इब्रितोर 10:1 - माडिया गोंड पवित्र सास्त्रम

¹ मोसानाङ अडोना इसबते, मन्कलोर वर्सा-वर्सातुह्‌क जन्वर मोक ईस्तोर. मोक ईयनद बेस्केन रोमो, अमेसा ईसोरेन मन्ह्‌तोर; इतेके अव अडोनाङ पोल्‍लोङ, पयाडाङ बेसताङ पोल्‍लोना दळ्मलेह्‌का मन्ह्‌ताङ. अव निटम पोल्‍लोङ आयोङ. अदिनेनाह्‌क देवुळतगा अनवालोर मन्कलोरिन, ओरा पापमताहि पूरा एडिह कीया पग़वोङ.

इब्रितोर 10:1 Iomraidhean Croise

रोम सहरतोर 8:3

माट मन्कना बुदते ताकसोर मताह्‌कु, मोसानाङ अडोङ केंज पग़वा मतल. अद इसबते, अडोङ माक पापमता लावताहि विळ्सिह कीया पग़वोङ. मति अडोङ कीया पग़वदिन, देवुळिये कीता. बेद्रम इतेके, तना वग़ोग़ मग़िन लोहचीता. ताना मग़ि, माट पापि मन्कलोरा लेह्‌का मन्कल मारियिस, इद बूमतगा वास मतोग़. अदे मेंदुलते, ओग़ मावा पापमता सिक्सातुन, तना पोग़ोन एतोग़.

कुलुसितोर 2:17

(किर्स्तु वावस्के, देवुळि तना लोकुरिह्‌क इव अडोङ ईस मता.) इविस्किन बाराह्‌क ईता इतेके, वायना कालमते देवुळि तना लोकुरा संगे बेद्रम कलियना इन्जि तोहतलाह, ईस मता. मति इंजेके किर्स्तुना मेटे, देवुळि माक गट्ने कलियिह्‌ता.(अदिह्‌क इंजेके इद्रमताङ अडोङ वेहवालोराङ पोल्‍लोन केंजमाटु.)

इब्रितोर 10:22

मावा जीवा माक कसुर तोहवा, मावा जीवातगा किर्स्तुना नेतुर इल्ह्‌कतप लेह्‌का आता. माट पवित्र एते बिळबिळ एग़ मीतप लेह्‌का आतल. इव सबे पोल्‍लोन पुन्जि, मावा विस्वस मेग़्किस मन्जि, माट पूरा जीवाताहि देवुळता एरे अनिङ.

इब्रितोर 7:11

लेवि तेग़दोरग्डाहि देवुळि (आरुनमुय्तोन आचता. आचिसि आरुनना तेग़दोरिन,) बूमयालोर आयलाहि निल्पिह कीता. ओराय सेवाता जोतातगा, मोसानाङ अडोङ नितह्‌ताङ. अस्के वने ओरा सेवा मोळ्कवालोरिन पूरा एडिह कीया पग़वो. अदिनेनाह्‌क आरुनना लेह्‌कान आयवा, मेल्किसेदेकना लेह्‌कान ओर्वोग़ बूमयाना गर्ज अरयह्‌ता.

इब्रितोर 8:5

मोसाल देवुळता रावुळतुन निल्पिह कीयनामुने, देवुळि ओन वेहच मता, “निमा नावा संगे मेटातगा मतिन, अस्के नना नीक बाताल बाताल तोहतन, बराबर अद्रमलेह्‌काने, नावा रावुळतुन पंडकिर,” इनजोर इता. इतेके इद बूमतगा बूमयालोर सेवा कीयनद जागा, पोग़ोन देवुळदीपते मनदनद रावुळ बेद्रम मन्ह्‌ता इन्जि तोहतह्‌ता; ताना दळ्मता लेह्‌कान मन्ह्‌ता.

इब्रितोर 9:11

मति इंजेके बह आता? पूना करलताङ बेसताङ पोल्‍लोन पोसि,किर्स्तु मावा पेर्माल आस वातोग़. मन्कलोरा कयदे तयर आतद, इद बूमतगा मनदनद रावुळते ओळियोग़; मति पोग़ोन मनदनद रावुळते ओळियतोग़. अद पोग़ोटा रावुळिये निटमता आंदु, बूमता रावुळतुह्‌काय ओसोय बेसतलि.

इब्रितोर 9:23

इद बूमतगा मोळ्कनव सबेटव, पोग़ोन देवुळता जागातगा मनदनविस्कना दळ्मलेह्‌काने मन्ह्‌ताङ. इगा मनदनविस्किन जन्वरता नेतुरते एडिह कीयना गर्ज मन्ह्‌ता; मति पोग़ोन देवुळता जागातगा मनदनव निटमताङ. अविस्किन एडिह कीयलाहि (जन्वरता नेतुर ओप्पो;) तान्काय बेसताङ मोकिङ गावल आस्ताङ.

इब्रितोर 9:25

बूमतगा मनदनद रावुळता सबेट्क पवित्र गूडटगा, यहुदिरा पेर्माल वर्सा-वर्सातुह्‌क नेतुर पोस ओळियिह्‌तोग़, मति अद जन्वरता नेतुरि; तना कुदता आयो. ओग़ ओळियना लेह्‌कान, किर्स्तु वर्सा-वर्सातुह्‌क तना जीवाता मोक ईयलाह ओळियोग़.