गलातितोर 3:12 - माडिया गोंड पवित्र सास्त्रम

¹² अडोन नोमवालोर इतेके, देवुळतगा विस्वस केवाये नोमिह्‌तोर; बोर अडोन नोमिह्‌तोर, अविस्कनेन ताकनुर, इद्रम सास्त्रम वेहतह्‌ता.

गलातितोर 3:12 Iomraidhean Croise

मत्याल 19:17

“नाकु नेह्‌ना कबळता लोप्पा बाराह्‌क ताल्ह्‌किह्‌निन? नेह्‌नोग़ इतेके ओर्वोग़े मन्ह्‌तोग़, देवुळबाबाले; ओग़े नेह्‌नाता लोप्पा पुन्ह्‌तोग़! ओना संगे निमा अमेसातुह्‌क पिसकन इतेके, मोसा मुय्तोना संगे ईतव अडोन माळसोर मन,” इन्जि येसु ओन इतोग़.

रोम सहरतोर 11:6

माट कीतव बेसताङ कबस्किन ऊळिस आयो, मति अद दया कीताह्‌के, तान विस्वस कीयलाहि, उच्वुरिन आचता. मावाङ कबस्किन ऊळिस आचता इतेके, देवुळता पिसमुळ माक कमय कीतप दोर्कालि, ताना दयाता पोल्‍लो आयो आवालि.

रोम सहरतोर 4:14

देवुळि पोल्‍लो विळ्सतद बर्कततुन, मोसानाङ अडोङ माळवालोरे दोर्किह कीस्तोर इतेके, विस्वसता बाताल गर्ज? देवुळ विळ्सतद पोल्‍लो वने उगसिन आवालि,(बह इतेके, मोसानाङ अडोङ वेहतप, बोग़े ताक पग़वोग़.) अदिह्‌क अविस्किन माळलाह ऊळवालोरिह्‌क, देवुळता सिक्साये दोर्किह्‌ता. मति देवुळि अब्रहमिन पोल्‍लो विळ्सतस्के, देवुळताङ अडोङ इलवाय मताङ. अदिह्‌क अडोङ देहतनद पोल्‍लो अस्के मुर्तिय पेसो.

रोम सहरतोर 4:16

देवुळि बेदिन ईकन इन्जि पोल्‍लो विळ्सिस मता, अदिन देवुळतुन विस्वस केवालोरे दोर्किह कीस्तोर. अदु देवुळता दयातेने, सबेटोर विस्वस केवालोरिह्‌क निटमे दोर्कग़ा. सिरप मोसानाङ अडोन मानेम आयवालोर यहुदि विस्वसिरिह्‌के आयो, मति अब्रहमना लेह्‌का विस्वस केवालोर सबेटोरिह्‌के दोर्कग़ा. देवुळि अब्रहमिह्‌क विळ्सतद पोल्‍लो सास्त्रमतगा इद्रम रासतद मन्ह्‌ता: नना नीक वेल्‍लाङे जातिनोरा पेदामुय्तोग़ कीतन, इनजोर रासतद मन्ह्‌ता. इद्रम विस्वस केवालोर माट सबे जातिनोर मन्कलोरिह्‌क, देवुळता मुनेह अब्रहमे पेदामुय्तोग़ आतोग़. हातोरिन जीवा अर्हतनदु, लेवविन मनाह कीयनद देवुळतुन, अब्रहम विस्वस कीतोग़.

रोम सहरतोर 7:10

ओसो (देवुळताहि एग़िसि, ताना मुनेह) डोलतप लेह्‌का आतोनन इन्जि पुतन. लोकुर अमेसाता पिसमुळता अग़दुन पुनिर इनजोर, देवुळि माक अडोङ ईता. मति (अविस्किन देहताह्‌कु,) अवे अडोङ नाकु हामुरता अग़दे ओसीतप मन्ह्‌ताङ.