बळयिर 26:5 - माडिया गोंड पवित्र सास्त्रम

⁵ मावा यहुदि दर्मताङ अडोन, सबेट्काय पका नोमनद तुंगातोनन आंदन, इतेके परुसिरा तुंगातोनन, इदिन यहुदिर बेस पुतोर. इद पोल्‍लो निटम इनजोर तमा विचर मतेके, साक्सि ईयिर.

बळयिर 26:5 Iomraidhean Croise

बळयिर 15:5

मति परुसिरा तुंगातग्डाहि, येसुन विस्वस कीतोर अगा मतोर. ओर तेदिस इद्रम इतोर, “यहुदि आयवोरिन डायना रिवज कीया वेहचि, ओरिन मोसानाङ अडोने ताकलाह, उकुम ईयना गावले,” इतोर.

बळयिर 22:3

अस्के पोलु वेहता बोटटोग़, “नना यहुदि मन्कनन, किलिकिया पटटा तरसुस सहरते पुटटोनन, मति इदे येरुसलेम सहरतगान बेर्सतन. इगा गमलियेल गूरुनगा मन्जि कग़यतन. मावाङ तादोर-बाबोराङ अडोङ-उतुर्कना उंद पोल्‍लो वने तपवा, ओग़ नाक काग़्हतोग़. इंजेके मीट सबेटोरिर कीयना लेह्‌का, नना वने देवुळतुन माळलाह पका जिदतोनन मतन.

बळयिर 22:5

नना इद्रम कींदन इनजोर, मोदुल पेर्माल ओसो तग्वाङ केवालोर मीवा मुनेह साक्सि मन्ह्‌तोर. वेरग्डाहे नना दमिस्क सहरतोर, मावोर यहुदिरिह्‌क रासतद सीटि ताल्ह्‌किस, अगा दायलाह पेसिस मतन. अगा येसुना अग़दे अतोर यहुदिरिह्‌क सिक्सा ईयलाहि, ओरिन दोहचि येरुसलेम ततलाह अनजोर मतन.

बळयिर 23:6

अस्के पया इगा जमा आतोरगा, वळ्गा सदुकिरा तुंगातोर, ओसो वळ्गा परुसिरा तुंगातोर मन्ह्‌तोर इनजोर, पोलुह्‌क एर्का आता. सदुकिरा विचर इद्रम मन्ह्‌ता, डोलतोर बेस्केन जीवा अरवोर, ओसो देवतुल्क इलेङ, ओसो हानस्क वने इलेङ इनजोर इन्ह्‌तोर. मति परुसिर बार, इव सबे पोल्‍लोना पोग़ोन आसा कीस्तोर. अदिनेनाह्‌क पोलु बेसे मेग़्किस केयलाह बोटटोग़, “दादालोरिर, नना परुसि मन्कनन! नावा तादोर-बाबोर वने परुसिरे मतोर. मन्जाय, नना डोलतोर वने जीवा अरयह्‌तोर इनजोर, विस्वस कीयनेनाह्‌के, वेर नाक पर्ह्‌किस ऊळिह्‌तोर,” इनजोर इतोग़. पोलु इव पोल्‍लोङ इतस्के, उदतोर तग्वाङ केवालोर रेंड तूस्क आसि, परुसिरा, सदुकिरा नडुम वह्‌चळ पुटटा.

बळयिर 24:14

“मति इद उंद पोल्‍लो नना कबुल आय्ह्‌नन. बेद अग़दुन वेर लाग्वा अग़दा तुंगा इन्ह्‌तोर, अदे येसुसामिन विस्वस कीयनद अग़दे नना ताकिस, मावाङ तादोर-बाबोरा देवुळतुन माळिह्‌नन. मोसानाङ अडोनगा, ओसो देवुळता कबुरतोरा सास्त्रमतगा रासतव सबे पोल्‍लोन माळिह्‌नन.

बळयिर 24:5

वेग़ मन्कल जग्ळा पुटिह केवाल, बूममेंड मनवालोर सबेटोर यहुदिरा नडुम कोंटेङ पुटिह केवाल. ओसो वेग़ नासरिरा लाग्वद तुंगाता पेदामन्कल आंदोग़.