इपिसुसतोर 6:18 - माडिया गोंड पवित्र सास्त्रम

¹⁸ अद जीवा मीक ताकिह कीयना लेह्‌का, अमेसा सबे पोल्‍लोनेनाह्‌कु, पार्तना कीसि देवुळतुन वेहाटु. देवुळता मन्कलोर सबेटोरेनाह्‌क, आरेम आयवा पार्तना कीसोर मन्ह्‌टु.

इपिसुसतोर 6:18 Iomraidhean Croise

मत्याल 17:21

[मति मीटु देवुळतुन पार्तना कीसोर, उपस कीसोर मतेकेने, इद्रमता देयमतुन पूंड पग़यकिर,]” इन्जि इतोग़.

मत्याल 26:41

नना वेहतप कीयलाह मीवा जीवा तयरे मन्ह्‌ता, मति मीवाङ मेंदुस्क इतेके, दीरालेवप बागतप मन्ह्‌ताङ. अदिह्‌के मीट सीताते मन्ह्‌टु. देयह्‌कना मुक्याल मीवा पट ऊळनस्के, मीट पापमते अरयनायो इन्जि, देवुळतुन पार्तना कीसोर मन्ह्‌टु.”

मार्कल 13:33

नना मल्स वायनद दिया बेस्के एवयह्‌ता इनजोर मीट पुनविर. अदिह्‌क मीट वने उसरते मन्ह्‌टु, केपसोर मन्ह्‌टु.

मार्कल 14:38

नना वेहतप कीयलाह, मीवा जीवा तयरे मन्ह्‌ता, मति मीवाङ मेंदुस्कु इतेके, दीरालेवप बागतप मन्ह्‌ताङ. अदिह्‌के मीट सीताते मन्ह्‌टु, देयम मीवा पट ऊळनस्के, मीट पापमते अरयनायो इन्जि, देवुळतुन पार्तना कीसोर मन्ह्‌टु,” इतोग़.

लूकाल 21:36

अदिनेनाह्‌क उसरते मन्जि, इव पूरा आयनव पीळाङ-दोकानाहि पिसकोम इन्जि, अमेसा दीरा पोसि पार्तना कीसोर मन्ह्‌टु. अह कीतेके नना माने-मन्कना नडुम पुटटोनन वायकन अस्के, मीट नावा मुनेह बेदे रेयलेवा नितकिर,” इनजोर येसु वेहतोग़.

लूकाल 22:46

अस्के ओरिन इतोग़, “मीट बाराह्‌क उंजलाह आतिर? अले तेदाट! देयह्‌कना मुक्याल मीक पट ऊळनद आयो इन्जि पार्तना कीम्ह्‌टु,” इनजोर इतोग़.

लूकाल 3:26

नोगाल मतुसना मग़ि, मतुस मतिताना मग़ि, मतिताल सिमिना मग़ि, सिमि योसेकना मग़ि, योसेक योदाना मग़ि.

लूकाल 3:37

लामेक मतुसेलाना मग़ि, मतुसेलाल हनोकना मग़ि, हनोक यारेदना मग़ि, यारेद महललेलना मग़ि, महललेल केनानना मग़ि.

बळयिर 1:14

वेर सबेटोर बळयिर उंदिय विचरते, देवुळतुन पार्तना कीसोरेन मंदुर. ओसो वेरा संगे उचुक आस्कु, येसुना तलोग़ मरियाल, ओसो ओनाङ तमोर मतोर.

बळयिर 10:2

ओग़ (यहुदि जाततोग़ आयोग़, मति) यहुदिरा देवुळतुन दिनम मोळ्किंदोग़, ओना लोते मनवालोर सबेटोर देवुळतुह्‌क रेयिस ताकिंदुर. लेवोरिह्‌क दर्मम कींदोग़, दिनम देवुळतुन पार्तना कींदोग़.

बळयिर 12:5

इद्रमलेह्‌का पत्रुन उचुक दियाङ जेलते तासतोर, अस्के विस्वसिरा मुलु ओनेनाह्‌क, अमेसा रोमवालेवा, देवुळतुन पार्तना कीसोर मतोर.

बळयिर 6:4

मति माट बळयिरोम इतेके, पार्तना कीयनद ओसो देवुळता पोल्‍लोतुन पोकुर कीयनदे सेवाते मनदकोम,” इनजोर इतोर.

रोम सहरतोर 12:12

देवुळि मीक ईतद आसाते, गिर्दा आस मन्ह्‌टु. तिपल्क वातस्के, आरेम आयवा निच मन्ह्‌टु. अमेसा पार्तना कीसोर मन्ह्‌टु.

रोम सहरतोर 8:15

बहु साकुर केवाल तना माल्काह्‌क रेयिस मनदना लेह्‌का, माकु देवुळताहि रेय वसनद जीवा दोर्कताया? आयो! मावा जीवातगा मनदनद पवित्र जीवा, माकु देवुळताङ मग़्क-मयास्‍क आनाह कीता. अदिनेनाह्‌क देवुळतुनु, ए नावा बाबानिन इनजोर, केय पग़यह्‌नल.

गलातितोर 4:6

माट देवुळताङ मग़्कनल आताह्‌कु, देवुळि तना मग़ना जीवातुन, मावा जीवातगा लोहता. अद जीवा अगा देवुळतुन “बाबा! बाबा!” इनजोर केयसोर मन्ह्‌ता.

इपिसुसतोर 1:16

नना पार्तना कीयह्‌पा, मियेनाह्‌क ऊक-ऊके पार्तना कीसोर मह्‌नन. ओसो देवुळतुन जोहर कीसोर मह्‌नन.

इपिसुसतोर 2:22

किर्स्तुना संगे मीट जोळेम आताह्‌कु, ओग़ मीक वने दुस्रोर विस्वसिरा संगे, जोळे कीसोर दायलाह आतोग़. ओसो मीट देवुळता जीवा मनदनद जागा आयलाहि, मीक विस्वसि मुडुन पंडसोर दायलाह आतोग़.

इपिसुसतोर 3:18

अह मतेके, वेहता वावप अचोन लेकालेवा, किर्स्तु माक जीवा कीस्तोग़ इनजोर, मीटु ओसो देवुळता मन्कलोर सबेटोर पुनजोर दाकिर. अद्रम आसोर, मीवा गून देवुळता गूनता लेह्‌का बाताले कमिलेवा मनदग़ा.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

इपिसुसतोर 6:19

मन्कलोर मुने पुनवालेवा मंदुर, अद पोल्‍लोतुन बेसता कबुरते, देवुळि इंजेके पुन्पिह कीता. तान पोकुर कीयलाहि, किर्स्तु नाक लोहतोग़. अदिनेनाह्‌क कोनि इंजेके नना जेलतगा मह्‌नन. नना तान पोकुर कीयनाये, अद नावा कबळ आंदु. अद इसबते देवुळि नावा तोडटगा पोल्‍लोङ ईयि, नना रेयवालेवा वेहतलाहि, नयेनाह्‌क वने पार्तना कीम्ह्‌टु.

पिलिपितोर 4:6

बेदे पोल्‍लोतेनाह्‌क आलिह केमाटु, मति सबे पोल्‍लोनेनाह्‌क पार्तनाते देवुळतुन अर्जि कीस, मीवा गर्जतुन वेहाटु. देवुळि माक बेस ऊळिह्‌ता इनजोर, मीट तान जोहर कीसोर ताल्ह्‌काटु.

कुलुसितोर 1:3

देवुळता बेसता कबुरि, सेतेमता पोल्‍लो आंदु. अद पोल्‍लोतुन मीट मुने केंजतिर, केंजताह्‌कु पोग़ोन देवुळदीपतगा जागा दोर्कनद आसा मियगा पुटटा. अद आसातेनाह्‌कु, येसु किर्स्तुन विस्वस कीसोरेन मह्‌निर, ओसो देवुळता सबेटोर लोकुरिन जीवा कीय्ह्‌निर. अदिनेनाह्‌क माट मियेनाह्‌क ऊक-ऊके पार्तना कीय्ह्‌नोम अस्के, मावा येसुसामि किर्स्तुना बाबाल देवुळतुन अमेसा जोहर कीय्ह्‌नोम.

कुलुसितोर 4:2

मीट अमेसा रोमवालेवा पार्तना कीसोर मन्ह्‌टु. बेस बुदते मन्जि, देवुळता बेरा दयातुन सीता कीसोर पार्तना कीम्ह्‌टु.

1 तिसलुनितोर 5:17

दिनम पार्तना कीसोर मन्ह्‌टु.

1 तिमोति 2:1

इह केंजा, नीक नना वेहतह्‌नन. सबेटोरेनाह्‌क पार्तना कीयना, सबेटोर पापमताहि पिसना इन्जि देवुळतुन ताल्ह्‌कना, देवुळ माक बेस ऊळता इन्जि जोहर कीयना, इदे मोदुल पोल्‍लो आंदु. इदिन निमा काग़्हतना गावले.

2 तिमोति 1:3

नना देवुळता मुनेह आयि, लोकुरा मुनेह आयि, अमेसा जीवाताहि कसुरलेवप मन्जि, देवुळतुन माळलाह ऊळिह्‌नन. मावाङ तादोर-बाबोर वने, अद्रमलेह्‌काने देवुळतुन माळतोर. ओसो नीक सीता कीयह्‌पा, देवुळतुन नना जोहर कीय्ह्‌नन. नग़्का पिळ्‍विळ पियल-पोळ्‍द पार्तना कीयह्‌पा, माग़्ङवालेवा नीक सीता कीय्ह्‌नन, तिमोति.

इब्रितोर 5:7

येसु इद बूमतगा मतोग़ अस्के, तनाह्‌क हामुरताहि पिसिह कीया पग़यनद देवुळतुन जोरते केयसोर, अळसोर पार्तना कींदोग़, अर्जि कींदोग़. ओग़ देवुळतुन मान ईताह्‌कु, अद ओना पार्तनातुन केंजता.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

यहुदाल 1:20

मति नावा गोततोरिर! मीट देवुळताहि दोर्कतव पवित्र पोल्‍लोने बेस मेग़्किस मनदना इन्जि, ओर्विह्‌क-ओर्वोग़ तोळ आम्ह्‌टु. देवुळता पवित्र जीवा मीक वेहतप, पार्तना कीम्ह्‌टु.