गलातितोर 3:24 - माडिया गोंड पवित्र सास्त्रम

²⁴ इतेके किर्स्तुन नमिसिये माट सेतेमतोरल आयना इन्जि, ओग़ वानाह्‌जोम, अडोङ इतेके माक ओर्वोग़ ऊळेवाळे केवानलेह्‌काने आंदुङ.

गलातितोर 3:24 Iomraidhean Croise

रोम सहरतोर 9:30

इंजेके बाताल इनदकल? यहुदि आयवोर देवुळता सेतेमतुन पर्ह्‌कोर. तेला मति उच्वुर किर्स्तुन विस्वस कीताह्‌कु, देवुळि ओरिन सेतेमतोर कीता.

1 कुरिंततोर 4:15

मीट किर्स्तुन विस्वस कीतोरिर, मीक दहा अजर्क काग़्हवालोर गूरुर मनेर, तेला मति वेल्‍लाटोर तपेर इलेर. बाराह्‌क इतेके, मुने ननाय मियगा किर्स्तु येसुना बेसता कबुर तताह्‌कु, मीट ओना संगे जोळेम आतिर. अदिनेनाह्‌क ननाय मीवा तपेना लेह्‌का आतन.

गलातितोर 2:16

इंजेके मोसानाङ अडोन माळतेक आयो, मति किर्स्तुना पोग़ोन विस्वस तासतेकेने, देवुळि माकु सेतेमतोर इन्ह्‌ता. बह इतेके अडोन माळताह्‌कु, बोग़े देवुळता मुनेह सेतेमतोग़ आयोग़ इन्जि, सास्त्रम वेहतह्‌ता. अडोन माळतेक आयो, मति येसु किर्स्तुना पोग़ोन विस्वस तासतेकेने, देवुळि मन्कनु सेतेमतोग़ इन्ह्‌ता इन्जि पुताह्‌कु, माट यहुदि विस्वसिरल इंका किर्स्तु येसुना पोग़ोन विस्वस कीतल.

गलातितोर 2:19

बह इतेके, मुने यहुदिराङ अडोन माळसोर-माळसोरे, नना पिसलाह ऊळिंदन. मति इंजेके देवुळतेनाह्‌के पिसना इन्जि, नना अव अडोन लेहच पोहतन. इतेके नना अडोह्‌कु डोलतप लेह्‌काने आतन. किर्स्तुना संगे हव्कनागुटातगा वेळ्हतप लेह्‌काने आतन.

गलातितोर 3:25

पया विस्वसता कालम वातस्के, इंजेके ऊळेवाळे केवाना इळ्न माट इलवल.

कुलुसितोर 2:17

(किर्स्तु वावस्के, देवुळि तना लोकुरिह्‌क इव अडोङ ईस मता.) इविस्किन बाराह्‌क ईता इतेके, वायना कालमते देवुळि तना लोकुरा संगे बेद्रम कलियना इन्जि तोहतलाह, ईस मता. मति इंजेके किर्स्तुना मेटे, देवुळि माक गट्ने कलियिह्‌ता.(अदिह्‌क इंजेके इद्रमताङ अडोङ वेहवालोराङ पोल्‍लोन केंजमाटु.)