बळयिर 26:24 - माडिया गोंड पवित्र सास्त्रम

²⁴ इद्रम पोलु तना बयन वेहतह्‌पा, पेस्तुस इतोग़, “ए पोलु, निमा कोन बय्माङ आतिन डा! पका कग़यतिन अदिह्‌क पिसाङ आतिन बहे,” इनजोर जोरते केयतोग़.

बळयिर 26:24 Iomraidhean Croise

मार्कल 3:21

येसुना लोतोर इद पोल्‍लोतुन केंजिसि, ओन ततलाह अतोर. बाराह्‌क इतेके, येसु बय्माङ आतोग़ इनजोर, लोकुर वळ्ह्‌किंदुर.

योहन 7:15

ओना काग़्हतनदिन केंजिसि, अग्डोर यहुदिराङ पेदल्क बयल आतोर, आसि इनदलातोर, “वेन्क बोग़े गूरु काग़्हवालेवा, पूरा सास्त्रमतुन पुनदलाह विदे बेग्डाह दोर्कता, रा?”

योहन 8:48

अस्के यहुदिराङ पेदल्क येसुन इतोर, “निमा सामरितोनिन पर्गेनिन, नीक देयम पोयता इनजोर माट इह्‌नोम, अद बह जोलिया?”

योहन 8:52

(ओग़ु मेंदुदा हामुरता लोप्पा वळ्ह्‌किह्‌तोग़ बहे इनजोर,) यहुदिर ओन इतोर, “नीक देयम पोयता ऊळा, इंजेक माट पुतोम. अब्रहम वने डोलतोग़, देवुळता कबुरतोर वने डोलतोर. निमा मात्रम इह्‌निन, ‘बोर नावाङ पोल्‍लोङ केंजिस अहलेह्‌का तिरियनुर, ओर बेस्केन हायोर आयनुर,’ इह्‌निन.

बळयिर 17:32

हामुरताहि जीवा अरयना पोल्‍लोतुन केंजतापया, उय्तुर बार ओन कवतोर. ओसो उय्तुर बार “अले बेस्काय इद नीवा पोल्‍लोतुन, माट ओसो केंजकोम,” इनजोर इतोर.

बळयिर 22:1

पोलु इद्रम वेहतोग़, “मावोरिर, पेदल्कनिर! नावा साक्सितुन मीवा मुनेह नना इंजेक वेहतह्‌नन, इदिन केंजाटु.”

बळयिर 24:25

अस्के देवुळता सेतेमते बेद्रम ताकना, मेंदुदा उळ्बेतुन बेद्रम आव्रे कीयना, देवुळ आक्रिते दुनियामेटोरा नेयम बेद्रम कीयग़ा, इव पोल्‍लोन पोलु वेहतोग़. पया इव पोल्‍लोङ केंजिस, पेलिक्स पकाय रेयिस पोलुन इतोग़, “इंजेके आस्ता, निमा अन, नाक पुर्सत दोर्कतेक, अचोन नीक केयकन” इनजोर, ओन लोहतोग़.

बळयिर 24:27

मति रेंड वर्साङ आनेके, पुर्कियुस पेस्तुस पेदिरतोग़, पेलिक्सना जागातगा गुमसि आतोग़. पया पेलिक्स दायह्‌पा, पोलु कसुरलेवोग़ इनजोर पुन्ज तेला, यहुदिरिन गिर्दा कीयलाह, पोलुन जेलतग्डाह विळ्सवाय अतोग़.

बळयिर 26:11

बेगा बेगा देवुळता पार्तनाताङ लोह्‌क मताङ, अगा बेचानाह किर्स्तुनोर येसुन पास्कोर, अचानाह नना ओरिन पका सिक्सा कींदन. ओसो यहुदिरा बूमतुह्‌क अबर मतव सहर्कनगा वने अन्जि, ओरिन तिपल कींदन, अचोन ओरा पोग़ोन ओङ आंदन.

1 कुरिंततोर 1:23

माट कोनि हव्कनागुटातगा डोलतोग़ येसुना पोल्‍लोतुन पोकुर कीय्ह्‌नोम. अद पोल्‍लो यहुदिरिन विस्वस कीया पग़वप लेह्‌का कीता.(बाराह्‌क इतेके देवुळ लोहवाल पिसिह केवाल, अद्रम लजा वानाह डोलवाल आयोग़ इनजोर, ओर विचर कीतोर.)यहुदि आयवोरिह्‌क बारा, मावा कबुर बुदलेवद पोल्‍लो दिसिह्‌ता.

1 कुरिंततोर 4:10

किर्स्तुना सेवा कीयनाह्‌कु, वेल्‍लाटोर माक बुदलेवोर इनजोर इन्ह्‌तोर. मीट बार पका बुदतोर किर्स्तुनोरोम इनजोर इह्‌निर! मीवा पका अदिकर ताकिह्‌ता, लोकुर मीक मान ईस्तोर. माट बारा उड्लोर मन्कलोरा लेह्‌कान आतोम, माक बातय मान दोर्को!

2 कुरिंततोर 5:13

उच्वुर मन्कलोर माक ऊळिस पिसाङ आतोर इनजोर इतेके, देवुळतेनाह्‌क अद्रमलेह्‌काने मनि. उच्वुर माक बेस बुदतोर इनजोर इतेके, मीवा पाय्दातेनाह्‌क अद्रमलेह्‌काने मनि.

2 तिमोति 3:15

उड्लस्केडाह देवुळता सास्त्रमताङ पूरा पवित्र पोल्‍लोन पुतिन. येसु किर्स्तुन विस्वस कीतेके, देवुळि पिसिह कीस्ता इनजोर, अव पोल्‍लोङ नीक बुदि ईया पग़यह्‌ताङ.