गलातितोर 2:15 - माडिया गोंड पवित्र सास्त्रम

¹⁵ “माट यहुदिरल दुस्रा जाततोरल आयवल (ओरिन पाप्यहलोर इन्ह्‌तोर, ऊळविन!), माटु यहुदि जातते पुटटल, अयो?

गलातितोर 2:15 Iomraidhean Croise

मत्याल 9:11

तेन ऊळिसि परुसिर ताल्ह्‌कतोर, “सिद्‌वा एनवालोर, पाप्यहलोर, इद्रमतोर पोहचीतप मतोरा संगे, मीवा गूरु बह तिन्ह्‌तोग़?” इनजोर कग़यवालोरिन कट्ला कीतोर.

बळयिर 22:21

मति येसु इतोग़, ‘आयो, यहुदि आयवोरिन नावा पोल्‍लोतुन वेहतलाह नना नीक जेक-जेक लोहतह्‌नन, इग्डाहि अन!’ इतोग़.”

रोम सहरतोर 3:9

पया बह कीयना? बह माट यहुदिरल, दुस्राङ जातिनोरिह्‌काय कमि कसुरतोरल मह्‌नला? आयो, इलवल! यहुदिर मनिर, यहुदि आयवोर मनिर, सबेटोरे पापमते मन्ह्‌तोर इनजोर, नना इंजेकेन मीक तेळियिह कीस मतन.

रोम सहरतोर 4:16

देवुळि बेदिन ईकन इन्जि पोल्‍लो विळ्सिस मता, अदिन देवुळतुन विस्वस केवालोरे दोर्किह कीस्तोर. अदु देवुळता दयातेने, सबेटोर विस्वस केवालोरिह्‌क निटमे दोर्कग़ा. सिरप मोसानाङ अडोन मानेम आयवालोर यहुदि विस्वसिरिह्‌के आयो, मति अब्रहमना लेह्‌का विस्वस केवालोर सबेटोरिह्‌के दोर्कग़ा. देवुळि अब्रहमिह्‌क विळ्सतद पोल्‍लो सास्त्रमतगा इद्रम रासतद मन्ह्‌ता: नना नीक वेल्‍लाङे जातिनोरा पेदामुय्तोग़ कीतन, इनजोर रासतद मन्ह्‌ता. इद्रम विस्वस केवालोर माट सबे जातिनोर मन्कलोरिह्‌क, देवुळता मुनेह अब्रहमे पेदामुय्तोग़ आतोग़. हातोरिन जीवा अर्हतनदु, लेवविन मनाह कीयनद देवुळतुन, अब्रहम विस्वस कीतोग़.

गलातितोर 2:17

पया किर्स्तुन विस्वस कीसि, माट सेतेमतोर आयलाह ऊळिह्‌नल, (अह आसि माट किर्स्तुन विस्वस केवालोरल, दुस्राङ जातिनोरा संगे उदना-तेदना कीय्ह्‌नल. इद्रम कीसोर मनाह्‌कु,) लोकुर माकु पाप्यहलोर इन्ह्‌तोर इतेके, बह किर्स्तु पापमतुन बोल्गिह कीयलाह वातोग़ इनजोर इह्‌निना? अद्रम मुर्तिय आयो!

इपिसुसतोर 2:3

निटमे माट सबेटोरल वने, ओरा लेह्‌काने ताकिंदल. मावा लाग्वा बुदि बेद्रम लालुस कींदु, अद्रमे कींदल. मावा मेंदुलि ओसो मावा बुदि बेद्रम ओसोर मंदु, अद्रमे लाग्वाङ कबस्क कीसोर मंदल. लाग्वाङ कबस्क कीसोर मनाह्‌कु, देवुळि लाग्वोर सबेटोरिह्‌क निटम सिक्सा ईयना लेह्‌का, माक वने सिक्सा ईस मनालि.

पिलिपितोर 3:4

मन्कना बुदता पोग़ोन बर्वस तासना इतेके, नना पका तासेनन. आपुनाङ कबस्कनगा बर्वस तासिस, बोग़ाय पोग़यसोर तिरियतेके, नना ओन्काय पका पोग़यसोर तिरियेनन.

तीतुस 3:3

मुने माट वने बुद तेळियवोरल मतल. पोल्‍लोङ केंजवोरल मतल. माट नाळेम आस मतल. दुस्राङ-दुस्राङ लाग्वाङ लालुस्कना कय इळ्न मन्जि, विचर वातप कींदल. लाग्वाङ कींदल, कुळ्सा अंदल. दुस्रोरिह्‌क एग़्ङ वावालोरल मंदल, ओसो माट वने ओर्विह्‌क-ओर्वोग़ कोटुल कींदल.