इब्रितोर 10:19 - माडिया गोंड पवित्र सास्त्रम

^19-20 अदिनेनाह्‌क मावोर विस्वसिरिर! येसु किर्स्तु नेतुर पोहच डोलिस मताह्‌कु, माट देवुळतके दायलाह, मयेनाह्‌कु पूना, जीवा ईयनद अग़ तयर कीसीतोग़.(पोग़ोटा सबेट्क पवित्र गूडटगा,) पळ्‍दा गेंदेतगाह्‌क अतप लेह्‌का, ओग़ तना मेंदुदा मोक ईसि ओळियतोग़. ओना मेटे, माट वने अद पवित्र गूडटगा ओळियलाह, दीरा पोयतल.

इब्रितोर 10:19 Iomraidhean Croise

रोम सहरतोर 5:2

माट विस्वस कीताह्‌कु, येसुसामि माकु देवुळता दया दोर्किह कीसीतोग़, अद दयाते माट इंजेक पिसिह्‌नल. ओसो आक्रिते माट देवुळता डीसातुन ऊळसोर, ताना संगे मनदकल इनजोर, इद आसाते बेस-नेह्‌ना गिर्दा आतल.

रोम सहरतोर 8:15

बहु साकुर केवाल तना माल्काह्‌क रेयिस मनदना लेह्‌का, माकु देवुळताहि रेय वसनद जीवा दोर्कताया? आयो! मावा जीवातगा मनदनद पवित्र जीवा, माकु देवुळताङ मग़्क-मयास्‍क आनाह कीता. अदिनेनाह्‌क देवुळतुनु, ए नावा बाबानिन इनजोर, केय पग़यह्‌नल.

इपिसुसतोर 2:18

बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.

इपिसुसतोर 3:12

येसु किर्स्तुना संगे माट जोळेम आताह्‌कु, ओन विस्वस कीताह्‌कु, इंजेके रेयवालेवा, दीराते, बर्वसते, देवुळता एरे माट दाया पग़यह्‌नल.

2 तिमोति 1:7

बाराह्‌क इतेके, देवुळि माक रेयिस मनदनद जीवा एवो, मति माक लावता, दुस्रोरिन जीवा कीयनदु, कुदतुन आव्रे कीयनद जीवा ईता.

इब्रितोर 10:18

देवुळि इद्रमलेह्‌का मावा पापमतुन मापि कीतेके, पापमतुन मायिह कीयलाहि (बाराह्‌क मोक ईयनाह आयग़ा?) मोक ईयलाह मुर्तिय गर्ज इले.

इब्रितोर 10:35

मीट देवुळतगा बर्वस तासताह्‌कु, अद मीक बेरा इनम ईयग़ा. अदिनेनाह्‌क इंजेके बाताले आयि, मीवा बर्वसतुन विळ्समाटु.

इब्रितोर 12:28

माट इद गल्जवद राजेमतोर मन्कलोरल आतल. अदिनेनाह्‌क देवुळतुन जोहर कीसि तान रेयसोर, मान ईसोर, तान्क विचर वातप लेह्‌का मोळ्ककल.

इब्रितोर 3:1

अदिनेनाह्‌क मावोर पवित्र विस्वसिरिर! देवुळि मीक बेद पिसमुळते केयता, अवटे मीट वने कलियतिर. अदिनेनाह्‌क येसुना लोप्पाडा पोल्‍लोतुन बेस-नेह्‌ना विचर कीस ऊळाट! ओग़ देवुळ लोहतोग़ (माक पिसिह केवाल), ओसो मावा पेर्माल इन्जि, माट कबुल आय्ह्‌नल.

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

इब्रितोर 4:16

माक बेस्के गर्ज अरयह्‌ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.

इब्रितोर 7:25

ओसो माट येसुना मेटे, देवुळता एरे अनवालोरेनाह्‌क, ओग़ अमेसाये देवुळतुन अर्ज कीसोर मन्ह्‌तोग़. इद्रमलेह्‌का ओग़ माक पूरा कतम पिसिह कीयलाह पग़यह्‌तोग़.

इब्रितोर 9:12

मावोर बूमयालोर कीयना लेह्‌कान, एर्रे नेतुर, कोंदा पियोता नेतुर अग़्के ओळियोग़; मति (तना हव्कनागुटातगाडोलताह्‌कु,) तनाय नेतुर अग़्के, उंदिय मल्का, सबेट्क पवित्र गूडटगा ओळियतोग़. ओसो अद इसबते, माक कतम पापमताहि, अमेसातुह्‌क विळ्सिह कीतोग़.

इब्रितोर 9:3

पळ्‍दा गेंदेता पेग़्केडा अरातुन, सबेट्क पवित्र गूड इंदुर.

1 योहन 4:17

देवुळि इद दुनियाते मावा ताकमुळतुन ऊळिसि, येसुना ताकमुळतुन ऊळतप आंदु. अदिनेनाह्‌क देवुळि सबेटोर लोकुरा नेयम कीयह्‌पा, माट रेयवालेवा दीरा पोस मनदकल. सिक्सातुह्‌क मन्कलोर रेयिह्‌तोर, मति बोग़ देवुळता गूनमते निंदिस मन्ह्‌तोग़, ओनगा रेय वसनद पोल्‍लो मनो. ओग़ देवुळता नेयमते बाताल सिक्सा दोर्कग़ा इन्जि रेयोग़. मति बोग़ विस्वसि देवुळता गूनमते निंदिस मनोग़, ओग़ु नेयमतेनाह्‌क रेयिह्‌तोग़.