इब्रितोर 1:14 - माडिया गोंड पवित्र सास्त्रम

¹⁴ पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्‌क देवुळता पिसमुळ दोर्किह्‌ता, ओरा सेवा कीयलाहे, अद लोहतनव जीवाङ आंदुङ.

इब्रितोर 1:14 Iomraidhean Croise

मत्याल 1:20

तना जीवाते वेग़ इद्रम आलिह कीनेके ऊळाटु, देवुळबाबाना उंद देवतुलि कलाते वासि ओन वेहता, “ए योसेपि, दाविद राजाना पुळ्गतोनिन, मरियाना पोटाते बेद पेनेम मन्ह्‌ता, अदु मन्कना आयो, मति देवुळता पवित्र जीवातेनाहिये मन्ह्‌ता. अदिह्‌क निमा तान ततलाह पेग़्के-मुनेह आयमा.

मत्याल 13:41

अद वेलाते माने-मन्कना नडुम पुटटोनन, नना नावाङ देवतुल्किनु लोहतकन. नावा राजेमते वायलाह एवोरिनु, ओसो लाग्वाङ केवालोरिनु, वेर कतमतोरिने अव देवतुल्कु नावा राजेमताहि पेहचीयनुङ.

मत्याल 18:10

“उसरते मन्ह्‌ट, नाक नमवालोर उड्लोरिनु बोने बार मीट पोहचीतप ऊळमाटु. बाराह्‌क इतेके वेरिन ऊळनव देवतुल्कु देवुळदीपते मन्ह्‌ताङ, अविस्किह्‌क अमेसा नावा बाबाना मुनेह अन्जि वेहतलाह अदिकर मन्ह्‌ता, इदिन मीट सीताते तासाटु.

मत्याल 2:13

उकान ऊळवालोर अतापया ऊळाटु, योसेपिन उंदि देवतुल कलाते कलियिसि वेहता, “पेकान हव्कलाहि, एरोद राजाल कोज पेह्‌कसोर मन्ह्‌तोग़. अदिह्‌के निमा तेदा, पेकानु, ओना तलिनु पोसि मिसर देसेमते विता. अहे अग्डाहि मल्स वाटु इन्जि, नना नीक वेहनाह्‌जोम, मीटु अगाने मन्ह्‌टु,” इन्जि वेहता.

मत्याल 24:31

अस्के पया नना नावाङ देवतुल्किन, अकुमता बेह्‌रा आल्काते, दुनियाता मूलाह्‌क-मूलाह्‌क लोहतकन. पया अवु इद बूमतगा सर्ने मनवालोर नावाङ आचतोर लोकुरिन जमा कीयनुङ.

मत्याल 25:34

“अस्के नना नावा तिनळतोर सेतेमतोरिन इनदकन, ‘ओ नावा बाबाल देय्वा ईता लोकुरिर, बूम पुटटग्डाहि ओग़ मियेनाह्‌क इन्जि, बेद राजेमतुन ओप्पे कीस तासतोग़, अद राजेमता अदिकर मीट वासि एनाटु.

मत्याल 4:11

पया देयह्‌कना मुक्याल ओन विळ्सिस अता. तेना पया ऊळाट, देवतुल्क अगा वासि, येसुना जीवातुन सितुर कीयलाह, ओसो ओना पिसवग़ता तिंडि ईसि, ओना सेवा कीताङ.

मार्कल 10:17

पया तनाङ कग़यवालोरा संगे येसु अग़दे अनजोर मतोग़, अस्के ओर्वोग़ मन्कल वित वासि, येसुना मुनेह मिंडाङ कोटिसि, इद्रम ताल्ह्‌कतोग़, “गूरु! निमा पका सेतेमतोनिन आंदिन. नाक वेहा, देवुळता संगे अमेसाता पिसमुळ दोर्किह कीयलाहि, नना बाताल कीकन?” इतोग़.

लूकाल 1:19

अस्के देवतुल इता, “(निमा नाक पुनविन बहे, मति) नावा पेदिर जिबरायिल आंदु, नना देवुळता मुनेह निच मनवानन आंदन. नीवा संगे वळ्ह्‌कलाह ओसो इद बेसता कबुरतुन वेहतलाह, अदे नाक लोहता.

लूकाल 1:23

पया तनाङ सेवाताङ दियाङ मारतस्के, ओग़ तना लोन अतोग़.

लूकाल 16:22

“मनेक मनेके उंद दिया, गरिब मन्कल डोलतोग़. अस्के देवतुल्क वासि, ओना जीवातुन पोग़ोन सिंगर्दीपतगा अब्रहम मुय्तोना कचुल ओस तासताङ. पया उचुक दियाने, ओग़ साव्कर मन्कल वने डोलतोग़. लोकुर ओना सति-गति कीतोर.

लूकाल 2:13

इतस्के अस्केडा अस्केन, तानगा वेल्‍लाङे देवतुल्क वासि, देवुळतुन जोहर कीसोरे,

लूकाल 2:9

अस्के अगा देवुळता देवतुल ओरिह्‌क दिसता. दिसतस्के देवुळता लावता वेह्‌च ओरगा अरता. अरतस्के कोपालोर वेह्‌चतुन ऊळिस पका रेयतोर.

बळयिर 11:22

पया इद पोल्‍लो येरुसलेमता विस्वसिरा मुडुह्‌क एर्का आता, आतस्के ओर बार्नबसिन अंताकिया सहरते लोहतोर.

बळयिर 12:23

मति, राजाल (“आयो, नना मन्कनने,” इन्जि वेहोग़,) देवुळतुह्‌क मान एवोग़. एवाह्‌कु देवुळता देवतुल ओनगा पीळा लोहता. अदिनेनाह्‌क ओग़ बेमर आसि, पोटालोप्पा पुळ्क अर्सि डोलतोग़.

बळयिर 12:7

अस्के बाताल आता इतेके, दोम्ह्‌क्नेन देवुळता देवतुलि पत्रुन दोहच मतद अरातगा वासि निता. नितस्के अद अरातगा वेह्‌च आता. अस्के अद बाताल कीता इतेके, पत्रुना मेंदुदुन मेल्हचि, “अले पत्रु चट्पिट तेदा!” इनजोर इता. इतस्के पया, (सीपय्क तेदवाय,) पत्रुन दोहच मतव गोल्स्क ओनाङ कय्कनाहि तमतमाय कुसताङ.

बळयिर 13:2

उंद दिया ओर देवुळतुन मोळ्कसोरे, उपस-पार्तना कीसोर मतोर. अस्के देवुळता जीवा ओरिन इद्रम वेहता इतेके, “नना बार्नबसिन, सोलुन बेद कबळतेनाह्‌क आचतन, अद कबळतेनाह्‌क ओरिन मियग्डाह निल्पिह कीम्ह्‌टु,” इता.

बळयिर 16:26

अचोटेन उंदियदेबा बूम गल्जता, गल्जतस्के जेलताङ पाय्वाङ पका जोरते मेलियताङ. अस्के चट्‌नेन जेलताङ तेल्पिनाङ तालह्‌क, तमतमाय कुय्ह वाताङ; ओसो जेलते मतोर मन्कलोरिन दोहच मतव गोल्स्क, ओराङ कय्कनाहि पिह्‌ट अरताङ.

बळयिर 27:23

बेद देवुळ नाक पोयता, बेद देवुळतुन नना माळिह्‌नन, अदे नावा देवुळि नग़्का तना देवतुलतुन लोहचि, इद कबुर नाक वेहता:

बळयिर 5:19

पया ओर जेलते मनदह्‌पा, नग़्काडा वेलाते बाताल आता इतेके, देवुळता देवतुल वासि, जेलता अग़दुन तेग़यता, तेग़यिस (बोन्के दिसवाह,) ओरिन पेसिह कीता.

रोम सहरतोर 11:14

इद्रम कीस, नना नावाय यहुदि जाततोरिन जीवा कर्वनाह केवेनन. अस्के मियगा मनदनद बर्कततुन ऊळिसि, ओर उच्वुर तेला किर्स्तुन विस्वस कीसि पिसिर.

रोम सहरतोर 13:6

सर्करतुन ताकिह केवालोर देवुळता सेवातोरे. अदिनेनाह्‌क मीट ओरिह्‌क सिद्‌वा दोहाटु. दोहवेके, ओर तमा कबळतुन बह रोमवा कीयनुर?

रोम सहरतोर 15:16

यहुदि आयवोरिह्‌क बेसता कबुर वेहतलाहि, नाक किर्स्तु येसुना बळयि आयना इन्जि लोहता. बेद्रम देवुळता बूमयाल ताना मुनेह, तान्क विचर वायनद कोड वाटिह्‌तोग़, अद्रमलेह्‌काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्‌क वाटटद कोडलेह्‌का मन्ह्‌तोर.देवुळता पवित्र जीवा ओरिन एडिह कीताह्‌कु, ओर वने देवुळता मुनेह पवित्र आतोर.

रोम सहरतोर 15:27

मुने यहुदि आयवोरिह्‌क देवुळता पोल्‍लोता गर्ज मता, अस्के येरुसलेमता यहुदि जाततोर विस्वसिर, ओरगा देवुळता पोल्‍लोतुन एव्सिह कीसीतोर. मति इंजेके येरुसलेमतोर विस्वसिरिह्‌क तिंड-बंडटा गर्ज मन्ह्‌ता. मुने ओरग्डाहि माक देवुळता पोल्‍लो दोर्कता, इदिन सीता कीसि, इकेडोर यहुदि आयवोर विस्वसिर अद गर्जतुन निहतलाहि, पका गिर्दा आस्तोर.

रोम सहरतोर 8:17

इद्रमि किर्स्तुना लेह्‌का, माट वने देवुळताङ मग़्क-मयास्कनल आंदल, अहे ओना लेह्‌का माक वने देवुळबाबाल तनाङ मग़्क-मयास्किह्‌क तासतद बर्कत दोर्कग़ा. माट इद बूमते किर्स्तुना संगे तिपल आय्ह्‌नल इतेके, पया देवुळदीपते ओना संगे, देवुळताहि मान वने दोर्किह कीकल.

1 कुरिंततोर 1:21

इतेके देवुळि मुनेन तना बुदते इद्रम विचर कीता: इद दुनियाता बुदते, मन्कलोर नाक पुनमाकिर इता. माट किर्स्तुना बेसता कबुरतुन पोकुर कीय्ह्‌नोम. अद पोल्‍लो बुदता, तेल्वता आयो इनजोर, लोकुर पास्किह्‌तोर. मति मन्कलोर पास्कनद पोल्‍लोतेन, विस्वस केवालोरिन पिसिह कीकन इनजोर, देवुळतुह्‌क विचर वाता.

2 कुरिंततोर 9:12

बह इतेके, दान कोताङ अर्हतनद सेवा कीतेके, देवुळता मन्कलोरा गर्जते, ओरिह्‌क तोळ ईयनाह आस्ता. अचोने आयो मति, ओरिह्‌क तोळ ईतस्के, ओरा जीवाताहि देवुळतुह्‌क जोहरता पोल्‍लो पेससोरेन दास्ता.

गलातितोर 3:29

मीट किर्स्तुना संगे जोळेम आतोरिर इतेके, मीट अब्रहम मुय्तोना कूळतोरिर आंदिर, अहे देवुळ अब्रहमिन पोल्‍लो विळ्सतपु, तानाङ मग़्क-मयास्किह्‌क तासतद बर्कत दोर्कतोरिर.

गलातितोर 3:7

इतेके देवुळता पोल्‍लोतुन नमवालोरु, विस्वस केवालोरु, वेर अब्रहमना कूळतोरे आंदुर, इदिन सीताते तासाटु.

गलातितोर 3:9

इतेके अडोन नोमवालोरिह्‌क आयो, मति अब्रहम मुय्तोना लेह्‌का विस्वसते ताकवालोरिह्‌के, देवुळता बर्कत दोर्किह्‌ता.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

पिलिपितोर 2:25

(तिमोति मियेके पया वायनोग़ निटमे, मति) इंजेके मावा तोळतोग़ विस्वसि मियग्डोग़ इपप्रुदितुन मियगा मल्हच लोहतलाह, विचर कीयलाह आतन. ओग़ बेसता कबुर वेहतलाह नावा संगे तोळ आंदोग़, ओसो अद कबुरतेनाह्‌क नावा संगे लळेम आयवाल वने आंदोग़. नावा साय्ता कीयलाह, मीट ओन लोहच मतिर.

तीतुस 3:7

इद्रमलेह्‌का देवुळि माक दया कीसि सेतेमतोर कीता, कीताह्‌कु माट इंजेके तानग्डाहि अमेसाता पिसमुळता तूस दोर्किह कीकल इनजोर, आसा कीयलाह आतल.

इब्रितोर 10:11

मुनेता करलता इसबते, बूमयालोर जर्मिने गर्याता मुनेह निचि सेवा कीस्तोर, ओसो अमेसा अवे मोकिङ ईसोरेन मन्ह्‌तोर; ओरा सेवा बेस्केन मारो. मति अद्रमताङ मोकिङ ईयनदु, पापमतुन मायिह कीया पग़वो.

इब्रितोर 2:3

(देवतुल्क ततद कबुरतुन केंजवोरु, सिक्साताहि पिस पग़वा मतोर;) इतेके मन्कलोर पिसना लोप्पाडा बेरा कबुरतुन, माट पास्कतेक अचोन, बेद्रम पिस पग़यकल? मुने तान वेहतोग़ु, मावा येसुसामिये. पया सामिनाङ केंजतोरु, अद पोल्‍लो निटमे इनजोर, माक तोहचीतोर. ओरा साक्सि सेतेम मन्ह्‌ता इन्जि तोहतलाहि, देवुळि ओरा कयदे बामिह कीयनाङ सीनाङ, बेरा लावताङ कबस्क कीस तोहता. ओसो तना जीवाता मेटे, तना विचर मतपु, विस्वसिरिह्‌क अलग-अलग बुदिङ तूसिसीता; इद्रमता बेरा कबुरतुन, मुर्तिय पास्कनद आयो.

इब्रितोर 5:9

देवुळि येसुनेनाह्‌क तासतव सबे कबस्किन, ओग़ पूरा मारिह कीतोग़; कीसि तना पोल्‍लो केंजवालोर सबेटोरिन, अमेसातुह्‌क पिसिह केवाल आतोग़.

इब्रितोर 6:12

अदिनेनाह्‌क लंडा आयमाटु; मति बोर मन्कलोर तिपल्किन आपसोर, देवुळतगा विस्वस ताससोर, अद पोल्‍लो विळ्सिस मतविन दोर्किह कीस्तोर, ओरा लेह्‌काने ताकना.

इब्रितोर 6:17

नना विळ्सनद पोल्‍लोतुन बेस्केन देहोन आयकन इन्जि, देवुळि तना पोल्‍लो विळ्सतदिन, दोर्किह केवालोर मन्कलोरिह्‌क तोहतना मता. अदिनेनाह्‌क अद (तनाय पेदिर पोस) ओतता.

इब्रितोर 8:6

मति इंजेके देवुळता पूना करलते, माक कलियिह केवाल येसुये आंदोग़. इद करल इतेके, मुनेता करलतुह्‌काय पका बेसतल आंदु. बह इतेके इद पूना करलते, देवुळि विळ्सिस मतव पोल्‍लोङ, मुनेता करलताङ पोल्‍लोह्‌काय एक्‍वा बेसताङ. इद्रमलेह्‌का इद बूमतोर पेर्मालोरिह्‌काय, येसुह्‌कु पका बेसतल सेवा दोर्कता.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

याकुब 2:5

मावोर विस्वसिरिर, केंजाट! इद दुनियातोरा इसबते बोर गरिबते मन्ह्‌तोर, ओरिन विस्वसते बेरोर कीयलाह, देवुळि आचताया, आचो? नावा राजेम मियेनाह्‌के आयग़ा इन्जि, देवुळि तन्क जीवा केवालोरेनाह्‌क पोल्‍लो विळ्सिस मता इन्जि पुतिर; अदे राजेम गरिबतोर विस्वसिरिह्‌क आयग़ाया, आयो?

1 पत्रु 1:12

इव गोटिङ मात्रम ओरेनाह्‌क आयोङ, मति वायना कालमतोरेनाह्‌क इतेके, मियेनाह्‌कु मन्ह्‌ताङ इन्जि, देवुळि ओरिह्‌क पुन्पिह कीता. अद्रमे मावा कालमते अव सबे गोटिनु, येसुना मेटे बेसता कबुर वेहवालोर, देवुळदीपताहि लोहतद देवुळता पवित्र जीवाता लावते, मीकु वेहतोर.देवतुल्क इंका इव असलताङ गोटिङ बेद्रम आस्ताङ, इदिन पुनदलाह ऊळसोरेन मन्ह्‌ताङ!

1 पत्रु 1:4

ओसो मयेनाह्‌कु इन्जि, देवुळदीपते बेरा उंदि जीवाता बर्कत तासतद मन्ह्‌ता. अद उंदि बेस्केन बूळेम आयवदु, माचलेवदु, वाग़वदु बर्कत आंदु. इद बर्कत आक्रिता दियाते देवुळि सबेटोर विस्वसिरिह्‌क तोहतग़ा. अदु बर्कत मीक दोर्कनाह्‌जोमु, देवुळि तना लावते मीकु काप आडग़ा, बाराह्‌क इतेके, मीटु देवुळता पोग़ोन बर्वस तासिह्‌निर इनजोरे.

1 पत्रु 3:7

मुजोरिर, मीट वने मीवाङ मुतेस्किह्‌कु कदर ईम्ह्‌टु. मीवा लेह्‌का अविस्किह्‌क लाव इले, मति देवुळता दयाते दोर्कनद पूना मनमुळते, मीवा ऐंगे अविस्किह्‌क वन तूसु अचोने! इदे बुदते मीवाङ मुतेस्कना पोटालोप्पाडाङ विचर्किन पुनदलाह पर्ह्‌काटु. इद्रम मीट मीवाङ आस्कना संगे मनविर इतेके, देवुळि मीवा पार्तनातुन केंजो आयग़ा.

यहुदाल 1:14

आदमनाहि एळुङ पीळिने पुटटोग़ हनोक इनवाल वने, वेर मन्कलोरा पोल्‍लोतुन, देवुळता जीवाते मुनेन इद्रम वेहतोग़: “ऊळाट, सामि तनाङ लेक पग़वप मनदनव देवतुल्कना संगे वायनोग़.

तोहचीतव पोल्‍लोङ 5:6

अचोटेने उंद गोरेपिलातुन ऊळतन. राजकुर्सता ओसो नालुङ दिंचिना, वीसा नालवुर पेदल्कना नडुम निच मता. तान मुनेने बोग़ो मति हव्किस मतप लेह्‌कान दिसिंदु. तान्क एळुङ कोह्‌क मताङ, ओसो एळुङ कोंडाङ मताङ. अव कोंडाङ पूरा बूमतगा, देवुळ लोहतव तानाङ एळुङ जीवाङ!