इपिसुसतोर 6:1 - माडिया गोंड पवित्र सास्त्रम

¹ पेकोरिर! मीट सामिना संगे जोळेम आताह्‌कु, मीवाङ तलोग़-तपेराङ पोल्‍लोने वरेम आस मन्ह्‌टु! अद्रम कीयनदे ओप्पिह्‌ता.

इपिसुसतोर 6:1 Iomraidhean Croise

लूकाल 2:51

पया येसु तपेरा संगे तमा नासरेत नाग़ अतोग़. पेकाल ओरा पोल्‍लो केंजसोर ताकिंदोग़. ओना तलोग़ इव सबे पोल्‍लोन तना पोटातगा तासिस, आलिह कीसोर मता.

रोम सहरतोर 12:2

इद दुनियातोरा लेह्‌का ताकलाह मीट ऊळमाटु, मति देवुळ मीवाङ विचर्किन मिळ्हचि, मीक पूना बुद ईयि. अस्के बेद्रम ताकना इन्जि देवुळता विचर मन्ह्‌ता, अदिन मीट पुनदकिर. इद्रमता ताकमुळि नेह्‌नलि, ओसो देवुळतुह्‌क विचर वायनदु, बाताले तपलेवद आंदु.

रोम सहरतोर 16:2

अद बेस बुदता आंचाळि, वेल्‍लाटोरिह्‌क तोळ ईता, अहे नाक वने तोळ ईता. अदिनेनाह्‌क अद देवुळता मयाळ आंदु इनजोर, तान बेस-नेह्‌ना ऊळाटु. ओसो तान्क बातालाय गर्ज अरतेक, मीट तोळ ईम्ह्‌ट.

रोम सहरतोर 7:12

इद्रमलेह्‌का देवुळ ईतव अडोङ लागोङ इन्जि इनोन. अव सबे देवुळताहि वाताङ, सेतेमताङ ओसो बेसताङ आंदुङ.

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

1 तिमोति 5:4

मति बेदाय रांडे आंचानाङ पिलाङ-पेकोर आयि, बापि इनवालोर पिलाङ-पेकोर आयि मतेके, ओर मुने तमाय लोता रांडे आंचान अय कीयलाह कग़यना. इद्रमलेह्‌का मुने तम्क अय कीतदु तमा तलिन, काकोन, बापिन वने अय कीयना. इद्रम कीतेके, देवुळि गिर्दा आस्ता.

1 पत्रु 2:13

येसुसामिह्‌कु मान दोर्कना इन्जि, इद दुनियाते अदिकरते मनवालोरा पोल्‍लोते वग़्ङिस मन्ह्‌टु: बेरोग़ राजाल मनेग़, ओसो ओग़ लोहवालोर अदिकरतोर मनिर, ओराङ पोल्‍लोङ केंजसोर ताकाटु. बाराह्‌क इतेके ओर अदिकरतोर, बेसता कबळ कीतोनु कदरते ऊळना, लाग्वा कबळ कीतोन बारा सिक्सा ईयना इन्जि, राजाल ओरिन लोहतोग़.