इपिसुसतोर 1:16 - माडिया गोंड पवित्र सास्त्रम

¹⁶ नना पार्तना कीयह्‌पा, मियेनाह्‌क ऊक-ऊके पार्तना कीसोर मह्‌नन. ओसो देवुळतुन जोहर कीसोर मह्‌नन.

इपिसुसतोर 1:16 Iomraidhean Croise

कुलुसितोर 1:3

देवुळता बेसता कबुरि, सेतेमता पोल्‍लो आंदु. अद पोल्‍लोतुन मीट मुने केंजतिर, केंजताह्‌कु पोग़ोन देवुळदीपतगा जागा दोर्कनद आसा मियगा पुटटा. अद आसातेनाह्‌कु, येसु किर्स्तुन विस्वस कीसोरेन मह्‌निर, ओसो देवुळता सबेटोर लोकुरिन जीवा कीय्ह्‌निर. अदिनेनाह्‌क माट मियेनाह्‌क ऊक-ऊके पार्तना कीय्ह्‌नोम अस्के, मावा येसुसामि किर्स्तुना बाबाल देवुळतुन अमेसा जोहर कीय्ह्‌नोम.

कुलुसितोर 1:9

अदिनेनाह्‌क माट इपपरासनाहि मीवा कबुरतुन केंजतग्डाहि, मियेनाह्‌क ऊक-ऊके पार्तना कीसोर मह्‌नोम. मियेनाह्‌क देवुळता बाताल विचर मन्ह्‌ता, इद मीक तेळियना इन्जि, देवुळता जीवा मीक पूरा बुदि ईयि इनजोर, पार्तना कीयलाह आतोम. बाराह्‌क इतेके, देवुळि मियेनाह्‌क विचर कीस तासतद पोल्‍लोतुन पुतेक अचोन, सबे पोल्‍लोने येसुसामिन मान ईसि, ओन्क विचर वानाह ताककिर. इतेके मीट सबे रीतिनाङ बेसताङ कबस्क कीसोर, देवुळतुन बेस पुनजोर दाकिर.

1 तिसलुनितोर 1:2

मीट येसु किर्स्तुन विस्वस कीताह्‌कु, बाताल बाताल कबळ कीतिर, ओसो दुस्रोर विस्वसिरिन जीवा कीताह्‌कु, ओरा संगे बह कह्‌टेम कीतिर, अहे ओसो मावा येसुसामि किर्स्तुना पोग़ोन बह मेग़्किस आसा तासतिर इनजोर, मावा देवुळबाबाना मुनेह सीता कीसोर मह्‌नोम. ओसो मियेनाह्‌क पार्तना कीयह्‌पा, मीट सबेटोरेनाह्‌क अमेसा देवुळतुन जोहर कीय्ह्‌नोम.

1 तिसलुनितोर 5:17

दिनम पार्तना कीसोर मन्ह्‌टु.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.