बळयिर 3:15 - माडिया गोंड पवित्र सास्त्रम

¹⁵ अमेसाता पिसमुळ एवाल माल्कान मीट हव्कलाह ईतिर, तेला मति हामुरताहि देवुळि ओन जीवा अर्हता. इद पोल्‍लोता माट इर्वोम साक्सि मह्‌नोम.

बळयिर 3:15 Iomraidhean Croise

लूकाल 24:48

इव सबे पोल्‍लोना मीट साक्सितोरिर मह्‌निर.

योहन 1:4

ओनग्डाहे माकु देवुळ ईयनद जीवा दोर्किह्‌ता. बेद्रम ईकळते मनदनदिन वेह्‌च पुनाह कीस्ता, अद्रमे ओग़ माकु देवुळता सेतेमतुन पुनाह कीतोग़.

योहन 10:28

नना ओरिह्‌कु अमेसाता पिसमुळि ईय्ह्‌नन. ओर बेस्केन बूळेम आयोर आयनुर, ओसो ओरिन नयग्डाहि बोरे ऊंदोर आयनुर.

योहन 14:6

अस्के येसु ओन इतोग़, “अग़दन ननाने, सेतेमतन ननाने, जीवातन वने ननाने आंदन, तोमा. नावा संगे वावालेवा, बाबानेके बोग़े एवया पग़वोग़.

योहन 4:10

येसु तान इतोग़, “देवुळ बेद देय्वा नीक ईकन इन्ह्‌ता, ओसो उनडलाह ईम इनजोर नीक ताल्ह्‌कवाल बोग़ु, इदिन निमा पुतेके, नाक निमा अद देय्वातुन ताल्ह्‌केनिन. अस्के नना नीक जीवात मनदनद एग़ एवेनन.”

योहन 4:14

मति नना ईयनद एतुन बोर उनडनुर, ओरिह्‌क पया मुर्तिय एग़ उनडा वसो आयग़ा. नना ईयनद एग़ मात्रम, ओरा लोप्पा अमेसा पिसलाह ईयनदु, ऊता एग़लेह्‌का पोङग़ा,” इनजोर इतोग़.

योहन 5:26

बहलेह्‌का नावा बाबाल लोकुरिह्‌क जीवा ईया पग़यह्‌तोग़, अद्रमे ओग़ु नाक ओना मग़िह्‌क वने इद्रमे जीवा ईयलाह अदिकर ईतोग़.

बळयिर 2:24

मति हामुर ओन मुर्तिय पोस तास पग़वो, अदिह्‌क हामुरता तिपलताहि, देवुळि ओन पिसिह कीसि, जीवा अर्हचीता.

बळयिर 2:32

“वेग़े येसुन देवुळि जीवा अर्हचीता इनजोर, माट सबेटोर विस्वसिरोम इद पोल्‍लोता साक्सि मह्‌नोम.

बळयिर 4:2

ओर इर्वुर लोकुरिन येसुनाङ पोल्‍लोङ काग़्हचोर मतोर, लोकुर येसुना लेह्‌का डोलिसि जीवा अरयनुर इनजोर, पोकुर कीसोर मतोर. इद पोल्‍लोतेनाह्‌क यहुदिराङ पेदल्क पकाय ओङ आतोर.

बळयिर 5:31

जीवा अर्हचि, ओने सामि, पिसिह केवाल इन्जि, देवुळि निल्पिह कीता. मावा इस्रयेलतोरिन पापमता अग़दाहि मल्हतलाहि, मावा पापमतुन मापि कीयलाहि, ओने निल्पिह कीसि, तना तिनळ बाजे पका कदर ईसि उदिह कीता.

1 कुरिंततोर 15:45

देवुळता सास्त्रमतगा इद्रम रासतद मन्ह्‌ता: मुनेतोग़ मन्कल आदम जीवाता मान्वल आतोग़ इनजोर रासतद मन्ह्‌ता. अद्रमे पयाडोग़ आदम, इतेके किर्स्तु, देवुळता पिसमुळ ईयनद जीवा आतोग़.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

इब्रितोर 2:10

सबेटव देवुळतेनाह्‌क मन्ह्‌ताङ; ताना मेटे सबे तयर आताङ. वेल्‍लाटोर मन्कलोरिन तनाङ मग़्क-मयास्‍क कीसि, पोग़ोन तना मान-डीसाते काल्ह्‌पलाहि, अद विचर कीस मता. मन्कलोरिन तनाङ मग़्क-मयास्‍क कीयलाहि, देवुळि तना मग़ि येसुन निल्पिह कीता. माक पिसिह कीयनद सेवातेनाह्‌क, येसुन पूरा ओप्पे कीयना इन्जि, देवुळि ओन पका तिपल अरनाह कीता. इद्रम कीयनद देवुळतुह्‌क बेस ओप्पता.

इब्रितोर 5:9

देवुळि येसुनेनाह्‌क तासतव सबे कबस्किन, ओग़ पूरा मारिह कीतोग़; कीसि तना पोल्‍लो केंजवालोर सबेटोरिन, अमेसातुह्‌क पिसिह केवाल आतोग़.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.

तोहचीतव पोल्‍लोङ 21:6

ओसोवने इता, “सबे पोल्‍लोङ इंजेके करल आताङ. सबेटविना मोदुल वने ननाये. सबेटविना कोड वने ननाये. सबेटविन सुरु केवानन वने ननाये, सबेटविन मारिह केवानन वने ननाये. एग़ उनडा वसतोरिह्‌क पुनेमते एग़ ईकन. अद एग़ु पिसमुळ ईयनद एताङ कनिर्कनाहि पेसिह्‌ता.

तोहचीतव पोल्‍लोङ 22:1

पया अद देवतुल नाक उंद बेरेग़ तोहता. अद बेरेटा एग़ु आदुर्कना लेह्‌कान, सिरसिर एडिस मता. अद एग़ु जीवा ईयनद मता. देवुळता ओसो गोरेपिलाता राजकुर्सतग्डाहि, अद बेरेग़ पोङसोर मता.

तोहचीतव पोल्‍लोङ 22:17

देवुळता जीवा, ओसो गोरेपिलाता संगे जोळेम आयनद मर्मपिला, येसुन “वय!” इनजोर इन्ह्‌ताङ. इद पोल्‍लोतुन केंजवालोर वने, “वय” इनजोर इनिर. एग़ उनडा वसतोर वायिर, विचर मनवालोर मन्कलोर, जीवा ईयनद एतुन पुनेमते उनिर.