गलातितोर 4:26 - माडिया गोंड पवित्र सास्त्रम

²⁶ देवुळदीपता येरुसलेम बार, ओर्युल आयवद मोदुल मुतेनलेह्‌का मन्ह्‌ता, (तानाङ पेकोर ओर्युलतोर आयोर). अदु माट विस्वसिरा तलोग़ आंदु, देवुळदीपता येरुसलेम.

गलातितोर 4:26 Iomraidhean Croise

योहन 8:36

अदिनेनाह्‌क नना देवुळता मग़नन मीकु विळ्सिह कीतेके, मीट निटमे पापमताङ विचर्कनाह पिह्‌ट अरयकिर.

रोम सहरतोर 6:14

इंजेक मोसानाङ अडोङ आयो, मति देवुळता दयाये मीक ताकिह कीस्ता, इदिन सीता कीम्ह्‌टु. अदिनेनाह्‌क पापम मीवा माल्काना लेह्‌का आयनद आयो.

गलातितोर 4:22

अब्रहम मुय्तोह्‌कु ईवुर पेकोर पुटटोर, ओर्वोग़ इतेके ओर्युल आंचाना पोटाताहि पुटटोग़ु, दुस्रोग़ बार ओर्युल आयवद मोदुल मुतेना पोटाताहि पुटटोग़ु इन्जि, सास्त्रम वेहतह्‌ता.

गलातितोर 4:25

(इद सीनय मेटा इतेके, अरब देसेमते मन्ह्‌ता.) अद ओर्युलतद आगर इतेके, इद दुनियाता येरुसलेमतोरा लेह्‌का आंदु. बह इतेके, येरुसलेमतोर यहुदिर वने, सीनय मेटातगा ईतव अडोना कय इळ्न मन्ह्‌तोर.

गलातितोर 5:1

ओसो माट अडोना इळ्न ओर्युलतोरा लेह्‌का मनदनदायो इन्जिये, किर्स्तु माक पिह्‌ट अर्हतोग़. अदिनेनाह्‌कु मीवा विस्वसते मीटु मेग़्किस मन्ह्‌टु, मति मीट ओर्युलतोरा लेह्‌का, पूहतद अडोना जुवा कांजमाटु.

पिलिपितोर 3:20

मति माट बार इद दुनियाता लोकुरल आयवल, माट पोग़ोटा देवुळदीपता लोकुरल आंदल. अग्डाहिये माक पिसिह केवाल येसुसामि किर्स्तु वायनोग़ इनजोर, ओना अग़ ऊळसोर मह्‌नल.

इब्रितोर 12:22

मति मीट सियोन मेटातगा, इतेके देवुळदीपता येरुसलेमतगा वातिर. अद जीवात मनदनद देवुळता सहर आंदु. अगा लेक पग़वप मनदनव देवतुल्क गिर्दाते जमा आताङ.

1 पत्रु 2:16

(मीटु देवुळता लोकुरिर आताह्‌कु,) इंजेके बोराय कय इळ्न इलविर, निटमे! अदिनेनाह्‌कु मीटु माक विचर वातपु कीकोम इन्जि, लाग्वाङ कबस्कने दल्गमाटु. मति माट देवुळता कय इळ्न मनवालोरोम इन्जि,(ताना पोल्‍लो केंजसोर) बेस मन्ह्‌टु.

तोहचीतव पोल्‍लोङ 12:1

अचोटेने पोग़ोटा बूमतगा बेरा सीना दिसता. अद इद्रम मता इतेके: उंद आंचाळ दिसता, अद आंचाळि पोळ्‍दतुन गेंदेता लेह्‌कान उहचि मता. ओसो नेलातुन विह्‌किस मता. अहे (महरानि केग़यना लेह्‌का,) तना तलातगा राजटोपि केग़्स मता. अद राजटोपतगा बारा उकाङ मताङ.

तोहचीतव पोल्‍लोङ 17:5

ताना तला-कपरातगा पेदिर रासिस मता, अद पेदिरता अर्तम बोरे पुनवप मता. अद इद्रम मता: “बेरा बेबिलोन सहर: बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.

तोहचीतव पोल्‍लोङ 21:2

पया पोग़ोन देवुळदीपताहि, पूना येरुसलेम इनदनद देवुळता सहर, इळ्न रेगनदिन ऊळतन. मर्मपेकानेनाह्‌क मलयिह कीतद मर्मपिलाता लेह्‌कान, अद सहर पका सोबाता दिसता.

तोहचीतव पोल्‍लोङ 3:12

बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.