गलातितोर 4:18 - माडिया गोंड पवित्र सास्त्रम

¹⁸ मीक गोत कीयना इतेके, मीवा पाय्दातेनाह्‌क कीतेके बेसु! नना मियगा मतस्के, अहे कींदन. मति नना अगा मनवेक वने, दुस्रोर मीवा पाय्दातेनाह्‌क गोत कीतेके बेस आवालि.

गलातितोर 4:18 Iomraidhean Croise

योहन 2:17

पया “नावा जीवातुह्‌काय वीळिसि, नीवा लोतुन पवित्र तासलाह ऊळिह्‌नन,” इद सास्त्रमते दाविद राजाल रासतद पोल्‍लो ओनाङ कग़यवालोरिह्‌क सीता वाता.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

गलातितोर 4:13

नाकु दुक अरताह्‌के, नना मियगा मुने वास मतन. वासि मीकु किर्स्तुना बेसता कबुर वेहता पग़तन, इदिन मीट पुतिर.

गलातितोर 4:17

ओर जोल कबुर वेहवालोर बार, मीक गोत कीयलाह ऊळिह्‌तोर, मति मीवा पाय्दातेनाह्‌क आयो; मीट ओराये मुडगा कलियना इन्जि, मयग्डाहि मीकु अलग कीयलाह ओर ऊळिह्‌तोर.

गलातितोर 4:20

इंजेके मीवा इद कट्लातेनाह्‌कु, नना एक्बेक आतन. अदिह्‌कु मियगा वासि अलग रीतते वळ्ह्‌केनन, इद्रम नावा गिर्दा मन्ह्‌ता.

पिलिपितोर 1:27

उंद पोल्‍लो मात्रम सीता कीम्ह्‌टु: किर्स्तुना बेसता कबुर वेहतपे मीट ताकाटु. अस्के मीट विस्वसते मेग़्किसि, उंदि विचरते निच मह्‌निर इनजोर, नना मियगा वातेकाय, वावेकाय केंजकन. अहे बोग़े अद विस्वसतुन विळ्सनाह कीयनद आयो इन्जि, मीट उंदिय एकाते कह्‌टेम कीय्ह्‌निर इनजोर, इदिन वने नना केंजकन.

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

तोहचीतव पोल्‍लोङ 3:19

बोरिन-बोरिन नना जीवा कीतन, ओरिन सुद्रे कीयलाह तेर्हतह्‌नन. अदिनेनाह्‌क जिद कीसि, मीवा लेसिस दायनद अग़दाहि मल्म्ह्‌टु.