कुलुसितोर 1:14 - माडिया गोंड पवित्र सास्त्रम14 ओग़े माक विळ्सिह केवाल आंदोग़, ओनाय मोकतेनाह्कु मावा पापमता मापि आता. Faic an caibideil |
कुलुसितोर 1:14
32 Iomraidhean Croise
मति दुस्राङ जातिनोरिह्क इंका, किर्स्तु येसुनगा विस्वस कीताह्कु, अब्रहमिह्क ईतद बर्कत दोर्कग़ा. ओसो देवुळ मुने पोल्लो विळ्सतपे, ताना पवित्र जीवा माक विस्वसिरिह्क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्ता.
मीट मुने पुन्जि कसुर्क कींदिर, मीट यहुदिर आयवाह्कु, देवुळता लोकुर आयवा मतिर, अदिनेनाह्क देवुळता मुनेह डोलतप मतिर. मति देवुळि मावाङ सबे कसुर्किन मापि कीता. ओसो माक सिक्सा आयना इन्जि, मावाङ कसुर्क तोहतनद सीटि मावा विरुद मता. मति अद सीटटुनु, देवुळि किर्स्तुना संगे हव्कनागुटातगा मोल्लाङ कोटटप लेह्का मायिह कीता. इद्रमलेह्का देवुळि माक कसुरलेवोर कीसि, किर्स्तुना संगे जीवा अर्हता.
मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्लोङ वळ्ह्कवालोरग्डाहि, सबे देसेह्कनोरग्डाहि, सबे जातिनोरग्डाहि, मन्कलोरिन देवुळतेनाह्क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.
Sanasan