कुलुसितोर 4:13 - माडिया गोंड पवित्र सास्त्रम

¹³ मियेनाह्‌कु, ओसो लोदिकियातोर विस्वसिरेनाह्‌कु, ओसो हियरापुलिसतोर विस्वसिरेनाह्‌कु, ओग़ पका कह्‌टेम कीयलाह आतोग़. इद पोल्‍लोता साक्सि नना मह्‌नन.

कुलुसितोर 4:13 Iomraidhean Croise

रोम सहरतोर 10:2

देवुळतुन माळलाहि, ओरा पका जिद मन्ह्‌ता इनजोर, नना ऊळतन. मति ओर देवुळ वेहता अग़दुन पुनोर.

2 कुरिंततोर 8:3

ओर तमा बेचोक ईया पग़तोर, अचोक कोताङ ईतोर, तान्काय वीळिस वने, तमाय कुसिते ईतोर. ओर ईतदिना ननाय साक्सि मह्‌नन.

कुलुसितोर 2:1

मीट कुलुसि नाटेनोर विस्वसिरिर, इद पोल्‍लोतुन बेस पुन्ह्‌टु. मीट नावा मोकमतुन ऊळवेक तेला मीकु, लोदिकिया सहरतोर विस्वसिरेनाह्‌कु, ओसो मीवा पटटोर सबेटोर विस्वसिरेनाह्‌कु, नना पका पप्ळेम आयलाह आतन. मीवा जीवातगा दीरा वायना, मीट सबेटोरिर ओर्विह्‌क-ओर्वोग़ जीवा कीसोर कलियिस मनदना, ओसो देवुळतगा मकतद पोल्‍लो, मीक पका बेस-नेह्‌ना तेळियना इन्जि, नना पप्ळेम आयलाह आतन. देवुळतगा मकतद पोल्‍लो इतेके किर्स्तुये आंदोग़. देवुळता पूरा बुदि ओसो ताना जीवाताङ कतम पोल्‍लोङ, बेरा मालसोमलेह्‌का किर्स्तुनगा जमा आस मन्ह्‌ताङ.

तोहचीतव पोल्‍लोङ 1:11

अद लेङ नाक इद्रम इता: “निमा ऊळनविन पुस्तकतगा रासिसि, एळुङ सहर्कना विस्वसिरा मुडुह्‌क लोहचीम: इतेके इपिसुस सहर, सुमुरना सहर, पिरगमुन सहर, तुवातिरा सहर, सरदिस सहर, पिलदिलपिया सहर, ओसो लोदिकिया सहर, इव सहर्कु,” इनजोर इता.