गलातितोर 4:25 - माडिया गोंड पवित्र सास्त्रम

²⁵ (इद सीनय मेटा इतेके, अरब देसेमते मन्ह्‌ता.) अद ओर्युलतद आगर इतेके, इद दुनियाता येरुसलेमतोरा लेह्‌का आंदु. बह इतेके, येरुसलेमतोर यहुदिर वने, सीनय मेटातगा ईतव अडोना कय इळ्न मन्ह्‌तोर.

गलातितोर 4:25 Iomraidhean Croise

मत्याल 23:37

“ए येरुसलेमतोरिर, ए येरुसलेमतोरिर देवुळता कबुरतोरिन हव्कवालोरिर, मियके देवुळ लोहतोर बळयिरिनु बंडाङ उकवालोरिर! बेद्रम तलोग़ कोग़ु तनाङ पीसेन काग़ोलिह्‌ता, अद्रमलेह्‌काने मीकु नयगा गुम कीयना इन्जि, बेचोको मल्काङ नावा विचर आंदु! मति मीट नाकु अह कीयलाह एविर.

लूकाल 13:34

ओसो (येरुसलेमतोर मन्कलोरिन सीता कीस) इद्रम इतोग़: “ए येरुसलेमतोरिर, ए येरुसलेमतोरिर, देवुळता कबुरतोरिन हव्कवालोरिर, देवुळि मियगा लोहतोरिन बंडाङ उकवालोरिर! बेद्रम तलोग़ कोग़ु तनाङ पीसेन काग़ोलिह्‌ता, अद्रमलेह्‌काने मीकु नयगा गुम कीयना इन्जि, बेचोको मल्काङ नावा विचर आंदु! मति मीट नाकु अह कीयलाह एविर.

लूकाल 19:44

मीवा देवुळि पिसिह कीयलाहि वातद कगोतुन मीट पुनविर. अदिनेनाह्‌क मीवा कोटुलतोरु मीकु, मीवा सहरतुन, दुराते काल्ह्‌पनुर. ओसो गूरेतगा बंडाता पोग़ोन बंडा मनवाह पिळ्हपळ कीयनुर,” इनजोर इतोग़.

बळयिर 1:11

निचि ओरिन इद्रम इतोर: “ए गालिल पटटोरिर! बाराह्‌क पोग़ोन ऊळसोर नितिर? देवुळि येसुन पोग़ोन देवुळता जागातगा ओता. मीट ऊळनाह बेद्रम ओग़ पोग़ोन अतोग़, अद्रमे उंद दिया ओसोवन मल्स वायनोग़,” इतोर.

गलातितोर 1:17

अहे नाकाय मुने बळयिर आतोरिन कलियलाह, येरुसलेम सहरतके अनोन. मति दमिस्क सहरताहि अरब देसेमते अन्जि, अगा गळ्के बह मन्जि, दमिस्क सहरतके ओसो मल्स वातन.

गलातितोर 4:24

इव पोल्‍लोङ इतेके, पुन्पिह कीयनव पोल्‍लोङ आंदुङ. इतेके इव रेंड आस्कु, रेंड करल्कना लेह्‌का आंदुङ. उंद करल इतेके, सीनय इनदनद मेटाता करल आंदु(अगाने देवुळि इस्रयेल लोकुरिह्‌क दहा अडोङ ईसि करल कीता). इद करल इतेके, आगर इनदनद ओर्युल आंचाना लेह्‌का, ओर्युल पेकोरिने पुटिह कीस्ता.

गलातितोर 4:26

देवुळदीपता येरुसलेम बार, ओर्युल आयवद मोदुल मुतेनलेह्‌का मन्ह्‌ता, (तानाङ पेकोर ओर्युलतोर आयोर). अदु माट विस्वसिरा तलोग़ आंदु, देवुळदीपता येरुसलेम.

इब्रितोर 12:18

इस्रयेल मन्कलोरिह्‌क देवुळताङ अडोङ दोर्कतस्के, ओर सीनय मेटातगा जमा आस मतोर; (अदु इद बूमते मनदनद कय बोयनद मेटा आंदु.) मेटातगा ओरिह्‌क पका मळ्गनद किसु, ईकळ-गंगा, दूंद-मुर्गम दिसता. पका जोरते अकुम ऊरनदु, देवुळता बेरा लेङु, ओरिह्‌क केंज वाता. अद लेङतुन केंजिसि, ओर पका रेयते, देवुळ इद्रम माक वळ्ह्‌कमाकि इन्जि, मोसान कालगडेम अरतोर.“मन्कल आयेग़, जन्वर आयि, अद मेटातुन इटटेके, बंडाङ उकिस हव्कनद सिक्सा ईयनदे,” इनजोर देवुळि उकुम ईस मता. पकाय रेयिस मताह्‌कु, अद उकुमतुन केंजलाह, पग़वोर आस मतोर. सीनय मेटातगा आतद पूरा, निटम अचोन रेय वसनाह मता इतेके, मोसाल वने, “नना रेयतुह्‌क साङलाह आतन,” इनजोर इतोग़. मति मीट इतेके, इद बूमते मनदनद मेटातगा वाविर.