इब्रितोर 10:25 - माडिया गोंड पवित्र सास्त्रम

²⁵ उच्वुर ऐंगेन जमा आयनदिन विळ्सतोर, ओरा लेह्‌कान माट जमा आयनदिन विळ्सवल. विस्वसते मेग़्किस मनदलाहि, ओर्विना-ओर्वोग़ तोळ आयकल. सामि वायनद दिया एवयलाह आता, इदिन मीट पुतिर. अदिनेनाह्‌क माट ओसोय जिदते इद्रम कीसोर मनदकल.

इब्रितोर 10:25 Iomraidhean Croise

मत्याल 10:15

इह केंजाट, नना सेतेम वेहतह्‌नन, सोदोम-गोमोरा अव नाह्‌कनोरिन देवुळ (ओराङ लाग्वाङ कबस्कनेनाह्‌क, मुने सिक्सा ईसि) बूळे कीता इन्जि पुतिर. तान वीळिसि मीक एरे केवोर इव नाह्‌कनोरिनु, नेयमता आक्रि दियाते देवुळि वेल्‍ला सिक्सा ईयग़ा.

मत्याल 18:20

बाराह्‌क इतेके बेगा इर्वुर-मुवुर नावा पेदिरते जमा आस्तोर, अगा नना दिसवालेवा ओरा नडुम मह्‌नन,” इन्जि येसु इतोग़.

योहन 12:48

बोर नाक कोंटे कीसि, नावाङ पोल्‍लोङ केंजोर, ओरा नेयम कीयनद उंद मन्ह्‌ता: बेद पोल्‍लो नना वेहतन, अद पोल्‍लोते ओर तिरियतोरो, तिरियोरो, अद इसबते ओरा नेयम आयग़ा.

बळयिर 16:16

अद्रमे उंद दिया, माट पार्तना कीयनद जागातगा अनजोर मतोम. अस्के उंद ओर्युल मनदनद पिला माक कलियता. तानु पोत ऊळनद देयम पोस मता, अदिह्‌क लोकुर तानगा पोत ऊळलाह वांदुर. इद्रमि तानाङ माल्कालोर ताना मेटे, पका कोताङ कमय कींदुर.

बळयिर 2:1

(येसु हातापया 50 दियाने,) यहुदिरा पंटाता पंडुमतस्के, सबेटोर विस्वसिर उंद लोतगा जमा आस मतोर.

बळयिर 2:42

विस्वसिर किर्स्तुनाङ बळयिर काग़्हतनाङ पोल्‍लोन केंजसोरे, ऐंगेन कलियसोरे, किर्स्तुना मोकता सीता कीसि ऐंगेन आरिङ तिनजोरे, पार्तना कीसोरे, इद्रम मंदुर.

बळयिर 20:7

पया ऐतारम दिया, किर्स्तुना मोकता सीता कीसि आरिङ तिनदलाह, विस्वसिरा संगे जमा आस मतोम. अस्के पोलु इमा दिया अग्डाहि दायना मताह्‌कु, ओरिह्‌क नडुमनग़्का एवनाह पोल्‍लोङ वेहचोरेन मतोग़.

रोम सहरतोर 12:8

दुस्रोरिह्‌क दीरा ईयनद बुद दोर्कतोरिर, अहे दीरा ईसोर मन्ह्‌टु. दुस्रोरिह्‌क दर्मम कीयनद बुद दोर्कतोरिर, चिव्टम आयवा दर्मम कीसोर मन्ह्‌टु. दुस्रोरा मुक्याल आस ताकिह कीयनद बुद दोर्कतोरिर, पूरा जीवाताहि ओरिन ताकिह कीसोर मन्ह्‌टु. दुस्रोरिन जीवा लोपिस तोळ ईयनद बुद दोर्कतोरिर, मीट गिर्दाते तोळ ईसोर मन्ह्‌टु.

1 कुरिंततोर 11:20

मीट सामिन सीता कीयनद कुळ्पि इनजोर जमा आय्ह्‌निर, अस्के मीट दुस्रोरिन केपवा, आपुना-आपुना गाटोतुन तिनदलाह गाबरते मह्‌निर. बोग़-बोग़ कग़्वते मन्ह्‌तोग़! बोग़-बोग़ तिन्जि-उन्जि मन्ह्‌तोग़! इद्रम आतेके, तेन सामिना कुळ्प इनजोर बह इह्‌निर?

1 कुरिंततोर 14:23

मीट विस्वसि मुल जमा आतस्के, मीट सबेटोरिर तेळियवव बासाने वळ्ह्‌केरिर. अस्के मीट वळ्ह्‌किह्‌पा, येसुना लोप्पा तेळियवोग़ मन्कल, इलवेके येसुन विस्वस केवोग़ मन्कल, मियगा ओळियेग़. अस्के मीट वळ्ह्‌कनदिन केंजिसि, वेर कोन पिसाङ आतोर इनजोर इनोग़ा? (अह इन्जि, मीवा संगे कलियोग़ आयनोग़ बहे. इद्रमलेह्‌का मीट तेळियवव बासाने वळ्ह्‌कनदु, विस्वसलेवोरिह्‌क देवुळताहि जेक आयनद सीना मन्ह्‌ता.)

1 कुरिंततोर 3:13

किर्स्तु बेद दिया तना लोकुरा नेयम कीयलाह वायनोग़, अद दिया तना ओर्वोग़-ओर्वोग़ सेवकना कबळतुन, किसते पट ऊळनोग़. इद्रमि ओरा कबळ बेद्रमता इनजोर, पुनाह आयग़ा. अस्के ओर कीतद कबळ बेद्रमता इनजोर, किसते पर्ह्‌किस ऊळनद आयग़ा.

1 कुरिंततोर 5:4

इतेके मावा येसुसामिना पेदिरते मीट जमा आयह्‌पा, नना वने सीताते मीवा संगे मह्‌नन. ओसो मावा येसुसामिना लाव मावा संगे मन्ह्‌ता.

पिलिपितोर 4:5

सामि वायनद दिया एरेन एवता, इदिन सीता कीसि, मीट कुलुल बुदता मन्कलोरिर इनजोर, सबेटोर पुनदना गावले, अद्रम पिसाटु.

1 तिसलुनितोर 4:18

इव पोल्‍लोङ वेहचि पया, ओर्विह्‌क-ओर्वोग़ दीरा ईसोर मन्ह्‌टु.

1 तिसलुनितोर 5:11

अदिनेनाह्‌क मीट इंजेके कीय्ह्‌निर अद्रमलेह्‌कान, ओर्विह्‌क-ओर्वोग़ दीरा ईम्ह्‌टु, ओसो ओर्विह्‌क-ओर्वोना विस्वसतुन बेर्सिह कीम्ह्‌टु.

इब्रितोर 10:24

ओर्विह्‌क-ओर्वोग़ जीवा कीयलाहि, बेसताङ कबस्क कीसीयलाहि, ओर्विह्‌क-ओर्वोग़ बेद्रम दीरा ईकल इनजोर, विचर कीस ऊळिङ, ओसो अद्रमलेह्‌काने कीयिङ.

इब्रितोर 10:37

देवुळता सास्त्रमतगा किर्स्तुना पोल्‍लो इद्रम रासिस मन्ह्‌ता: गळ्क मन्जि वावाल मन्कल निटम एवयनोग़, ओग़ आल्सेम केवोग़,

इब्रितोर 13:22

मावोर विस्वसिरिर! नना मीक बेरा लाट सीटि रासोन. नना मीक बुदि काग़्हचि, रासतद पोल्‍लोतुन सीता कीसोर केंजाट इन्जि, मीक अर्जि कीय्ह्‌नन.

इब्रितोर 3:13

देवुळता सास्त्रमतगा, “नेंडु” इनजोर रासिस मन्ह्‌ता. उंद-उंद दिया वायह्‌पा, तान “नेंड” इह्‌नल. अदिनेनाह्‌क पापमि मीवा विचरतुन नाळेह कीसि, गद्रम कीयनद आयो इन्जि, दिनम मीट ओर्विह्‌क-ओर्वोग़ दीरा ईसोर मन्ह्‌टु.

याकुब 5:8

अद्रमलेह्‌का मीट वने आरेम आयवा, दीरा पोस केपाटु, बह इतेके सामि वायनद दिया एरेन एव्स मन्ह्‌ता.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

2 पत्रु 3:11

इंगो, निटमे देवुळि निल्पिह कीतद दियाते पोग़ोटा बूमि किसते बूळेम आयग़ा; अगा मनदनव सबेटव दगडातुह्‌क कारियनुङ. इव सबे आयनुङ इन्जि पुह्‌निर इतेके, अद दियाता अग़ ऊळसोर, पवित्रते ताकना गावले. अमेसा मीट देवुळता विचर मतप लेह्‌का कीयना गावले. अद्रम ताकतेके, मीटु अद दिया चट्पिट एवनाह कीकिर.

2 पत्रु 3:14

नावा गोततोरिर! इव पोल्‍लोङ आयनुङ इनजोर, मीट अग़ ऊळलाह आतिर. अग़ ऊळसोर, पापमता डागिललेवा, कसुरलेवा मन्जि, नावा संगे कलियिस मतोर इनजोर, देवुळ इनाह पिससोर मन्ह्‌टु.

2 पत्रु 3:9

सामि तना पोल्‍लो विळ्सिस मतदिन केवालेवा, आल्सेम कीयलाह आता इनजोर, उच्वुर मन्कलोर विचर कीस्तोर. मति अद्रम आयो; बोग़े बूळेम आयनद आयो इन्जि, देवुळता विचर मन्ह्‌ता. सबेटोर मन्कलोरिह्‌क पापमता अग़दाहि जर मलयलाह, मोका दोर्कि इनजोर, अद मियेनाह्‌क आपसोर केपिह्‌ता.

यहुदाल 1:19

वेर मन्कलोर दुस्रोरिन ओर्विह्‌क-ओर्विन कोंटेङ पुटिह केवालोर; वेर मन्कना बुदते ताकवालोर; वेरगा देवुळता पवित्र जीवा इले.