इपिसुसतोर 5:16 - माडिया गोंड पवित्र सास्त्रम

¹⁶ इद कालमतोर लोकुर लागोर, अदिनेनाह्‌क किर्स्तुना साक्सि आयलाह, मीक मोका दोर्कतेके, तान विळ्समाट. (पया मीक मोका दोर्को आयग़ा.)

इपिसुसतोर 5:16 Iomraidhean Croise

मत्याल 25:17

अद्रमे बोन्क रेंड मोटाङ दोर्किस मताङ, ओग़ वने दंदा कीसि, ओसो रेंड मोटाङ एक्‍वा दोर्किह कीतोग़.

योहन 12:35

अस्के येसु ओरिन इतोग़, “ओसो गय्के नावा वेह्‌च मियगा मनदग़ा. ईकळ आयनामुनेने, वेह्‌च मनेकेने वेह्‌चते ताकाटु. बाराह्‌क इतेके बोग़ ईकळते ताकिह्‌तोग़, ओग़ बेगा दास्तोग़, अद ओन्क तेळियो.

रोम सहरतोर 13:11

माट मुने किर्स्तुन विस्वस कीयलाह आतल अस्के, देवुळि माक इद ईकळता दुनियाताहि पिसिह कीयनद कगो बेस्के एवयग़ा इनजोर, अग़ ऊळिंदल. इंजेके अद कगो एरे एवता. अदिह्‌क मीट मीवा निद्रताहि तेदिसि, उसर आम्ह्‌टु. नना वेहतप लेह्‌का ताकाटु.

1 कुरिंततोर 7:26

इंजेटा तिपलतुन ऊळिसि, कोय्तोग़ ओसो आंचाळि तमा बेद्रम मन्ह्‌तोर, अद्रमलेह्‌काने मतेके ओप्पालि इनजोर, नावा विचर मन्ह्‌ता.

गलातितोर 1:4

येसु किर्स्तु मावा पापमता सिक्सा एचि, हव्कनागुटातगा तना जीवा ईतोग़ इन्जि, मीट पुतिर. माट इद दुनियाताङ लाग्वाङ विचर्कनाहि, लाग्वाङ कबस्कनाहि पिह्‌ट अरयना इन्जि, मावा देवुळबाबाना विचर मता. अदिनेनाह्‌क येसुसामि तना जीवा ईतोग़.

गलातितोर 6:10

अदिनेनाह्‌कु माक बह मोका दोर्किह्‌ता, अह माट सबेटोरेनाह्‌क बेसताङ कबस्क कीयिङ, कास कीसि मावोर विस्वसिरेनाह्‌कु. (इद्रमलेह्‌का माट देवुळता जीवाता पेग़्के ताकना गावले.)

इपिसुसतोर 6:15

किर्स्तु माक देवुळता संगे कलियिह कीतोग़, इद बेसता कबुरतुन नमिसि, सुकमते निच मन्ह्‌टु. सीपय्कनाङ काल्क बळ्स अनवाहु, बेस मेग़्किह कीस तासनव बूट्कना लेह्‌कान, (इद पोल्‍लो मीक मीवा विस्वसते कोदुर ईस अरयलाह एवो).

कुलुसितोर 4:5

किर्स्तुन पुनवोरा संगे मनदह्‌पा, बेस बुदते मन्ह्‌टु. ओरिन किर्स्तुना लोप्पा साक्सि वेहतलाह, मीक मोका दोर्कतेके, तान विळ्समाट.