बळयिर 28:6 - माडिया गोंड पवित्र सास्त्रम

⁶ वेर बार ओना मेंदुल तोयिस डोलनोग़, इलवेके उंदियदेबा नेल अर्सि डोलनोग़ इनजोर, नाटेनोर ऊळसोर मतोर. अद्रम वेल्‍लाय जोम ऊळतोर, मति पोलुह्‌क बाताले आयो. अदिह्‌क पया अद्रमता तमा विचरतुन बद्ले कीसि, वेग़ कोन पेन आंदोग़ इनजोर, इनदा बोटटोर.

बळयिर 28:6 Iomraidhean Croise

मत्याल 21:9

येसुना पेग़्के-मुनेह अनवालोर लोकुर रोदा कीसोरे, केयसोरे इनदलाह आतोर, “ दाविद राजाना पुळ्गतोग़ पिसिह केवाह्‌क जोहर! देवुळबाबाना अदिकर पोस वास्तोग़, ओन्कु देवुळता देय्वा आयि! पोग़ोटा देवुळतुह्‌क जोहर!”

मत्याल 27:22

“अह इतेक येसुना बह आयग़ा पया? ओने कोनि लोकुर देवुळ लोहतोग़ राजाल इन्ह्‌तोर. नना ओन बाताल कीकन?” इतस्के सबेटोर इतोर, “ओन हव्कनागुटातगा वेळ्हा!”

बळयिर 12:22

अस्के ओग़ वेहतदिन केंजिसि मन्कलोर, “इद कोनि मन्कना आल्का आयो, मति उंद देवुळता आंदु,” इनजोर केयसोर मतोर.

बळयिर 28:7

पया अद तोग़दा गाय्ताल पुबलियुस पेदिरतोना बूमि अगा एरेन मता. ओग़ु माक तना लोन ओतोग़. ओसि मूंड दियाङ गाटो ईसि बेस-नेह्‌ना ऊळतोग़.

बळयिर 8:10

वेल्‍लाटोरे उड्लोर-बेरोर ओग़ वेहतनव पोल्‍लोन बेस केंजिंदुर, ओसो देवुळता बेरा लावतोग़ इतेक वेग़े इनजोर, सबेटोर ओन इंदुर.