बळयिर 3:25 - माडिया गोंड पवित्र सास्त्रम

²⁵ इंजेके ‘नीवा कूळतोरा मेटे इद बूमता सबे जातिनोरिह्‌क बर्कत दोर्कग़ा’ इन्जि, देवुळि अब्रहम मुय्तोन वेहच मता, इद्रम मावाङ तादोर-बाबोरा संगे मुनेन इद पोल्‍लोतुन करल कीस मता. बेव पोल्‍लोङ कबुरतोर पोकुर कीस मतोर, बेद बर्कत देवुळि ईकन इन्जि वेहच मता, अव सबे मियेनाह्‌के मन्ह्‌ताङ.

बळयिर 3:25 Iomraidhean Croise

लूकाल 1:72

मावाङ तादोर-बाबोरिन गूनम तोहतकन इन्जि, देवुळि किरिया ईसि, अदे किरियाता सीता कीसि, नेंड इद्रम कीता.

बळयिर 13:26

“मावोर इस्रयेलतोरिर, अब्रहम मुय्तोना पुळ्गतोरिर, यहुदिरा देवुळतुन मोळ्कवालोरिर, येसुसामि लोकुरिन पिसिह कीयनद कबुरतुनु, मयगाने देवुळि लोहचीता.

बळयिर 2:39

बाराह्‌क इतेके तना जीवातुन ईकन इन्जि, देवुळि मुनेन पोल्‍लो विळ्सता. अद पोल्‍लो मियेनाह्‌के ओसो मीवा जालपिलतेनाह्‌क, जेक-जेकताङ देसेह्‌कनोरेनाह्‌क, बेच्वुरिन देवुळि तनगा केयिह्‌ता, अच्वुरिह्‌क,” इनजोर इतोग़.

रोम सहरतोर 15:8

बह इतेके, किर्स्तुना राजेमते यहुदिरिह्‌क वने, ओसो यहुदि आयवोरिह्‌क वने, जागा मन्ह्‌ता. वेल्‍लाङे वर्साना मुने, देवुळि यहुदिरा तादोर-बाबोरिह्‌क पोल्‍लो विळ्सिस मता. अद पोल्‍लो करल आयना इन्जि, यहुदिरगा ओर्वोग़ सेवा केवाना लेह्‌का आसि, किर्स्तु इद बूमते वातोग़, इदिन सीता कीम्ह्‌टु.

रोम सहरतोर 4:13

पूरा बूम मीके आयग़ा इनजोर, देवुळि अब्रहमिह्‌कु, ओना कूळतोरिह्‌कु, पोल्‍लो विळ्सिस मता.मोसानाङ अडोन अब्रहम माळताह्‌कु, अद्रम पोल्‍लो विळ्सो; मति ओग़ विस्वस कीताह्‌कु सेतेमतोग़ आतोग़, अदिह्‌के कीता(अब्रहम इतेक मोसाह्‌काय मुनेता कालमतोग़ आंदोग़).

गलातितोर 3:16

इंजेके अब्रहम मुय्तोह्‌कु, देवुळि पोल्‍लो विळ्सिस वेहन्दु, “नीकु ओसो नीवा कूळतोन्कु बर्कत ईकन” इन्जि. इतेके नीवाङ कूळतोरिह्‌कु ईकन इन्जि, देवुळ वेल्‍लाटोरा लोप्पा वेहो, मति नीवा कूळतोन्कु इन्जि, ओर्विनाये लोप्पा वेहचि. ओग़ कूळतोग़ बोग़ इतेके, येसु किर्स्तुये आंदोग़.

गलातितोर 3:29

मीट किर्स्तुना संगे जोळेम आतोरिर इतेके, मीट अब्रहम मुय्तोना कूळतोरिर आंदिर, अहे देवुळ अब्रहमिन पोल्‍लो विळ्सतपु, तानाङ मग़्क-मयास्किह्‌क तासतद बर्कत दोर्कतोरिर.

गलातितोर 3:8

इंजेके विस्वसतुह्‌के, सबे जातिनोर सेतेमतोर आयना इन्जि, मुनेताहि देवुळता विचर मता. मताह्‌कु, अद अब्रहम मुय्तोनु मुनेने इद बेसता कबुर वेहता, सबे जातिनोरिह्‌कु नीवा मेटे बर्कत दोर्कग़ा, इद्रम सास्त्रमते रासतद मन्ह्‌ता.

तोहचीतव पोल्‍लोङ 14:6

पया नना उंद देवतुलतुन मोयुदगा पग़ियनदिन ऊळतन. तानगा बूमतगा मनवालोर सबे जातिनोर, कूळिनोर, दुस्राङ-दुस्राङ बासाङ वळ्ह्‌कवालोर, सबे देसेह्‌कनोर मन्कलोरगा पोकुर कीयलाहि, बेस्केन मिळ्न्दवद बेसता कबुर मता.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.

तोहचीतव पोल्‍लोङ 7:9

इव पोल्‍लोङ आतापया, नना ऊळतन: सबे जातिनोर, सबे कूळिनोर, सबे देसेह्‌कनोर, दुस्राङ-दुस्राङ बासाङ वळ्ह्‌कवालोर मन्कलोरा मुलु, राजकुर्सता मुनेह, गोरेपिलाता मुनेह निच मतोर. बोग़े लेक पग़वाह मुल मतोर. मुडा मन्कलोर पांड्रि गेंदेङ उहचि मतोर. ओसो गजर मराताङ कोमाङ पोस मतोर.