इपिसुसतोर 1:18 - माडिया गोंड पवित्र सास्त्रम

¹⁸ बेचोक बेसताङ पोल्‍लोन आसा कीयलाहि तना माक केयता, अचोकिन पुनदलाहि; ओसो मीट नावा पका मोलातोर मन्कलोरिर इन्जि, देवुळ मीक इन्ह्‌ता. इदिन पुनदलाहि, देवुळि मीवा बुदतगा पुन्पिह कीयि.

इपिसुसतोर 1:18 Iomraidhean Croise

मत्याल 13:15

बाराह्‌क इतेके ओरा बुद गळ्स आता; केव्कने केनकेने केंजिह्‌तोर, ओसो तमाङ कोंडाङ पिहतह्‌तोर. अद्रम आसि ओर कोंडाने ऊळ पग़वोर, केव्कने केंज पग़वोर, बुदते पुनदा पग़वोर, अहे सव्रेम आयलाह नयगा वावोर,’ इन्जि देवुळ यसयान इन्ह्‌ता. (इद पोल्‍लो नावाङ केंजवोरा लोप्पा इर्सा करल आता.)

मार्कल 10:17

पया तनाङ कग़यवालोरा संगे येसु अग़दे अनजोर मतोग़, अस्के ओर्वोग़ मन्कल वित वासि, येसुना मुनेह मिंडाङ कोटिसि, इद्रम ताल्ह्‌कतोग़, “गूरु! निमा पका सेतेमतोनिन आंदिन. नाक वेहा, देवुळता संगे अमेसाता पिसमुळ दोर्किह कीयलाहि, नना बाताल कीकन?” इतोग़.

लूकाल 24:45

पया देवुळता पवित्र सास्त्रमताङ पोल्‍लोन पुनदलाह, येसु ओरिह्‌क बुद ईतोग़.

बळयिर 16:14

अस्के अगा उंद यहुदि आयवदु लुदिया पेदिरता आंचाळ मता. अद आसिया पटटा तुवातिरा इनदनद सहरता आंदु. पका दाराताङ, डुंगा पंडटा रंगलेह्‌काडाङ गेंदेना वीकुर कींदु. अदु यहुदिरा देवुळतुन मोळ्किंदु. पोलु वेहतनव पोल्‍लोन, अद बेस केंजसोर मता. अस्के ओग़ वेहतनव पोल्‍लोन विस्वस कीयनाह, देवुळि तान्क तेळियिह कीसीता.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

रोम सहरतोर 11:29

बाराह्‌क इतेके, “मीवा जालपिलतुन नना नावा लोकुर आयना इन्जि आचतन, ओरिह्‌क बर्कत ईकन” इन्जि, देवुळि ओर पेदामुय्तोरिन करल कीस मता, अद पोल्‍लोतुन देवुळि बेस्केन माग़्ङो.

रोम सहरतोर 2:4

देवुळि नीक बेचोन गूनम तोहतह्‌ता, उंदिय देबा नीक सिक्सा एवो, मति निमा तानेके मिळ्न्दलाहि, अद नीक केपिह्‌ता. इव पोल्‍लोना निमा सीता केविना? केंजा, देवुळता गूनमतुन ऊळिसि, नीवा पापमतुन विळ्सिसि, नीक देवुळतेके वाया पोयह्‌ता.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

2 कुरिंततोर 4:6

देवुळि तना इद बूमतुन पुटिह कीयह्‌पा, ईकळताहि वेह्‌च दींचि इन्जि, वेह्‌चतुन पुटिह कीता. अदे देवुळि तना लावतुन माट पुनदना इनजोर, मावा जीवातगा तना वेह्‌चतुन पोतिह कीता. तना लावतुन येसु किर्स्तुना मेटे तोहचीता.

गलातितोर 5:5

नना इद्रम बाराह्‌क इह्‌नन? माट विस्वसिरल इतेके किर्स्तुन नमिसिये सेतेमतोरल आतल; सेतेमतोरेनाह्‌कु देवुळि तासतद बर्कतता आसाते माट मह्‌नल. इद आसा देवुळता जीवातग्डाहिये वास्ता.

इपिसुसतोर 1:11

ओना संगे माक जोळे कीसि, तना मन्कलोर कीयलाहि माक आचता. तना विचर कीस मतपु, माक मुनेन आचता. अद तना बेद्रम विचर कीता, अद इसबते सबे कीता.

इपिसुसतोर 1:7

मावा पोग़ोन पका दया कीता, अदिनेनाह्‌क तना मग़ि नेतुर पोहच डोलताह्‌कु, मावा पापमतुन मापि कीसि, ओना मेटे माक पापमताहि विळ्सिह कीता.

इपिसुसतोर 2:12

अस्के मीट किर्स्तुना संगे कलियवा मतिर; इस्रयेल मन्कलोरा मुल आयवा मताह्‌कु, मीक देवुळता सास्त्रम दोर्को. देवुळि इस्रयेल मन्कलोरिन वेल्‍लाङे मल्काङ तना पोल्‍लो करल कीस मता, मीट अव करल्कनगा कलियविर आस मतिर. इद बूमतगा आसालेवा, देवुळलेवा मतिर.

इपिसुसतोर 3:16

ओन इद्रम पार्तना कीय्ह्‌नन: ओना पका बेरा डीसाता इसबते, मीवा जीवातुह्‌क, तना जीवाता मेटे, पका लाव ईयेग़.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

इपिसुसतोर 4:4

सबेटोर विस्वसिरा मुल उंदिय मेंदुलि. अद मुडगा मनदनद देवुळता जीवा उंदिय आंदु. सबेटोर विस्वसिरिन देवुळ उंदिय आसाते पिसलाह केयता.

इपिसुसतोर 5:8

मुने मीट ईकळते मतप लेह्‌का ताकिंदिर, मति इंजेके मीट सामिना लोकुरिर आताह्‌कु, देवुळता वेह्‌च मियगा मन्ह्‌ता. अदिनेनाह्‌क वेह्‌चतगा मनवालोरा लेह्‌कान ताकाटु.

पिलिपितोर 3:14

सीनातगा एववालोरिह्‌क देवुळि बेद इनम ईकन इनजोर केयिह्‌ता, अद इनमतुन किर्स्तु येसुना मेटे दोर्किह कीयलाह, नना वितलाह आतन.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

कुलुसितोर 3:15

मीट सबेटोरिर उंदिय मेंदुललेह्‌का मह्‌निर, देवुळ मीक ऐंगेन गूनमते मनदलाह केयता. अदिह्‌क किर्स्तु ईतद गूनम मीक ताकिह कीयि. देवुळता बेरा दयातुन, सीता कीसोर मन्ह्‌टु.

1 तिसलुनितोर 5:8

माट बारा पियलता वेह्‌चते पिसवालोर मन्कलोरल, माट ओचवा, बेसतल बुदते मनदकल. सीपय तना अर्युलतुन राका कीयलाहि, कचता जगा केग़यना लेह्‌कान, विस्वसतुन ओसो जीवा कीयनद पोल्‍लोतुन, अमेसा पोस मनदकल. ओसो सीपय तना तलातुन राका कीयलाहि, कचता टोपि मुचना लेह्‌कान, देवुळि माक पिसिह कीयनद पोल्‍लोतुन आसा कीकल. इवु (विस्वस, जीवा कीयनद, आसा कीयनद) माक ईकळताङ सबे आकाङ-दोकानाहि राका कीयनुङ.

2 तिसलुनितोर 1:11

इव पोल्‍लोन सीता कीसि, माट अमेसा मियेनाह्‌क पार्तना कीय्ह्‌नोम. देवुळि मीक बह मनदलाह केयता, अहे मनदलाहि, मीट येसुन विस्वस कीताह्‌कु, मीक विचर वातव सबे बेसताङ कबस्क कीयलाहि, देवुळि मीक लाव ईयि इनजोर, पार्तना कीय्ह्‌नोम.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

1 तिमोति 6:12

विस्वसतेनाह्‌क (बेचोन तिपल वातेक तेला, अदिना संगे) आरेम आयवा लळेम आम.अमेसाता पिसमुळतुन पका पोय्म, इदे पिसमुळतुह्‌क देवुळि नीक केयता. इद पिसमुळ दोर्किह कीतन इनजोर, निमा वेल्‍लाटोर मन्कलोरा मुनेह साक्सि वेहतिन वने.

तीतुस 2:13

माट इद्रम पिससोर, पका बेसता पोल्‍लोतुन आसा कीयलाह आतल इतेके: माक पिसिह केवाल बेरोग़ येसु किर्स्तु देवुळि, तना डीसाते बूमतगा वायनद दिसग़ा इनजोर, आसा कीयलाह आतल.

तीतुस 3:7

इद्रमलेह्‌का देवुळि माक दया कीसि सेतेमतोर कीता, कीताह्‌कु माट इंजेके तानग्डाहि अमेसाता पिसमुळता तूस दोर्किह कीकल इनजोर, आसा कीयलाह आतल.

इब्रितोर 10:32

अळ्न्दम मीट बेसतल कबुरतुन विस्वस कीस, देवुळता वेह्‌चतगा वातस्के, मीक बेद्रम कींदुर इनजोर, सीता कीस ऊळाट! बेस्के-बेस्के नाटेनोर मन्कलोरा मुनेह, विरुदतोर मीक लजा अर्हन्दुर, मीक तिपल कींदुर; बेस्के-बेस्के दुस्रोर विस्वसिरिह्‌क इद्रम आयह्‌पा, मीट ओरिह्‌क साय्ता कीतिर. इद्रमलेह्‌का विस्वसतेनाह्‌क वेल्‍लाय तिपलते पप्ळेम आसोर मतिर. (अस्के वने मेग़्किस मतिर.)

इब्रितोर 6:4

बोर देवुळतगा विस्वस कीसि, पया तमा विस्वसतुन विळ्सिह्‌तोर, ओरिन माट बेद्रम जर मल्हतकल? ओर देवुळता सेतेमता वेह्‌चतगा वास मतोर, पोग़ोटाहि देवुळ ईयनद बर्कततुन दोर्किह कीस, तान पुन्ज मतोर; दुस्रोर विस्वसिरा संगे, ओर वने देवुळता जीवातुन दोर्किह कीस मतोर. देवुळता पोल्‍लो बेसतल इनजोर पुतोर; वायनद कालमते देवुळि तोहचीयनद लावतुन, बेस-नेह्‌ना पुतोर. अद्रमतोर तमा विस्वसतुन विळ्सतेक अचोन, देवुळता मग़िन ओसोवने हव्कनागुटातगा वेळ्हतप लेह्‌का, ओसोवने दुस्रोरा मुनेह, ओना लजा रेहतप लेह्‌का कीस्तोर. अदिनेनाह्‌क ओरिन विस्वसलेवद अग़दाहि ओसोवने जर मल्हतलाह, मुर्तिय पग़नाह आयो.

1 पत्रु 1:3

मावा सामि येसु किर्स्तुना देवुळबाबाह्‌कु जोहर आयि! ओग़े माकु पका जीवा लोपताह्‌कु, माकु पूना मनमुळ दोर्कता. इद बेद्रमता मनमुळ इतेके, देवुळबाबाल येसुसामिनु हामुरताहि जीवा अर्ह्‌चीताह्‌कु, माकु उंदि बेस्केन मायवद आसा दोर्कता.

1 पत्रु 3:9

लाग्वाता बद्ला लाग्वा केमाटु, सरपता बद्ला सरप एमाटु. दुस्रोर मीकु अह कीतेकाय, मीटु ओरिह्‌क गूनम तोहाटु, बर्कतताङ पोल्‍लोङ वळ्ह्‌काटु. मीटु इह कीसि, मीक देवुळताहि बर्कत दोर्कना इन्जि, ताना विचर मन्ह्‌ता.

1 पत्रु 5:10

माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता. इद रेंड दियाना मनमुळते, मीटु गय्क तिपल आतापया, देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.