इपिसुसतोर 4:11 - माडिया गोंड पवित्र सास्त्रम

^11-12 देवुळता मन्कलोरिन ताना सेवातेनाह्‌क ओप्पे कीयलाहि, किर्स्तुन विस्वस कीतोरा मुलु, विस्वसते बेस मेग़्किस मनदलाहि, अलग-अलग सेवातेनाह्‌कु, विस्वसिरिन निल्पिह कीतोग़. उच्वुरिन ओनाङ बळयिर आयलाह निल्पिह कीतोग़; उच्वुरिन देवुळता जीवाते वळ्ह्‌कवालोर आयलाह, उच्वुरिन बेसता कबुर पोकुर कीसोर तिरियलाह, उच्वुरिन विस्वसिरा मुडुन ऊळेवाळे कीसोर ओरिन काग़्हतलाह निल्पिह कीतोग़.

इपिसुसतोर 4:11 Iomraidhean Croise

मत्याल 28:20

अह कीसि, बेव अडोङ मीक नना माळलाह वेहतन, अव कतम अडोनु ओरिह्‌कु माळलाह काग़्हाटु. ओसो ऊळाटु, इद बूमता आक्रि एवनाह, नना अमेसा मीवा तोळ मह्‌नने!” इन्जि इतोग़.

बळयिर 13:1

सुरिया पटटा अंताकिया सहरतोरविस्वसिरा मुडगा, उय्तुर देवुळता कबुरतोर, ताना पोल्‍लोतुन काग़्हवालोर मंदुर. ओर बोर आंदुर इतेके, बार्नबस, सिमियोन (ओन निगर इतेके कार्यल मन्कल वने इंदुर), कुरेने सहरतोग़ लुकियुस,एरोद अंतिपस राजाना संगे उड्लग्डाह ऐंगेन बेर्सतोग़ ओग़ मनाहेम, ओसो सोलु.

बळयिर 20:28

ओसो आपुना, अहे मियग्डोर विस्वसिरा मुडा, बेस राका कीसोर मन्ह्‌टु. बह इतेके ओराङ मुक्यालोर आयना इन्जि, देवुळता जीवाये मीक निल्पिह कीता. देवुळि तना मग़ना नेतुरता कर्सा कीसि ओरिन असता, इदिन सीताते तासाटु. अदिह्‌क मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु.

बळयिर 21:8

पया इमा दिया अग्डाह पेसिसि, केसरिया सहरते अन्जि, बेसता कबुरतुन पोकुर केवाल पिलिपना लोन रोमतोम. (येरुसलेमतगा मुने आचतोर एळवुर सेवकिरग्डाहि वेग़ ओर्वोग़ मतोग़.) माट ओना लोन अन्जि अगा मतोम.

रोम सहरतोर 12:7

सेवा-साकुर कीयनद बुद दोर्कतोरिर, गिर्दाते सेवा-साकुर कीसोर मन्ह्‌टु. देवुळता पोल्‍लो काग़्हतनद बुद दोर्कतोरिर, बेस-नेह्‌ना काग़्हचोर मन्ह्‌टु.

1 कुरिंततोर 12:4

विस्वसिरगा अलग-अलग रीतताङ बुदिङ मन्ह्‌ताङ, मति अविस्किन ईयनद जीवा इतेके उंदिय मन्ह्‌ता.

इपिसुसतोर 2:20

जोता दोहचि ताना पोग़ोन लोन पंडटप लेह्‌काने, किर्स्तुनाङ बळयिर ओसो देवुळता जीवाते वळ्ह्‌कवालोर काग़्हतव पोल्‍लोनाहि, देवुळ वने मीट विस्वसि मुडुन निल्पिह कीयलाह आता. किर्स्तु येसुये ताना मूलाता आदर बंडालेह्‌का आतोग़.

इपिसुसतोर 3:5

अद पोल्‍लो इद्रम मन्ह्‌ता: यहुदि आयवोर बेसता कबुरतुन विस्वस कीतोर, कीताह्‌कु देवुळता बर्कत किर्स्तुन विस्वस कीतोर यहुदिरा संगे, ओरिह्‌क वने दोर्किह्‌ता. ओर ओसो यहुदि विस्वसिर, उंदिय मेंदुलतोर आतोर. अदिनेनाह्‌क किर्स्तु येसुनोरेनाह्‌क, देवुळि पोल्‍लो विळ्सिस मतविन, पूरा दोर्किह कीतोर. देवुळि तासिस मतद इद पोल्‍लोतुन, मुनेटा कालमतोर मन्कलोरिह्‌क तोहवा मता. मति इंजेके किर्स्तुनाङ पवित्र बळयिरिह्‌क, ओसो देवुळता कबुरतोरिह्‌क, तना जीवाता मेटे तोहचीता.

इपिसुसतोर 4:8

देवुळता सास्त्रमतगा, तेना लोप्पा मुनेन रासतद मन्ह्‌ता: ओग़ पोग़ोन अतोग़ अद वेलाते, तना पोस दोहतोर कोंटेतोरिन तना पेग़्के वाटिस ओतोग़. लोकुरिह्‌क बेसतल माल ईतोग़ इनजोर रासतद मन्ह्‌ता.

2 तिमोति 4:5

निमा मात्रम अमेसा सबे पोल्‍लोने उसर मन. तिपल आयह्‌पा आरेम आयमा, बेसता कबुरतुन वेहचोर मन. नीवा कयदे ईतद सेवातुन मारिह कीम.

इब्रितोर 5:12

मीट वेल्‍लाय मुने विस्वसिरिर आतिर. इचोटे विस्वसता पोल्‍लोतुन, दुस्रोरिह्‌क काग़्हवालोर आयना मता. मति देवुळताङ पोल्‍लोनु, ओसोवने सुरुताहि मीक काग़्हतना लेह्‌का आता अले! इंका वने पाल उनवालोर पिलाङ-पेकोरा लेह्‌कान मह्‌निर, गाटो तिनदा पुतोरा लेह्‌का आयविरे.

यहुदाल 1:17

मति, नावा गोततोरिर! मावा येसुसामि किर्स्तुनाङ बळयिर मुनेन वेहतव पोल्‍लोन, मीट सीता कीम्ह्‌टु.

तोहचीतव पोल्‍लोङ 18:20

ए देवुळदीपतगा मनवालोरिर! देवुळता मन्कलोरिर! किर्स्तुनाङ बळयिरिर! देवुळता कबुरतोरिर! अद सहर मीक कोटुल पोस मताह्‌कु, मियेनाह्‌क देवुळि तान्क इंजेके सिक्सा ईता. अदिनेनाह्‌क गिर्दा आम्ह्‌टु!

तोहचीतव पोल्‍लोङ 21:14

अद सहरता किलेतुन बारा बंडाङ वाटिस जोता दोहचि, गूरेतुन तेहतद मता. बारा बंडानगा, गोरेपिलाताङ बारा बळयिराङ पेदिर्क रासिस मताङ.