इपिसुसतोर 3:15 - माडिया गोंड पवित्र सास्त्रम

¹⁵ पोग़ोटाङ आयिङ, बूमतोर आयिर, सबेटोराङ लोह्‌कना पेदल इतेके पोग़ोटोग़ देवुळबाबाले.

इपिसुसतोर 3:15 Iomraidhean Croise

बळयिर 11:26

अस्के ओन अगा दोर्किह कीसि, (येसुना सेवाते तना तोळ आयलाह,) ओन अंताकिया सहरते ततोग़. पया वर्सामेंड ओर इर्वुर, विस्वसिरा मुडा संगे मन्जि, वेल्‍लाटोरिन येसुना पोल्‍लोतुन काग़्हन्दुर. अस्के मुने-मुने अंताकिया सहरतगान, विस्वसिरिन किर्स्तुनोर इन्जि, लोकुर पेदिर तासतोर.

इपिसुसतोर 1:10

अद पोल्‍लो इद्रम मन्ह्‌ता: देवुळि तना विचर कीतद कगो एवतस्के, पोग़ोटा बूमतगा मनदनव, ओसो इळ्ता बूमतगा मनदनव, सबेटविन जमा आनाह कीसि, येसु किर्स्तुना कयदे ईयनदु.

इपिसुसतोर 1:21

अदिकर ताकिह कीयनव देवतुल्कु, देयह्‌कु, इव सबेटविह्‌काय किर्स्तुय बेरोग़ आंदोग़. इंजेके वने, वायनद कालमते वने, अदिकरताङ पेदिर्क बेचोक मन्ह्‌ताङ, अव सबेटविह्‌काय ओनाय पेदिर बेरा आंदु.

इपिसुसतोर 3:14

(अद्रमलेह्‌काने देवुळि मीट यहुदि आयवोरिह्‌क कीतव) सबेटविन सीता कीसि, नना मिंडाङ कोटिसि, पोग़ोटोग़ देवुळबाबान (मियेनाह्‌क पार्तना कीय्ह्‌नन):

इपिसुसतोर 3:16

ओन इद्रम पार्तना कीय्ह्‌नन: ओना पका बेरा डीसाता इसबते, मीवा जीवातुह्‌क, तना जीवाता मेटे, पका लाव ईयेग़.

कुलुसितोर 1:20

मन्कना पापमतेनाह्‌कु, इद बूमता सबे नरुळ आयि, ओसो पोग़ोटा बूमताङ आयिङ, सबेटव देवुळताहि जेक आताङ. मति ताना मग़ि किर्स्तु, हव्कनागुटातगा नेतुर पोहच डोलताह्‌कु, इव सबेटविन ओना मोकतेनाह्‌कु, तना संगे कलियिह कीयलाहि, देवुळि विचर कीता.

तोहचीतव पोल्‍लोङ 2:17

देवुळता जीवा विस्वसिरा मुडुन वेहतनद पोल्‍लोतुन पुनवालोर, बेस-नेह्‌ना केंजिसि विचर कीस ऊळिर. बोर बोर लाग्वाङ पोल्‍लोन आरे कीयनुर, ओरिह्‌क ओर्विह्‌क-ओर्विह्‌क देवुळदीपतगा मकिह कीस तासतद ‘मना’ इनदनद तिंडि ईकन. ओसो उंद पांड्रि बंडा वने ईकन. अद बंडातगा पूना पेदिर रासतद मनदग़ा. अद बंडा बोन्क दोर्कग़ा, ओग़े अद पेदिरतुन पुनदनोग़.

तोहचीतव पोल्‍लोङ 3:12

बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.