इब्रितोर 1:6 - माडिया गोंड पवित्र सास्त्रम

⁶ ओसो, तना बेरा अदिकरता मग़िन,देवुळता जागातगा ततह्‌पा, देवुळि इता, “नावाङ सबे देवतुल्क ओन दंडुम अरयिङ,” इनजोर इता.

इब्रितोर 1:6 Iomraidhean Croise

मत्याल 24:14

ओसो देवुळता राजेम कीयनदिना लोप्पा, बेसता कबुरतुन सबे जातिनोर केंजना इन्जि, इद कबुर बूममेंड आबुर आयग़ा. अस्के कोनि पया बूम मारनद वेला वायग़ा.

योहन 1:14

देवुळता जीवात मनदनद पोल्‍लो, मावा लेह्‌का कय-कादोग़ आसि, मन्कना रूपते मावा बूमतगा वाता. ओग़ु देवुळता पूरा देय्वातुनु, पूरा सेतेमतुनु पोसि, मावा नडुम जागा आतोग़. ओग़ देवुळबाबाना वग़ोग़ मग़ आंदोग़; माट ओना डीसातुन ऊळतोम. (ओग़े येसु किर्स्तु आंदोग़.)

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

योहन 3:16

देवुळि दुनियातोरिन बेद्रम जीवा कीता इतेके, तना वग़ोग़ मग़िन इद दुनियातोरेनाह्‌क मोक आयलाह ईता. बोर ओन नमनुर, ओर बूळेम आयोर, मति अमेसाता पिसमुळ ओरिह्‌क दोर्कग़ा. अदिनेनाह्‌कु देवुळि तना वग़ोग़ मग़िन दुनियाते लोहता.

रोम सहरतोर 8:29

बाराह्‌क इतेके, बोर बोर नयगा विस्वस तासनुर इनजोर, देवुळि मुनेन पुन्ज मता. नावा मग़ि येसु ओर सबेटोरा दादाल आयेग़ इनजोर, देवुळि ओरिन येसुना लेह्‌काडोर आयलाह, मुनेन आचता.

कुलुसितोर 1:15

देवुळबाबाल दिसोग़ मति, ओना मग़ि येसुन ऊळतस्के, देवुळबाबान ऊळतपे आंदु. दुनियाते पंडटव सबेटविना पोग़ोन येसुनाय अदिकर मन्ह्‌ता.

कुलुसितोर 1:18

ओसो माट विस्वसिरा मुलु मेंदुलता लेह्‌काडोरल, किर्स्तु तान ताकिह कीयनद तलाता लेह्‌काडोग़ु, ओनाय मेटे माट पिसिह्‌नल. हामुरताहि जीवा अरवालोरग्डाहि, ओग़े मुनेतोग़ आंदोग़, इद्रमलेह्‌का सबे पोल्‍लोने ओग़े मुनेतोग़.

इब्रितोर 1:5

देवुळि तना मग़ना लोप्पा इद्रम इता: “निमा नावा मग़निन, नेटाहि नना नीवा तपेनन.” इनजोरे ओसो, “नना ओना बाबानन मनदकन, ओग़ नावा मग़ मनदनोग़.” इनजोर वने पोग़ोटाङ देवतुल्किन, बेदिने बेस्केन देवुळि इनो.

इब्रितोर 10:5

अदिनेनाह्‌क किर्स्तु बूमते वातोग़, अस्के देवुळतुन इद्रम इतोग़: “मन्कलोर मोक ईयनदिन, कोड वाटनदिन, निमा विचर केविन; मति नयेनाह्‌क उंद मेंदुल तयर कीतिन.

1 पत्रु 3:22

इंजेके येसु किर्स्तु देवुळदीपतगा अन्जि, देवुळबाबाना तिनळ बाजे (बेरा अदिकरता गादेते) उदतोग़.(अदु बेचोन बेरा अदिकरता गादे इतेके,) सबे देवतुल्कु, सबे अदिकरते मनदनव लावताङ जीवाङ, ओना कय इळ्नु कीसीतव मन्ह्‌ताङ.

1 योहन 4:9

तना मग़ना मेटे, माक पिसमुळ दोर्कि इनजोरे, देवुळि तना वग़ोग़े मग़िन इद दुनियाते लोहच मता. इद्रम कीसि, नना लोकुरिन जीवा कीय्ह्‌नन इनजोर तोहता.