इब्रितोर 11:13 - माडिया गोंड पवित्र सास्त्रम

¹³ इद्रम देवुळतुन विस्वस कीतोर मन्कलोर सबेटोर, अद पोल्‍लो विळ्सिस मतदिन दोर्किह कीयनाह, जीवात मनोर; मति देवुळतुन विस्वस कीसोरेन डोलतोर. देवुळि पोल्‍लो विळ्सिस मतदिन, सिरप जेकताहि ऊळतप लेह्‌का ऊळिसि, बेस गिर्दा आतोर. अद्रम कीस, इद बूमतगा माटु पर्गेरोम, केर्देरोम इन्ज मतोर.

इब्रितोर 11:13 Iomraidhean Croise

मत्याल 13:17

इह केंजाट, नना सेतेम वेहतह्‌नन, नेंड मीट बेव ऊळिह्‌निर, केंजिह्‌निर, अविनु मुनेतोर देवुळता कबुरतोर ओसो सेतेमतोरु, इद्रम वेल्‍लाटोरे ऊळलाह, केंजलाह पप्ळेम आंदुर. मति ओरिह्‌कु ऊळ दोर्को, केंज दोर्को.

योहन 12:41

(देवुळता दळ्मि ओना पोग़ोन अरताह्‌कु,) यसयाह्‌कु येसुना डीसा दिसता, अदिह्‌क ओग़ु येसुना लोप्पा इद्रम आयना मन्ह्‌ता इन्जि, मुने वळ्ह्‌किस मतोग़.

योहन 8:56

मीवा मुनेतोग़ पेदामुय्तोग़ अब्रहमि, नावा वायनद वेलातुन ऊळसोर, पका गिर्दा आतोग़. ऊळिंदोग़ वने, ओसो गिर्दा आंदोग़ वने,” इतोग़.

रोम सहरतोर 4:21

देवुळि पोल्‍लो विळ्सतप लेह्‌का कीया पग़यह्‌ता इनजोर, देवुळता पोग़ोन ओना पका बर्वस मता.

रोम सहरतोर 8:24

देवुळि माक पिसिह कीतस्के, माक इद आसा दोर्कता. मति बातालतुनाय कोंडाने ऊळतेके, ताना पोग़ोन बोग़ाय बाराह्‌क आसा तासेग़?

2 कुरिंततोर 4:18

बाराह्‌क इतेके, माटु दिसनव पोल्‍लोना पोग़ोन आयो, मति दिसवव पोल्‍लोना पोग़ोन कोंडा कीतल. दिसनव पोल्‍लोङ गळ्के मन्ह्‌ताङ, दिसवव पोल्‍लोङ बारा अमेसातेनाह्‌क मन्ह्‌ताङ.

2 कुरिंततोर 5:6

अदिनेनाह्‌क माट दीरा पोयसोर मह्‌नोम. ओसो इद बूमता मेंदुलते मनाह्‌कु, माट सामि मनदनगा मनदा पग़वल इनजोर पुह्‌नल.

इपिसुसतोर 2:19

यहुदि आयवोरिर, मीट मुने देवुळतुन पुनवालेवा, ताना मन्कलोरगा कलियवा मतिर. इंजेके ओरा संगे देवुळता मन्कलोरिर आतिर, ओरा संगे ताना लोतोरिर वने आतिर.

इब्रितोर 11:14

इद्रम वळ्ह्‌कवालोर मन्कलोर, तमाय देसेम इनजोर, उंद देसेमतुन पर्ह्‌किह्‌तोर इन्जि तोहचीतोर.

इब्रितोर 11:17

विस्वस कीताह्‌कु, देवुळि अब्रहमना पट ऊळतस्के, ओग़ तना मग़ि इसकिन मोक ईयलाह तयर मतोग़. इसकनग्डाहे नीवा जालपिलतुन लेकनुर इनजोर, देवुळि ओन पोल्‍लो विळ्सिस मता. तेला मति वेग़े इसकिन मोक ईयलाहि, अब्रहम तयर मतोग़.

इब्रितोर 11:27

विस्वस कीताह्‌कु, मोसाल मिसरि राजाना ओङतुन रेयवा, मिसर देसेमतुन विळ्सिस अतोग़. मन्कलोर ऊळ पग़वद देवुळतुन, तना ऊळतप लेह्‌कान, मेग़्किस मतोग़.

इब्रितोर 11:39

वेर सबेटोर मन्कलोर तमा विस्वसतेनाह्‌कु देवुळतुह्‌क बेस विचर वातोर; विचर वातेक तेला, वेर देवुळि पोल्‍लो विळ्सिस मतदिन, दोर्किह केवाय मतोर.

1 पत्रु 1:1

नना पत्रुनन, येसु किर्स्तुना बळयिनन, इद सीटि रासिह्‌नन. पुंतुस, गलाति, कपदुकिया,आसिया ओसो बितुन्या, इव रोम राजेमताङ पटिने बिरोबटो आसि मतोरु, इद दुनियाते रेंड दियाङ मनवालोरु,

1 पत्रु 1:17

मीटु “ए बाबा!” इन्जि केयिसि मोळ्कनद देवुळि, बेस्केने मोकम ऊळिसि नेयम केवो, अद मीवा ताकमुळतुन ऊळिसि नेयम कीस्ता. अदिह्‌के मीटु इद दुनियाते पय्नम अनवाना लेह्‌का आसि, रेंड दियाङ मनदह्‌पा, देवुळतुन रेयिसि ताकाटु.

1 पत्रु 2:11

ए नावाङ गोतयालोरिर, मीवा देवुळदीपता लोताहि मीटु जेक आसि, इद दुनियाते रेंड दियाङ मह्‌निर. अदिह्‌के मीक नना वेहतह्‌नन, अमेसा मीवा जीवाता अडम मनदनव विचर्कनाहि, इतेके मीवाङ लाग्वाङ विचर्कनाहि, जेक आम्ह्‌टु.

1 योहन 3:19

इद्रमलेह्‌का ओर्विह्‌क-ओर्वोग़ जीवा कीतेकेने, माट देवुळता सेतेम अग़दे ताकिह्‌नल इनजोर, माक एर्का आयग़ा. ओसो माट देवुळता मुनेह, दीराते रेयवालेवा मनदकल. अस्के मावा बुदि माक कसुर तोहतेकाय, मावा बुदतुह्‌काय वीळिसि, देवुळता बुद एक्‍वा मन्ह्‌ता, अद मावा लोप्पा पूरा पुन्जि, (माक गूनम तोहतह्‌ता).