इपिसुसतोर 3:5 - माडिया गोंड पवित्र सास्त्रम

^5-6 अद पोल्‍लो इद्रम मन्ह्‌ता: यहुदि आयवोर बेसता कबुरतुन विस्वस कीतोर, कीताह्‌कु देवुळता बर्कत किर्स्तुन विस्वस कीतोर यहुदिरा संगे, ओरिह्‌क वने दोर्किह्‌ता. ओर ओसो यहुदि विस्वसिर, उंदिय मेंदुलतोर आतोर. अदिनेनाह्‌क किर्स्तु येसुनोरेनाह्‌क, देवुळि पोल्‍लो विळ्सिस मतविन, पूरा दोर्किह कीतोर. देवुळि तासिस मतद इद पोल्‍लोतुन, मुनेटा कालमतोर मन्कलोरिह्‌क तोहवा मता. मति इंजेके किर्स्तुनाङ पवित्र बळयिरिह्‌क, ओसो देवुळता कबुरतोरिह्‌क, तना जीवाता मेटे तोहचीता.

इपिसुसतोर 3:5 Iomraidhean Croise

मत्याल 13:17

इह केंजाट, नना सेतेम वेहतह्‌नन, नेंड मीट बेव ऊळिह्‌निर, केंजिह्‌निर, अविनु मुनेतोर देवुळता कबुरतोर ओसो सेतेमतोरु, इद्रम वेल्‍लाटोरे ऊळलाह, केंजलाह पप्ळेम आंदुर. मति ओरिह्‌कु ऊळ दोर्को, केंज दोर्को.

मत्याल 20:7

‘माक बोग़े बूततुह्‌क केयोग़, अदिह्‌के माट नितोम, दादा!’ इनजोर इतोर. पया ओग़ इतोग़, ‘अह इतेक, मीट वने नावा अंगुर वाळुमते अन्ह्‌ट.’ इतस्के ओर अतोर.

मत्याल 23:34

केंजाट, नना मियके कबुरतोरिनु, सेहनालोरिनु, सास्त्रमगूरुरिनु लोहतकन. मीटु ओरिन उच्वुरिन हव्कनागुटातगा वेळ्हतकिर, हव्ककिर, ओसो उच्वुरिन मीवाङ पार्तनाताङ लोह्‌कने सोग़्‍पा-जूटटे नल्हतकिर, नल्हचि ओरिनु नाह्‌क-नाह्‌क कोहतकिर.

लूकाल 10:24

बाराह्‌क इतेके नना मीक वेहतह्‌नन, नावा मुने मतोर वेल्‍लाटोर देवुळता कबुरतोरु ओसो राजालोरु, मीट ऊळनव कबस्किन ऊळकोम इंदुर, मति ऊळ पग़वोर. मीट केंजिह्‌निर अव पोल्‍लोन केंजकोम इंदुर, मति ओरिह्‌क केंजलाह दोर्को,” इनजोर इतोग़.

लूकाल 11:49

“अदिनेनाह्‌क देवुळि तना बुदते इद्रम इता, ‘नना कबुरतोरिनु, ओसो बळयिरिन वने ओरगा लोहतकन. अस्के उय्तुरिन बार हव्कनुर, ओसो उय्तुरिन बार पका तिपल कीयनुर,’ इता.

योहन 14:26

तेला मति बाबाल तना पवित्र जीवातुन मीक तोळ मनदलाह लोहतनोग़, अद जीवा नावा अदिकर पोसि मीक कतम काग़्हतग़ा. ओसो बेव गोटिङ नना मीक वेहतन, अविस्किन कतमे अदु सीता कीसि वेहतग़ा.

योहन 16:13

मति अद देवुळता सेतेमता जीवा वायग़ा अस्के, अद मीकु पूरा सेतेमता अग़ तोहचि ताकिह कीयग़ा. बाराह्‌क इतेके अद कुदताङ तनाङ गोटिङ वेहो आयग़ा, मति अद बेदिन केंजिह्‌ता, अद केंजतदिने वेहतग़ा. ओसो बेव गोटिङ आयना मन्ह्‌ताङ, अविस्किन वेहतग़ा.

बळयिर 10:28

ऊळिसि ओरिन इतोग़, “यहुदि लोकुरिह्‌कु, मीट दुस्राङ जातिनोरगा दायनदु, मीवा संगे गोत आयनदु, पोलो इनजोर मीट पुतिरे. मति बोग़े मन्कन विटळ इनजोर इनदना आयो इन्जि, देवुळि नाक तोहता.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

इपिसुसतोर 2:20

जोता दोहचि ताना पोग़ोन लोन पंडटप लेह्‌काने, किर्स्तुनाङ बळयिर ओसो देवुळता जीवाते वळ्ह्‌कवालोर काग़्हतव पोल्‍लोनाहि, देवुळ वने मीट विस्वसि मुडुन निल्पिह कीयलाह आता. किर्स्तु येसुये ताना मूलाता आदर बंडालेह्‌का आतोग़.

इपिसुसतोर 3:9

सबेटविन पुटिह कीतद देवुळि, इद पोल्‍लोतुन मुने वेल्‍लाय जोम आनाह, पुन्पिह केवा तासिस मता. मति इंजेके अद पोल्‍लोतुन सबेटोर मन्कलोरिह्‌क तोहतनद कबळतुन वने, नाक देय्वा कीसि ईता.

2 पत्रु 3:2

वेल्‍लाय मुने, देवुळता पवित्र कबुरतोर तानाङ पोल्‍लोन वेहतोर; ओसो मावा पिसिह केवाल येसुसामि किर्स्तु ईतद उकुम, ओनाङ बळयिरा तोडटे मियगा वाता. इव मीट कग़यतव पोल्‍लोन सीता कीम्ह्‌टु इनजोर, नना वेहतलाह आतन.

यहुदाल 1:17

मति, नावा गोततोरिर! मावा येसुसामि किर्स्तुनाङ बळयिर मुनेन वेहतव पोल्‍लोन, मीट सीता कीम्ह्‌टु.