बळयिर 8:4 - माडिया गोंड पवित्र सास्त्रम

⁴ पया बिरोबटो आतोर मन्कलोर, येसुना बेसता कबुरतुन वेल्‍लाय पोकुर कीसोर तिरियतोर.

बळयिर 8:4 Iomraidhean Croise

मत्याल 10:23

उंद नाटे बेस्के ओर मीक बोबा कीयनुर अस्के, दुस्रा नाटे मीट पटादुळ विताटु. इह केंजाट, नना सेतेम वेहतह्‌नन, इस्रयेलतोराङ सबे नाह्‌कने मीट नावा कबुर वेहतलाह मारिह कीयनामुनेने, नना माने-मन्कना नडुम पुटटोनन देवुळदीपताहि मल्स वायकन.

बळयिर 11:19

इद्रम आनेके इस्तिपनिन हव्कतापया, विस्वसिरिन तिपल कीतस्के, बिरोबटो आतोरु, उय्तुर पिनिके पटटे, उय्तुर कुपरुस देसेम, उय्तुर सुरिया पटटा अंताकिया सहर एवनाह वितिस, बिरोबटो आतोर. ओर येसु किर्स्तुना पोल्‍लोतुन, यहुदिरिन विळ्सिस बोरिह्‌के वेहोर.

बळयिर 15:35

मति पोलु, बार्नबस, वेर उचुक दियाङ अंताकिया सहरते मतोर. मन्जि दुस्रोर वेल्‍लाटोरा संगे, येसुसामिना पोल्‍लोतुन काग़्हचोरे ओसो पोकुर कीसोर मतोर.

बळयिर 8:1

इस्तिपनिन हव्कतोर अस्के सोलु वने पूरा संग आतोग़. इस्तिपनिन हव्कतापया अदे दिया, येरुसलेम सहरतगा येसुना विस्वसिरा मुडुन पकाय तिपल कीया बोटटोर. अदिह्‌क बळयिरिन विळ्सिसि, सबेटोर विस्वसिर येरुसलेम सहरताहि वितिसि पूरा यहुदा पटटे, सामरिया पटटे, बिरोबटो आतोर.

बळयिर 8:12

मति पिलिप अगा अन्जि, देवुळि मन्कलोरगा राजेम कीयनद बेसता कबुरतुन, ओसो येसुये देवुळ लोहतोग़ पिसिह केवाल किर्स्तु आंदोग़ इनजोर, वेहता बोटटोग़. अद पोल्‍लोतुन केंजिस विस्वस कीतोरु, आस्क-कोय्तोर येसुना पेदिरते एग़ मीया बोटटोर.

1 तिसलुनितोर 2:2

मीवा सहरते वावस्के, पिलिपि सहरतगा पकाय तिपल आतोम. अग्डोर मन्कलोर माक बेद्रम उस्कतोर-पास्कतोर, इद मीट पुतिरे. अद्रमलेह्‌का मियग्डोर लोकुर वने माक पकाय विरुद कीसाय मति, देवुळता बेसता कबुरतुन मीक वेहतलाहि, दीरा पोस मतोम; मावा देवुळि माक दीरा ईस मता.