इपिसुसतोर 3:16 - माडिया गोंड पवित्र सास्त्रम

¹⁶ ओन इद्रम पार्तना कीय्ह्‌नन: ओना पका बेरा डीसाता इसबते, मीवा जीवातुह्‌क, तना जीवाता मेटे, पका लाव ईयेग़.

इपिसुसतोर 3:16 Iomraidhean Croise

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

रोम सहरतोर 2:29

निटम यहुदि मन्कल आयना इतेके, जीवाता पोल्‍लो आंदु. निटमता डायना रिवज कीयनद इतेके, रासतव अडोन नोमनद आयो. मति देवुळतुह्‌क विचर वायनद डायना रिवज इद आंदु: इतेके देवुळता जीवा मन्कना जीवाता पाळ्ना बुदतुन डायिस पोहचीस्ता. अद्रमतोग़ मन्कल लोकुराहि आयो मति, देवुळताहि कदर पर्ह्‌किह्‌तोग़.

रोम सहरतोर 7:22

देवुळताङ अडोना लोप्पा, नावा जीवातगा पका गिर्दा आस्ता.

रोम सहरतोर 9:23

बाराह्‌क इद्रम केपसोर मन्ह्‌ता इतेके, बोर लोकुरिन तना संगे, तना मान-डीसाता जागाते तासना इन्जि, सुरुमुनेन आचता, ओरा पोग़ोन इंजेके दया कीसि, नना बेचोटा बेरा देवुळतन इनजोर, सबेटोर लोकुरिह्‌क तोहतलाह आता; अदिनेनाह्‌के केपिह्‌ता.

1 कुरिंततोर 16:13

इंजेके मीट उसरते मन्ह्‌टु. विस्वसते मेग़्किस मन्ह्‌टु. दीरा पोस मन्ह्‌टु. आरेम आयमाटु.

2 कुरिंततोर 12:9

मति येसुसामि नाक इद्रम इतोग़: “इद तिपलता संगे नना नीक देय्वा ईतन, अदे आस्ता. बाराह्‌क इतेके नीक लाव लेवस्केन, नावा लाव नियगा पका ताकिह्‌ता,” इनजोर इतोग़. अदिनेनाह्‌क इंजेके नाक लाव लेवस्के, किर्स्तुना लाव नयगा ताकना इनजोर, बेस-नेह्‌ना गिर्दाते पोग़यिह्‌नन.

2 कुरिंततोर 4:16

अदिनेनाह्‌क माट आरेम आयोम. मावा मेंदुल दिनम मुवसोर दायलाह आता, मति मावा लोप्पा मनदनद जीवा, दिनम पूना आसोर दायलाह आता.

इपिसुसतोर 1:18

बेचोक बेसताङ पोल्‍लोन आसा कीयलाहि तना माक केयता, अचोकिन पुनदलाहि; ओसो मीट नावा पका मोलातोर मन्कलोरिर इन्जि, देवुळ मीक इन्ह्‌ता. इदिन पुनदलाहि, देवुळि मीवा बुदतगा पुन्पिह कीयि.

इपिसुसतोर 1:7

मावा पोग़ोन पका दया कीता, अदिनेनाह्‌क तना मग़ि नेतुर पोहच डोलताह्‌कु, मावा पापमतुन मापि कीसि, ओना मेटे माक पापमताहि विळ्सिह कीता.

इपिसुसतोर 2:7

किर्स्तु येसुन लोहचि, माक पका जीवा कीसि, माक वेहता वावप वेल्‍लाय दया कीता इनजोर, वायनद कालमते सबेटोरिन तोहतलाह, अद्रम कीता.

इपिसुसतोर 3:15

पोग़ोटाङ आयिङ, बूमतोर आयिर, सबेटोराङ लोह्‌कना पेदल इतेके पोग़ोटोग़ देवुळबाबाले.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

इपिसुसतोर 6:10

इंजेके आक्रिते इव पोल्‍लोङ रासिह्‌नन: बेरा लावता सामिनाहि, मीवा जीवातुह्‌क लाव दोर्कि.

पिलिपितोर 4:13

किर्स्तु नाक लाव ईस्तोग़, अदिनेनाह्‌क नना बह तेला पिस पग़यह्‌नन.

पिलिपितोर 4:19

नना सेवा कीतद देवुळतगा आलनाह पिसनाह बर्कत मन्ह्‌ता. अदिनेनाह्‌क मीक बाताल गर्ज अरतेक तेला, माट किर्स्तु येसुना लोकुर आताह्‌कु, देवुळिये अदिन पूरा कीसीयग़ा.

कुलुसितोर 1:11

ओसो इद्रम वने पार्तना कीयलाह आतोम: मीक बेदाय तिपल वातेक वने, मीट आरेम आयवा, ओङ आयवा, विस्वसते निच मनदलाहि, देवुळि तना पका बेरा डीसाते मीक लाव ईयि. ओसो मीट बेस गिर्दाते देवुळतुन जोहर कीसोर मनदना इनजोर, पार्तना कीयलाह आतोम. बाराह्‌क इतेके, पोग़ोन तना वेह्‌चतगा पिसवालोर ओना मन्कलोरेनाह्‌क, मावा देवुळबाबाल वेल्‍लाय बर्कत तासतोग़. ओसो मीक वने अग्डा तूस दोर्कना लायकतोर कीतोग़.

2 तिमोति 4:17

मति येसुसामि नावा संगे निचि, नाक लाव ईतोग़. बह इतेके नावा नेयम कीयनगा, यहुदि आयवोर सबेटोर केंजनाह, नावा मेटे बेसता कबुर पूरा पोकुर आयना इनजोरे. (ओसो नेयम केवाल बेरोग़ साय्बाल, नाक हामुरता सिक्सा ईस मनेग़,) मति सामि नाक तोळ आताह्‌कु, नना पिसतन.

इब्रितोर 11:34

उच्वुर मळ्गनद किसबटटाहि पेसिस वातोर; उच्वुर तल्वरते हव्कसोर मनवालोरग्डाहि पिह्‌ट अरतोर; उच्वुर कमजोर आस मनदह्‌पा, लावतोर आतोर; लळयते पका पळ्योर आसि, दुस्राङ देसेह्‌कनोर सीपय्किन पूंडटोर.