गलातितोर 3:2 - माडिया गोंड पवित्र सास्त्रम

² इद उंदिय पोल्‍लो नाक मीट वेहाटु! देवुळि तना पवित्र जीवातुन मीक बह ईता, मीट अडोन माळताह्‌कु ईताया, बारा किर्स्तुनाङ केंजिसि, विस्वस तासताह्‌कु ईता?

गलातितोर 3:2 Iomraidhean Croise

बळयिर 15:8

सबेटोर लोकुरा पोटालोप्पाडाङ पोल्‍लोन पुनदनद देवुळि, माट यहुदि विस्वसिरा पोग़ोन तना पवित्र जीवातुन बेद्रम उदिह कीता, अद्रमे ओर यहुदि आयवोरा पोग़ोन वने तना पवित्र जीवातुन उदिह कीसि, ओरिन वने आचता इनजोर तोहता.

बळयिर 2:38

इतस्के पत्रु इतोग़, “मीट ओर्वोग़-ओर्वोग़ मन्कल पापमता अग़दाहि जर मल्सि, देवुळ लोहतोग़ किर्स्तु इनवाल येसुराजाना पेदिरते एग़ मीम्ह्‌टु. अस्के देवुळि मीवा पापमतुन मापि कीसि, तना पवित्र जीवाता बर्कत ईयग़ा.

बळयिर 8:15

अग्डोर विस्वसिर येसुसामिना पेदिरते एग़ मीस मतोर, मति देवुळता पवित्र जीवा ओरा पोग़ोन उदवाय मता. अदिह्‌क पत्रु, योहन, वेरु ओरगा अन्जि सबेटोर विस्वसिरा पोग़ोन पवित्र जीवा उदि इनजोर, ओरेनाह्‌क देवुळतुन अर्जि कीतोर.

रोम सहरतोर 1:17

देवुळि बेद्रम मन्कलोरिन तना लेह्‌का सेतेमतोर कीसीस्ता इनजोर, इद कबुर वेहतह्‌ता. सुरुताहि मारेंगा एवनाह, अद पोल्‍लो विस्वसता लोप्पाडाये! देवुळता सास्त्रमते वेहतपु: बोर देवुळतुन विस्वस कीसि सेतेमतोर आयलाह ऊळिह्‌तोर, ओरे पिसनुर, इनजोर रासतद मन्ह्‌ता.

1 कुरिंततोर 9:21

मोसानाङ अडोन नोमवोरु यहुदि आयवोरा संगे मनदह्‌पा, नना वने ओरिन किर्स्तुनगा ततनेनाह्‌क, मोसानाङ अडोन पुनवप लेह्‌कान मह्‌नन. देवुळताङ अडोन पास्कोन, मति निटम किर्स्तुनाङ अडोन माळिह्‌नन.

2 कुरिंततोर 11:4

अद बह इतेके, माट मीक येसुना पोल्‍लोतुन पोकुर कीतोम, मति पूनोर मन्कलोर वासि, माट वेहतदिन विळ्सिसि, ओना लोप्पा दुस्राङ पोल्‍लोन पोकुर कीयह्‌पा, बेस केंजतिर! मीट मुने देवुळता जीवातुन दोर्किह कीतिर, मति ओर दुस्रा जीवाता पोल्‍लोतुन वेहनेके, मीट अदे पोल्‍लोतुन नमतिर. माट मीक वेहतद बेसता कबुरतुन विळ्सिसि, ओर वेहतद दुस्रा कबुरतुन बेस केंजतिर! अदिनेनाह्‌क मीट लेसतिरा बहु इनजोर रेयतन.

गलातितोर 3:3

मीवा लोप्पा देवुळता जीवा बेद कबळ सुरु कीता, अद कबळतुन इंजेक बह मीट मीवाय लावते मारिह कीय्ह्‌निरा? अचोन मीट बुदलेवोरिरा?

गलातितोर 3:5

इतेके देवुळि तना पवित्र जीवा मीक ईस्ता, मियेनाह्‌कु बामिह कीयनाङ कबस्क कीस्ता बहु? मीट अडोन माळताह्‌कु कीस्ताया, बार किर्स्तुनाङ केंजिसि, विस्वस तासताह्‌कु कीस्ताया?

इब्रितोर 4:2

बेसतल कबुरतुन इस्रयेलतोर केंजतप लेह्‌कान, माट वने केंजतल; मति ओर केंजतस्के, अद कबुरतुन विस्वस केवोर. अदिनेनाह्‌क केंजिसाय, ओरिह्‌क बाताले पाय्दा इले.

इब्रितोर 6:4

बोर देवुळतगा विस्वस कीसि, पया तमा विस्वसतुन विळ्सिह्‌तोर, ओरिन माट बेद्रम जर मल्हतकल? ओर देवुळता सेतेमता वेह्‌चतगा वास मतोर, पोग़ोटाहि देवुळ ईयनद बर्कततुन दोर्किह कीस, तान पुन्ज मतोर; दुस्रोर विस्वसिरा संगे, ओर वने देवुळता जीवातुन दोर्किह कीस मतोर. देवुळता पोल्‍लो बेसतल इनजोर पुतोर; वायनद कालमते देवुळि तोहचीयनद लावतुन, बेस-नेह्‌ना पुतोर. अद्रमतोर तमा विस्वसतुन विळ्सतेक अचोन, देवुळता मग़िन ओसोवने हव्कनागुटातगा वेळ्हतप लेह्‌का, ओसोवने दुस्रोरा मुनेह, ओना लजा रेहतप लेह्‌का कीस्तोर. अदिनेनाह्‌क ओरिन विस्वसलेवद अग़दाहि ओसोवने जर मल्हतलाह, मुर्तिय पग़नाह आयो.

1 पत्रु 1:12

इव गोटिङ मात्रम ओरेनाह्‌क आयोङ, मति वायना कालमतोरेनाह्‌क इतेके, मियेनाह्‌कु मन्ह्‌ताङ इन्जि, देवुळि ओरिह्‌क पुन्पिह कीता. अद्रमे मावा कालमते अव सबे गोटिनु, येसुना मेटे बेसता कबुर वेहवालोर, देवुळदीपताहि लोहतद देवुळता पवित्र जीवाता लावते, मीकु वेहतोर.देवतुल्क इंका इव असलताङ गोटिङ बेद्रम आस्ताङ, इदिन पुनदलाह ऊळसोरेन मन्ह्‌ताङ!