इब्रितोर 1:3 - माडिया गोंड पवित्र सास्त्रम

³ ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

इब्रितोर 1:3 Iomraidhean Croise

मार्कल 16:19

पया येसुसामि ओरिन इव पोल्‍लोङ वेहतापया, देवुळि ओन पोग़ोन तना जागातगा ओता. येसु पोग़ोन अतोग़ अस्के, देवुळता तिनळ बाजे उदतोग़.

योहन 1:14

देवुळता जीवात मनदनद पोल्‍लो, मावा लेह्‌का कय-कादोग़ आसि, मन्कना रूपते मावा बूमतगा वाता. ओग़ु देवुळता पूरा देय्वातुनु, पूरा सेतेमतुनु पोसि, मावा नडुम जागा आतोग़. ओग़ देवुळबाबाना वग़ोग़ मग़ आंदोग़; माट ओना डीसातुन ऊळतोम. (ओग़े येसु किर्स्तु आंदोग़.)

योहन 1:29

इमा दिया, योहन तनके येसु वायनदिन ऊळिसि, लोकुरिन इतोग़, “वेन ऊळाटु, मोक आयवाल देवुळता गोरेपिलालेह्‌काडोग़, दुनियातोरा पापमतुन एडिह केवाल!

योहन 1:4

ओनग्डाहे माकु देवुळ ईयनद जीवा दोर्किह्‌ता. बेद्रम ईकळते मनदनदिन वेह्‌च पुनाह कीस्ता, अद्रमे ओग़ माकु देवुळता सेतेमतुन पुनाह कीतोग़.

बळयिर 2:33

देवुळि (ओन पोग़ोन ओसि,) तना तिनळ बाजे उदिह कीस, ओन्क पका कदर ईता. देवुळबाबाल मुनेन पोल्‍लो विळ्सिस मतपु, पवित्र जीवातुन ओन्क इद बूमतगा लोहतलाह ईता. अद जीवातुन येसु माक ईतोग़. ईतस्के बाताल बाताल आता, इदिन मीट इंजेके ऊळतिर, केंजतिर.

बळयिर 7:56

“ओद ऊळाट! पोग़ोन देवुळदीप पङ्ने आतदिन, ओसो मान्वना नडुम पुटटोग़ु, देवुळता तिनळ बाजे नितदिन नना ऊळलाह आतन!” इनजोर इतोग़.

रोम सहरतोर 1:16

मुने यहुदिरिन, पया यहुदि आयवोरिन, किर्स्तुन विस्वस केवालोर सबेटोरिन पिसिह कीयलाहि, इद कबुरतगा देवुळता लाव मन्ह्‌ता. अदिनेनाह्‌क नना दीराते इदिन वेहतलाह पेग़्के-मुने आयोन.

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

कुलुसितोर 3:1

नना मुने रासतपु, मीट विस्वसिरिर देवुळताहि पूना पिसमुळ दोर्किह कीसि, किर्स्तुना संगे जीवा अरतप लेह्‌का आतिर. इंजेके ओग़ पोग़ोन देवुळदीपते देवुळता तिनळ बाजे उदिस मन्ह्‌तोग़. अदिह्‌क मीट देवुळदीपताङ पोल्‍लोनगाने, सीता कीसोर मन्ह्‌टु.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

इब्रितोर 1:13

इदिन ओसो सीता कीम्ह्‌टु: देवुळि तना मग़िन इतद इद पोल्‍लोतुन, तनाङ बेवे देवतुल्किन बेस्केन इद्रम इनो: “बेचानाह नना नीवा कोटुलतोरिन, नीवाङ काल्कना इळ्न तच एवोन, अचानाह नावा तिनळ बाजेता राजगादेतगा उदिस मन,” इनजोर इनो.

इब्रितोर 10:12

मति किर्स्तु पापमतुन मायिह कीयलाहि, उंदिय मल्का अमेसातुह्‌क तना मेंदुलतुन मोकि इन्जि ईतोग़. ओसो (राजेम ताकिह कीयलाहि,) देवुळता तिनळ बाजे (पका कदरता जागाते) उदतोग़.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

इब्रितोर 4:14

मति मयेनाह्‌क बेरोग़ पेर्माल मन्ह्‌तोग़; ओग़ आंदोग़ देवुळता मग़ि येसु. ओग़ देवुळदीपते देवुळबाबाना बाजे उदिस मन्ह्‌तोग़. मावा लेह्‌कान ओन्क वने, पापम कीया वेसनाह सबे रीतिनाङ विचर्क वाताङ, तेला मति ओग़ बेस्केन पापम केवोग़. अदिह्‌क ओग़ मावा कमजोरतुन ऊळिस, जीवा लोपवाल आंदोग़. अदिनेनाह्‌क येसुनगा विस्वस कीयनद बेद पोल्‍लोतुन माट कबुल आय्ह्‌नल, अद पोल्‍लोतुन विळ्सवालेवा, मेग़्किस पोस मनदना गावले.

इब्रितोर 7:27

आरुनना कूळतोर पेर्मालोर बारा, मुने तमाय पापमतेनाह्‌कु मोक ईस्तोर, पेग़्के दुस्रोर मन्कलोरा पापमतेनाह्‌कु मोक ईस्तोर; अद्रम दिनम कीस्तोर. मति येसु अद्रम आयोग़; ओग़ कतमतोरा पापमतेनाह्‌कु, उंदिय देबाहव्कनागुटातगा तनाय जीवा ईतोग़.

इब्रितोर 8:1

इचानाह वेहचोर वातदिना मोदुल पोल्‍लो इदे: बोग़ पोग़ोन बेरा डीसाता देवुळता तिनळ बाजे राजेम कीयलाहि उदतोग़, ओग़े मयेनाह्‌क पेर्माल मन्ह्‌तोग़.

इब्रितोर 9:16

बोग़ाय मन्कल तना डोलतापया, तना जागा-बूम बोन्क आयना इनजोर, रासिस तासेग़; ओग़ डोलतस्केन, अद कागिद ताकिह्‌ता. ओग़ जीवात मनदह्‌पा, अद ताको. देवुळ कीतद करल अद्रमलेह्‌काने मन्ह्‌ता.

इब्रितोर 9:26

अद्रम आस मतेके, ओग़ बूम पुटटस्केडाहि, वेल्‍लाङे मल्काङ तिपल आस डोलिस मनेग़. अद्रम आयो, पापमतुन मायिह कीयनेनाह्‌क, तना नेतुर ईस मोक आयलाह, इद आक्रिता वेलाते, उंदिय मल्का वातोग़.

1 पत्रु 1:21

येसु मियेनाह्‌क बाताल कीतोग़, तान ऊळिसि मीटु देवुळता पोग़ोन विस्वस तासिह्‌निर. देवुळि येसुनु हामुरताहि जीवा अर्हचि, ओन्कु बेरा पेदिर ईसि तासता. तासताह्‌कु, मीटु देवुळता पोग़ोन विस्वस तासिसि, करलता आसाते मह्‌निर.

1 पत्रु 3:22

इंजेके येसु किर्स्तु देवुळदीपतगा अन्जि, देवुळबाबाना तिनळ बाजे (बेरा अदिकरता गादेते) उदतोग़.(अदु बेचोन बेरा अदिकरता गादे इतेके,) सबे देवतुल्कु, सबे अदिकरते मनदनव लावताङ जीवाङ, ओना कय इळ्नु कीसीतव मन्ह्‌ताङ.

2 पत्रु 1:16

(इव पोल्‍लोन बाराह्‌क सीता कीसोर मनदना इतेके,) मावा येसुसामि किर्स्तु तना लावते मयगा वातदिन, माट ओनाङ बळयिरोम मीक वेहतोम. वेहतस्के, पका सत्रल बुदते मन्कलोर पुटिह कीतव पीटोन केंजिस वेहोम; आयो, ओना मिळ्स्कनद डीसातुन मावाङ कोंडाने ऊळतोम.

2 पत्रु 1:17

अद इद्रम मन्ह्‌ता: बेरा डीसाता देवुळि तना लेङते, “वेग़ नावा मग़ि; नना वेन जीवा कीतन; वेन ऊळिस गिर्दा आतन” इनजोर, देवुळबाबाल ओन मान ईसि, बेरोग़ कीतोग़. (कीतस्के माट अगा मतोम.)

1 योहन 1:7

मति देवुळि बेद्रम वेह्‌चते मन्ह्‌ता, अद्रमलेह्‌का माट वने ताना वेह्‌चते ताकतेके, ओर्विह्‌क-ओर्वोग़ कलियिस मह्‌नल. ओसो देवुळता मग़ि येसुना नेतुर, मावा सबे पापमतुन एडिह कीस्ता.

1 योहन 3:5

मति मावा पापमता सिक्सातुन तेहच ओयलाह, किर्स्तु वास मतोग़ इनजोर, मीट पुतिर. ओसो ओग़ पापमलेवोग़ आंदोग़, इद पोल्‍लो वने मीक एर्काय मन्ह्‌ता.

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.

तोहचीतव पोल्‍लोङ 3:21

बोर बोर लाग्वाङ पोल्‍लोन गेल्सनुर, ओरिनु नना नावा संगे राजेम ताकिह कीयलाह अदिकर ईकन. बेद्रम नना लाग्वाङ पोल्‍लोन गेल्सिसि, नावा बाबाल उदिस ताकिह कीयनद राजकुर्सतगा ओना संगे उदतन, अद्रम ओरिन उदिह कीकन.

तोहचीतव पोल्‍लोङ 4:11

“ए मावा सामिनिन, मावा देवुळतिन! निमान सबेटविन पुटिह कीतिन. अव नीवाय विचरते मन्ह्‌ताङ. नीवाय विचरते अव पुटटाङ. अदिनेनाह्‌क निमान डीसाता, मानता, बेरा लावता लायकतोनिन आंदिन,” इनजोर इन्ह्‌तोर.