गलातितोर 3:15 - माडिया गोंड पवित्र सास्त्रम

¹⁵ मावोरिर, पुन्पिह कीयनद उंद पोल्‍लो नना मीक वेहतकन. मन्कलोर कीतद करलतुन वने ताको इनदा वावो, अगा पूनाङ पोल्‍लोङ एक्‍वा वाटिसि ताकग़ा इनदा वन वावो.

गलातितोर 3:15 Iomraidhean Croise

बळयिर 1:15

अवे दियाने, उंद दिया येसुन विस्वस कीतोरु, सबेटोर जोक-जोक आरुङ वीसाङ मन्कलोर, अगा जमा आस मतोर. अस्के पत्रु ओरा नडुम निच वेहतलाह आतोग़:

रोम सहरतोर 1:13

यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर; मति इचानाह बेदाय अडम आसोर मता. इद पोल्‍लोतुन मीट पुनदना इनजोर, नना वेहतलाह आतन.

रोम सहरतोर 3:5

उय्तुर तमा मन्कना बुदते इद्रम इनेर, “मावा पापमतेनाह्‌कु, देवुळि पका सेतेम दिसिह्‌ता. पापमता इद्रम पाय्दा आस्ता इतेके, देवुळि माक सिक्सा ईसि, सेतेमते नेयम केवो,” इनेर.

रोम सहरतोर 6:19

मीक इव पोल्‍लोङ तेळियलाह तिपल मताह्‌कु, नना इद्रम पुन्पिह कीयनव पोल्‍लोने वेहतह्‌नन. मुने मीट पापमता कय इळ्न मतिर अस्के, मीक सेतेमता अग़दे ताकलाह विचर वावो. मीवाङ मेंदुस्किन करबताङ विचर्कना कय इळ्न मनदलाह ईतिर, अह कीसि देवुळताङ अडोन देहचोरेन अतिर. मति इंजेके मीट मीवाङ मेंदुस्किन, सेतेमताङ विचर्कना कय इळ्न मनदलाह ईम्ह्‌टु. अस्के मीट देवुळता पवित्र लोकुरिर आयकिर.

1 कुरिंततोर 15:32

इपिसुस सहरतगा, गेळा जन्वर्कना बुदलेह्‌काडोर मन्कलोरा संगे लळेम आतन. डोलतोर ओसोवने जीवा अरवोर इतेके, ओरा संगे नना लळेम आस, नाक बाताल पाय्दा दोर्कालि? अह इतेके, इस्रयेलतोर मुने इनदना लेह्‌कान, “नाळ कोनि डोलना मन्ह्‌ता, अदिनेनाह्‌क तिनदकल, उनडकल, गिर्दाते मनदकल,” इनजोर मनाह आवालि.

गलातितोर 6:18

मावोरिर, येसुसामि किर्स्तुना देय्वा मियगा मनि.आमेन.

इब्रितोर 6:13

(तिपल्किन आपसोरे देवुळतगा बह विस्वस तासना इनजोरे, माक अब्रहम मुय्तोग़ बेस-नेह्‌ना तोहतोग़:) “नीक निटमे वेल्‍लाय करयि-बर्कत ईकन. नीवा जालपिलतुनु बोल्गिह कीकन,” इन्जि, तन्काय बेरोग़ इलवाह्‌कु, देवुळि तनाय पेदिरते ओतिसि, अब्रहमिह्‌कु पोल्‍लो विळ्सता.

इब्रितोर 6:16

मन्कलोर ओतिह्‌पा, तम्काय बेरोर मन्कलोरा पेदिर पोसिये ओतिह्‌तोर; अद्रम ओततस्के, पोल्‍लो दोहतह्‌तोर. ताना पेग़्के पोल्‍लो करल आता इनजोर, अद तोहतह्‌ता.