब्रितोर 12:11 Iomraidhean Croise

रोम सहरतोर 14:17

केंजाट, देवुळि मीवा नडुम राजेम कीयना इतेके, तिनदनव-उनडनव पोल्‍लोनेके अचोन सीता केमाटु. सेतेमते ताकना, ओर्विना संगे ओर्वोग़ गूनमते मनदना, पवित्र जीवाता गिर्दाते निंदिस मनदना, इवे मोदुल पोल्‍लोङ आंदुङ.

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

2 तिमोति 4:8

(गेल्सवालोरिह्‌क दोर्कना लेह्‌कान,) देवुळि इंजेटाहि नयेनाह्‌क उंद राजटोपि तासता, अदु सेतेमते पिसवालोरिह्‌क ईयनद इनम आंदु. सेतेमते नेयम केवाल येसुसामि, तना नेयम कीयनद दियाते, अद राजटोपतुन नाक ईयनोग़. सिरप नाके आयो, सामि ओसोवने मल्स वायनदिन गिर्दाते केपवालोर सबेटोर मन्कलोरिह्‌क ईयनोग़.

इब्रितोर 12:10

मावाङ तपेर तम्क बेद्रम तेळियिस मता, अद्रम माक गळ्कनेनाह्‌क सुद्रे कीतोर. मति देवुळबाबाल, माट वने तना लेह्‌कान पवित्र आयना इन्जि, मावा पाय्दातेनाह्‌क माक सुद्रे कीस्तोग़.

इब्रितोर 5:14

मति विस्वसते बुद पुतोरे, गाटो तिनवालोरा लेह्‌कान मन्ह्‌तोर. ओर तमा विचरते बेसतल बेदु, लाग्वद बेदु इनजोर, पुनदनद कग़यतोर.

1 पत्रु 1:6

अदिनेनाह्‌कु मीट पका गिर्दा आम्ह्‌टु. इंजेके गय्क मीकु तिपलते रीतरीतिनाङ दुकह्‌किन आप पोयतग़ा; तेला मति गिर्दा आम्ह्‌टु.

2 पत्रु 2:14

वेरा नद्र साट्याल बुदते निंदिस मन्ह्‌ता, पापम पोल्‍लोन पर्ह्‌कसोरेन मन्ह्‌ता. विस्वसते मेग़्कवोरिन नाळेह कीसि, पापमतके ओस्तोर. लालुस आयनदिना लोप्पा कोनि, वेरे पका पुतोर. देवुळि वेरिन सिक्सा ईस्ताये.