कुलुसितोर 1:6 - माडिया गोंड पवित्र सास्त्रम

^6-8 अद बेसता कबुरतुन, इपपरास इनवाल मियगा एव्सिह कीसीतोग़. ओग़ सामिना सेवाते मावा ऐंगेटोग़ ओसो बेस गोततोग़ आंदोग़, अहे बर्वसलायकतोग़ आंदोग़. (माट मीवा सहरतगा एवया पग़वोम,) मति मावा जागाते ओग़ मीक सेतेम बुदते किर्स्तुना कबुरतुन काग़्हचि, मीवा सेवा कीतोग़. देवुळता जीवा मियगा जागा आताह्‌कु, मीट ताना मन्कलोरिन जीवा कीय्ह्‌निर इनजोर, ओग़े माक वेहतोग़. मीट ओनग्डाहि बेसता कबुरतुन केंजतिर, ओसो देवुळता दयाता पोल्‍लो सेतेम मन्ह्‌ता इनजोर पुतिर. पुतस्के, अद कबुरता पोल्‍लो मीवा जीवातुन बद्ले कीयलाह आता. अद्रमलेह्‌काने अद कबुर बूममेंड आबुर आसि, वेल्‍लाटोर आस्क-कोय्तोरा जीवातुन बद्ले कीयलाह आता.

कुलुसितोर 1:6 Iomraidhean Croise

मत्याल 24:14

ओसो देवुळता राजेम कीयनदिना लोप्पा, बेसता कबुरतुन सबे जातिनोर केंजना इन्जि, इद कबुर बूममेंड आबुर आयग़ा. अस्के कोनि पया बूम मारनद वेला वायग़ा.

मत्याल 28:19

अदिनेनाह्‌क मीटु अन्जि, सबे जातिनोर लोकुरगा, नावाङ कग़यवालोर आयिर इन्जि, ओरिह्‌कु नावाङ पोल्‍लोङ वेहचि, देवुळबाबाना, ओसो देवुळता मग़ना, ओसो देवुळता पवित्र जीवाता पेदिरते, एग़ मीहाटु.

मार्कल 16:15

पया ओसो इतोग़, “मीट पूरा बूममेंड अन्जि, नावा बेसता कबुरतुन सबेटोरिह्‌क पोकुर कीम्ह्‌टु.

मार्कल 4:8

मति उडुन विजा इसि, राब जागाते अरता. पया अद मोन्ह्‌टिसि, उंद-उंद मोदुदुह्‌क बेगा डेडा वीसा (30), बेगा मूंड वीसाङ (60), बेगा नूरु (100), इद्रमलेह्‌का तेना पंटा वाता,” इनजोर वेहतोग़.

योहन 15:16

मीट नाक आचविर, मति ननाने मीक आचतन, आचिसि मीट नयगा जोळेम आस मन्जि, बेसताङ पुळ्यवाङ कायाङ कटना इन्जि, मीक तासतन. अदिह्‌क मीट बेदाय गोटटुनु नावा पेदिर वेहच बाबान ताल्ह्‌कतेके, अदिन ओग़ मीक ईयनोग़.

योहन 17:19

ओर सेतेम पुन्जि, दुनियाताहि अलग ताकना इन्जि, नना वने इद दुनियाताहि अलग आस ताकिह्‌नन.

योहन 4:23

तेला मति सेतेम मोळ्कवालोर, देवुळता सेतेम पोल्‍लोतुन पुन्जि, तमा जीवाते मोळ्कनुर, इद्रमताङ दियाङ एवयनुङ, ओसो एवतपे मन्ह्‌ताङ. बाराह्‌क इतेके इद्रम मोळ्कवालोरिने देवुळबाबाल पर्ह्‌किह्‌तोग़.

बळयिर 11:18

पया पत्रुना संगे गिटोगटो आसोर मतोर मन्कलोर, इद पोल्‍लोतुन केंजिसि, केमेन आतोर. आसि ओर इतोर, “पापमता अग़दाहि मल्सि, तना पिसमुळ दोर्किह कीयलाहि, यहुदि आयवोरिह्‌क इंका, देवुळि अग़ ईता,” इनजोर देवुळतुन जोहर कीतोर.

बळयिर 12:24

इद्रम आनेके देवुळता पोल्‍लो आङसोर अता, वेल्‍लाटोर मन्कलोर येसुन विस्वस कीया बोटटोर.

बळयिर 16:14

अस्के अगा उंद यहुदि आयवदु लुदिया पेदिरता आंचाळ मता. अद आसिया पटटा तुवातिरा इनदनद सहरता आंदु. पका दाराताङ, डुंगा पंडटा रंगलेह्‌काडाङ गेंदेना वीकुर कींदु. अदु यहुदिरा देवुळतुन मोळ्किंदु. पोलु वेहतनव पोल्‍लोन, अद बेस केंजसोर मता. अस्के ओग़ वेहतनव पोल्‍लोन विस्वस कीयनाह, देवुळि तान्क तेळियिह कीसीता.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

रोम सहरतोर 1:13

यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर; मति इचानाह बेदाय अडम आसोर मता. इद पोल्‍लोतुन मीट पुनदना इनजोर, नना वेहतलाह आतन.

रोम सहरतोर 15:28

इंजेके नना ओर अर्हतव कोतानु येरुसलेमतोर विस्वसिरगा ओसीयनद कबळतुन मारिह कीसि, ओरा कयदगा बेस-नेह्‌ना एव्सिह कीस ईतापया, मियगाह्‌के इस्पानियाता अग़ पोयतकन.

रोम सहरतोर 16:26

मति इंजेके अमेसा मनदनद देवुळि, तना कबुरतोरा सास्त्रमता मेटे, इद मकतद कबुरतुन, माक पुन्पिह कीयलाह आता. सबे जातिनोर मन्कलोर इद कबुरतुन विस्वस कीसि, देवुळताङ केंजिर इनजोर, तान पोकुर कीयलाह, देवुळि उकुम ईता.

2 कुरिंततोर 10:14

माटे मुने मियगा किर्स्तुना बेसता कबुरतुन ततोम. अदिनेनाह्‌क मियगा माट कीसीतद कबळता लोप्पा, माट पोग़यतेक वने बार आयो, मावा अंदतुन वेंडिस अतप लेह्‌का आयो.

2 कुरिंततोर 6:1

माट देवुळता संगे कबळ कीय्ह्‌नोम, अदिनेनाह्‌क मीक अर्जि कीस वेहतह्‌नोम. मीट देवुळता दयातुन दोर्किह कीतिर, ताना लेह्‌कान पिसाट. तान सीता केवालेवा मनमाट.

इपिसुसतोर 3:2

मियेनाह्‌क इद कबळ कीयलाहि, देवुळि नाक देय्वा ईता, इद पोल्‍लोतुन वने मीट केंजिस मनदकिर.

इपिसुसतोर 4:21

मीट किर्स्तुना लोप्पाडाङ पोल्‍लोन निटम केंजतिर, ओसो येसु वेहतद सेतेम पोल्‍लोतुन ओनाङ सेवकिरग्डाहि कग़यतिरे.

इपिसुसतोर 4:23

ओसो मीट कग़यतप, देवुळ मीक पूना बुदि, पूनाङ विचर्क ईयि.

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

पिलिपितोर 4:17

मियग्डाहि नाक दान गावले इनजोर इनोन, मति मीट कीयनव बेसताङ कबस्कनेनाह, मीक देवुळता बर्कत दोर्कसोरेन मनि इनजोर, नावा विचर मन्ह्‌ता.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

1 तिसलुनितोर 2:13

माट मीक देवुळता पोल्‍लोतुन वेहतोम अस्के, मीट तान मन्कलोरा आयो, मति देवुळता पोल्‍लो इनजोर केंजतिर. अदिनेनाह्‌क वने, माट अमेसा देवुळतुन जोहर कीय्ह्‌नोम, अद निटम देवुळता पोल्‍लोये! अद पोल्‍लो इंजेके मीक विस्वस कीतोरिन, देवुळतुह्‌क विचर वानाह पिसलाह, बद्ले कीयलाह आता.

2 तिसलुनितोर 2:13

मति मावोर विस्वसिरिर, सामि जीवा कीतोरिर! मीट पवित्र जीवाता मेटे सिरसिर आसि, सेतेम पोल्‍लोतुन नमिसि पिसना इन्जि, देवुळि मुनेताहि मीक आचता. अदिनेनाह्‌क मीवासाटि माकु देवुळतुन अमेसा जोहर कीयलाह ओप्पिह्‌ता.

1 पत्रु 5:12

नना मीकु इद उड्ला सीटि, नावा तमोग़लेह्‌का मनवाल, कर्तुळ विस्वसि सीलास, वेना साय्ताते रासिस लोहतह्‌नन. मीकु बाताले आयि, देवुळता देय्वा मियगा अमेसा तोळ मन्ह्‌ता इन्जि, मीकु तेळियिह कीयलाहि, ओसो पेग़्के-मुनेह आलिह केवा, मीट विस्वसतुन पोस मन्ह्‌टु इन्जि बुद वेहतलाह, नना इद सीटि रासतन.