इपिसुसतोर 4:9 - माडिया गोंड पवित्र सास्त्रम

⁹ (पोग़ोन अतोग़ इनजोर इतेके, मुनेन ओग़ इळ्ता बूम एवनाह रेगतोग़ इनजोर आस्ता.

इपिसुसतोर 4:9 Iomraidhean Croise

मत्याल 12:40

इतेके योनाल बेद्रम नग़्का-पियल मूंड दियाङ बेरा मीनता पोटालोप्पा मतोग़, अद्रमे माने-मन्कना नडुम पुटटोनन, नना नग़्का-पियल मूंड दियाङ इद बूमता लोप्पा मिंजिस मनदकन.

योहन 20:17

अस्के (मरियालि ओनाङ काल्क अरताह्‌कु,) येसु इतोग़ “नावाङ काल्किन ओग़्ङिस मनमा मरिया, बाराह्‌क इतेके नना इंका वने बाबानेके पोग़ोन अनोने. मति निमा मावोर कग़यवालोरेके अन्जि ओरिन वेहा, ‘मीवा-नावा बाबानेके, मीवा-नावा देवुळतके नना पोग़ोन दाय्ह्‌नन,’” इन्जि येसु तान वेहतोग़.

योहन 3:13

माने-मन्कना नडुम पुटटोनन, नना देवुळदीपताहि रेगतन; नाक विळ्सिसि, देवुळदीपतगा अतोग़ु बोग़े इलेग़.(अदिह्‌के देवुळदीपताङ गोटिङ वेहतलाह अदिकर नयगा मन्ह्‌ता.)

योहन 6:33

बाराह्‌क इतेके देवुळदीपताहि रेगिसि, इद दुनियातोरिह्‌क अमेसाता पिसमुळ एवाल, ओग़े देवुळ ईयनद तिंडि आंदोग़,” इनजोर इतोग़.

योहन 6:38

बाराह्‌क इतेके नना नावा विचरते कीयलाह आयो, मति नाक लोहतोना विचर मतप कीयलाह, देवुळदीपताहि रेगतन.

योहन 6:41

देवुळदीपताहि रेगतद तिंडि ननान आंदन इनजोर येसु इताह्‌कु, यहुदिर तमतमाय येसुना लोप्पा मुयोग़ आंदुर.

योहन 6:51

देवुळदीपताह रेगतद जीवात मनदनद तिंडि ननान आंदन. बोर इद तिंडटुन तिनदनुर, ओर अमेसा जीवात मनदनुर. इद तिंडि नावा मेंदुल आंदु, इदिन नना दुनियातोरा पिसमुळतेनाह्‌कु ईकन,” इनजोर येसु इतोग़.

योहन 6:58

देवुळदीपताहि रेगतद करलता तिंडि ननान आंदन. मीवोर मुनेतोर पेदल्क मना तिन्ज तेला ओर डोलतोर, अद्रमलेह्‌का इद तिंड आयो. मति बोर इद तिंडटुन तिनदनुर, ओर अमेसा जीवात मनदनुर,” इन्जि येसु काग़्हतोग़.

योहन 6:62

माने-मन्कना नडुम पुटटोनन, नना बेगा मुने मतन, अगा पोग़ोन मल्स दायनस्के, मीट नाक ऊळकिर अस्के, मीट बह इनदकिर?

योहन 8:14

येसु पया ओरिन इतोग़, “नना वग़ोनन कुदि नावाय लोप्पा साक्सि ईतेकाय, नावा साक्सि ताकिह्‌ताये, बह इतेके नना बेग्डाह वातन, ओसो बेगा दाय्ह्‌नन, इद नाक एर्काय मन्ह्‌ता. मति नना बेग्डाह वातन ओसो बेगा दाय्ह्‌नन, इदिन मीट पुनविर.

इब्रितोर 2:7

मन्कलोरु नीवा मुनेह बातय इलेर, तेला मति, निमा मान्वनु मान-डीसाते निल्पिह कीतिन, ओनु देवतुल्किह्‌काय इचुने कमि कीतिन.

इब्रितोर 2:9

मति ओर्विन माट पुतल. देवुळि गळ्किह्‌क, ओन पोग़ोटाङ देवतुल्किह्‌काय, उचुने उड्लोग़ कीस मता. ओग़ आंदोग़ येसु. मावा पोग़ोन देवुळि दया कीताह्‌कु, सबेटोर मन्कलोरेनाह्‌क, येसु डोलिस मतोग़. ओग़ पकाय तिपल आस डोलताह्‌कु, देवुळि ओन मान-डीसाते निल्पिह कीता.