गलातितोर 1:8 - माडिया गोंड पवित्र सास्त्रम

⁸ मति माट मीक काग़्हतद पोल्‍लोतुन विळ्सिसि, दुस्रा अलगता पोल्‍लो बोग़ाय मीक काग़्हतेके, देवुळ ओन बूळे कीयि! माट काग़्हतेक वने, पोग़ोटा देवतुल काग़्हतेक वने, अद्रमतोन देवुळि बूळे कीयि!

गलातितोर 1:8 Iomraidhean Croise

मत्याल 25:41

“पया दावळ बाजेतोर लाग्वोरिन नना इनदकन, ‘ए सरपते मनवालोरिर, नयग्डाहि पेसिस अन्ह्‌टु. देयह्‌किह्‌कु ओसो अविस्कना मुक्याह्‌कु तयर कीतदु, बेस्केन पिववद किसबटटगा अन्ह्‌टु.

मार्कल 14:71

अस्के पत्रु इतोग़, “नना किरिया कीस वेहतह्‌नन, नावा पोल्‍लो जोल आतेके, देवुळ नाक तिनि! मीट वळ्ह्‌किह्‌निर ओग़ मन्कन, नना मुर्तिय पुनोन!” इतोग़.

बळयिर 23:14

ओर मन्कलोर पेर्मालोरगा ओसो यहुदिराङ पेदल्कनगा अन्जि, “माट पोलुन हव्कवालेवा, बाताले तिनोम-उनोम आयकोम, ओन हव्कवेके देवुळि माक उंदियदेबा लेट्‌नेन ईयि तेला इनजोर, किरिया कीतोम.

रोम सहरतोर 16:17

इंजेके, मावोरिर! इद उंद पोल्‍लोतुन अर्जि कीस वेहतलाह आतन. उय्तुर मन्कलोर मन्ह्‌तोर, ओरु मीट कग़यतव पोल्‍लोन नमवा, दुस्राङे पोल्‍लोन काग़्हचि, विस्वसिरा मुडोरगा कोंटेङ पुटिह कीस्तोर. ओसो बोर-बोरिन विस्वसतुन विळ्सनाह कीस्तोर. अदिह्‌क मीट उसरते मन्ह्‌टु, ओरग्डाहि जेक मन्ह्‌टु.

1 कुरिंततोर 12:3

(अस्के देयम पोस वळ्ह्‌कवालोरिन ऊळतिर. पया देवुळता जीवाता दळ्मते वळ्ह्‌कवालोरिन बह पुनदकिर? अदिनेनाह्‌क बेद निटम देवुळता जीवाता बुदि इनजोर, मीट पुनदना. अद इद्रमि:) बोग़ाय मन्कन देवुळता जीवा ताकिह कीतेके, ओग़ मन्कल बेस्केन येसुन सरप एवोग़. अहे देवुळता जीवालेवा बोग़े मन्कल येसुनु, सामि इनजोर इनोग़.

1 कुरिंततोर 16:22

बोग़ाय येसुसामिन जीवा केवेके, ओन्क सरप दल्गि! ए सामि, वय!

गलातितोर 1:9

माट मुने मीक वेहच मतोम, इंजेक ओसो नना सीता कीसीय्ह्‌नन, बेस केंजाटु. मीट मुने नमतद बेसता कबुरतुन विळ्सिसि, अलगता कबुर मीक बोर वेहतह्‌तोर, ओरिन देवुळि बूळे कीयि.

गलातितोर 3:10

बोर अडोन नोमिसि सेतेमतोर आयलाह ऊळिह्‌तोर, ओर कतमतोरिह्‌क सरपे दल्गिह्‌ता. बाराह्‌क इतेके बोरु अडोना पुस्तकते रासतवु, कतम अडोनु नोमसोर मनोर, ओरिह्‌क सरप दल्गिह्‌ता, इन्जि सास्त्रमते रासतद मन्ह्‌ता. इद्रमलेह्‌का विस्वसते ताकवालोरिह्‌क बर्कत दोर्किह्‌ता, अडोन नोमवालोरिह्‌क बार सरप दल्गिह्‌ता.

गलातितोर 3:13

मति दुस्राङ जातिनोरिह्‌क इंका, किर्स्तु येसुनगा विस्वस कीताह्‌कु, अब्रहमिह्‌क ईतद बर्कत दोर्कग़ा. ओसो देवुळ मुने पोल्‍लो विळ्सतपे, ताना पवित्र जीवा माक विस्वसिरिह्‌क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्‌ता.

तीतुस 3:10

विस्वसिरा संगे गिटोगटो आसि, कोंटेङ पुटिह केवाल मन्कन, उंद-रेंड मल्काङ अद्रम केमा इनजोर, वेहच ऊळा. ओग़ केंजवेके, ओन जेक तासा.

2 पत्रु 2:14

वेरा नद्र साट्याल बुदते निंदिस मन्ह्‌ता, पापम पोल्‍लोन पर्ह्‌कसोरेन मन्ह्‌ता. विस्वसते मेग़्कवोरिन नाळेह कीसि, पापमतके ओस्तोर. लालुस आयनदिना लोप्पा कोनि, वेरे पका पुतोर. देवुळि वेरिन सिक्सा ईस्ताये.