बळयिर 26:22 - माडिया गोंड पवित्र सास्त्रम

²² मति नेंड एवनाह देवुळि नाक तोळ ईता, अदिह्‌क उड्लोर-बेरोर सबेटोरिह्‌क साक्सि ईयलाह आतन. देवुळता कबुरतोरु ओसो मोसा मुय्तोना सास्त्रम, (येसुसामि बाताल कीयनोग़ इन्जि,) मुनेन वेहच मतोर. अद सास्त्रमतुन विळ्सिस, नना बेदे वेहोन.

बळयिर 26:22 Iomraidhean Croise

मत्याल 26:24

सास्त्रमते रासिस मतपु, माने-मन्कना नडुम पुटटोनन, नना इद दुनियाताहि पेसिस दाकन, निटमे! मति बोग़ नाक पोसीस्तोग़, ओना बेचोटा गोसा आयग़ा! ओग़ मन्कल पुटवेकेन बेस आस मनालि,” इतोग़.

लूकाल 16:28

बाराह्‌क इतेके नाक एयवुर तमोर मन्ह्‌तोर, (ओर नावा लेह्‌का पापि बुदते मनमाकिर इनजोर,) ओरिन अन्ज वेहतेके, नना पका तिपल आय्ह्‌नन इद जागातगा, ओर वावोर आयनुर,’ इनजोर इतोग़.

लूकाल 24:27

इद्रमलेह्‌का मोसानाङ अडोनगा, देवुळता कबुरतोराङ पुस्तकिनगा, अहे पूरा देवुळता सास्त्रमते बेगा बेगा तना लोप्पा रासतव पोल्‍लोङ मताङ, अव सबे पोल्‍लोन ओरिह्‌क तेळियिह कीस वेहतोग़.

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

लूकाल 24:46

ओसो इद्रम इतोग़, “सास्त्रमतगा इद्रम रासतद मन्ह्‌ता इतेके: देवुळ लोहवाल पिसिह केवाल किर्स्तु, तिपल आस डोलनोग़. ओसो मूंड दियाने ओसोवन जीवा अरयनोग़.

योहन 1:17

इतेके मोसाल इनवाल देवुळता कबुरतोना मेटे, देवुळताङ अडोङ माक अस्के दोर्किस मताङ; येसु किर्स्तुना मेटे बार देवुळता सेतेमि, ओसो ताना दया मयगा एवता.

योहन 1:45

पिलिप पया अन्जि नतन्याल इनवान कलियतोग़, कलियिस ओन इतोग़, “बोना लोप्पा मोसा मुय्तोग़ ओसो देवुळता कबुरतोर मुने सास्त्रमते रासिस मतोर, ओग़ माक दोर्कतोग़, रा! ओग़ नासरेत नाटेनोग़ योसेपना मग़ि येसु आंदोग़,” इन्जि पिलिप नतन्यान वेहतोग़.

योहन 5:39

पवित्र सास्त्रम पुन्जि, माकु अमेसाता पिसमुळ दोर्कग़ा इन्जि, मीटु अग्डाङे कग़यसोर मह्‌निर. केंजाटु, इदे सास्त्रम नावाय लोप्पा वेहतह्‌ता.

योहन 5:46

सास्त्रमते मोसा मुय्तोग़ नावाय लोप्पा रासिस तासतोग़, अद सास्त्रम नाके तोहतह्‌ता. इतेके मोसाल रासतदिना पोग़ोन, मीटु विस्वस तासिस मतेके, नावा पोग़ोन वने विस्वस तासेरिर.

बळयिर 10:43

येसुना मोकतेनाह्‌कु, येसुन विस्वस कीतोर कतमतोरा पापमतुन देवुळि मापि कीस्ता इन्जि, मुनेतोर देवुळताङ सबेटोर कबुरतोरा सास्त्रम वेहतह्‌ता,” इनजोर पत्रु इतोग़.

बळयिर 13:29

अस्के वेल्‍लाय मुनेन, मन्कलोर देवुळ लोहवाल पिसिह केवान इद्रम इद्रम कीयनुर इनजोर, देवुळता कबुरतोर रासिस मतोर, अव सबे पोल्‍लोङ करल आताङ. अस्के पया हव्कनागुटाताहि येसुना सेत्तातुन रेहचि, गुमयातगा मिसतोर.

बळयिर 24:14

“मति इद उंद पोल्‍लो नना कबुल आय्ह्‌नन. बेद अग़दुन वेर लाग्वा अग़दा तुंगा इन्ह्‌तोर, अदे येसुसामिन विस्वस कीयनद अग़दे नना ताकिस, मावाङ तादोर-बाबोरा देवुळतुन माळिह्‌नन. मोसानाङ अडोनगा, ओसो देवुळता कबुरतोरा सास्त्रमतगा रासतव सबे पोल्‍लोन माळिह्‌नन.

बळयिर 26:17

यहुदिरगा ओसो यहुदि आयवोरगा नीक लोहतह्‌नन. नीक बाताले आयवाह, ओरा कयदाहि पिसिह कीकन.

बळयिर 26:6

इंजेक इसि इद्रम आता इतेके, देवुळि मावाङ तादोर-बाबोरिह्‌क मुनेन बेद पोल्‍लो विळ्सिस मता, अदे पोल्‍लो निटम आयग़ा इन्जि, नना आसा तासतन. तासताह्‌के नावा नेयम आस्ता.

बळयिर 28:23

पया ओरु पलाना दिया नियगा केंजलाह माट वायकोम इनजोर, वेहच अतोर. अद्रमे पया अद वेहच मतद दियाते, वेल्‍लाटोर यहुदिर ओना लोन वातोर. वातस्के पोलु सकरताहि नुल्पे आनाहि, ओरिन देवुळि बेद्रम मन्कलोरगा राजेम कीयलाह आता, अदिन वेहतोग़. अद्रमे मोसानाङ अडोना सास्त्रमते, ओसो देवुळता कबुरतोरा सास्त्रमते रासतपु, येसुये (देवुळ लोहतोग़ किर्स्तु राजाल आंदोग़, ओने विस्वस कीयना इनजोर,) साक्सि वेहतोग़. इद्रमलेह्‌का पोलु ओरिन येसुना कबुर तेळियिह कीस वेहतोग़.

रोम सहरतोर 3:21

इद्रमि, यहुदिर आयिर, यहुदि आयवोर आयिर, सबेटोरे पापम कीतोर. कीताह्‌कु, देवुळताहि दोर्कनद मान, कदरतगा एवया पग़वोर. मति इंजेके, अडोङ माळवालेवा, मन्कलोरिन सेतेमतोर कीयलाहि, देवुळि ओरिह्‌क दुस्रा अग़ तयर कीता. अद अग़दा लोप्पा, मोसानाङ अडोना सास्त्रम, अहे देवुळता कबुरतोरा सास्त्रम वने, मुनेन वेहता. अद अग़ इद्रम मन्ह्‌ता इतेके, मन्कलोर येसु किर्स्तुन विस्वस कीतेके, देवुळि ओरिन सेतेमतोर इनजोर इन्ह्‌ता. विस्वस केवालोर बोरे मनिर, देवुळि ओरा जात-कुलमतुन ऊळवा, ओरिन सेतेमतोर इनदग़ा.

1 कुरिंततोर 15:3

अद कबुरता सबेट्क मोदुल पोल्‍लोतुन, नाक मुने वेहतपे, मीक काग़्हचीतन; अद पोल्‍लो इदे आंदु: देवुळता सास्त्रमतगा मुनेन रासतप लेह्‌का, किर्स्तु मावा पापमतेनाह्‌क मोक आसि डोलतोग़.

1 कुरिंततोर 15:4

ओग़ डोलतस्के, मन्कलोर ओना सेत्तातुन गुमयातगा मिसतोर. देवुळता सास्त्रमतगा मुनेन रासतप लेह्‌का, मूंड दियाने देवुळि ओन जीवा अर्हचीता.

2 तिमोति 3:11

पिसिदिया एरियाता अंताकिया सहरतगा, इकुनियुम सहरतगा, लुस्त्रा सहरतगा, मन्कलोर नाक तिपल कीतदिन, नना सिक्सा आतदिन, मन्कलोर नाक बेद्रमताङ तिपल्क ईतोर, इव तिपल्किन नना आपतदिन वने पुतिन. सामि नाक तोळ आताह्‌कु, नना अव सबे तिपल्कनाहि पिसतन.

तोहचीतव पोल्‍लोङ 11:18

नीक माळवोर ओङ आस मतोर, मति इंजेके निमा ओङ आसि. हातोरा नेयम कीयनद कगो एवता. नीवा कबुर वेहवालोर सेवातोरिह्‌क, नीवा पवित्र लोकुरिह्‌क, नीक रेयिस ताकवालोर उड्लोर-बेरोरिह्‌क, इनम ईयनद कगो एवता. ओसो बूमतुन बूळे कीतोरिनु, बूळे कीयनद कगो एवता,” इनजोर इतोर.

तोहचीतव पोल्‍लोङ 15:3

ओर देवुळता सेवातोग़ मोसा मुय्तोना पाटातुन (तान गोरेपिलाता पाटा वने इन्ह्‌तोर), इद्रम वाग़तोर: “ए बेरा डीसाता, सामि देवुळतिन! नीवाङ कबस्क बेराङ, बामिह कीयनव मन्ह्‌ताङ! ए सबे जातिनोरा राजानिन! निमा बेदाय कीतेके, निटमे कीय्ह्‌निन, सेतेमते कीय्ह्‌निन.

तोहचीतव पोल्‍लोङ 20:12

ताना पया हातोर मन्कलोर उड्लोर, बेरोर सबेटोर, देवुळता राजकुर्सता मुनेह नितद ऊळतन. देवतुल्क पुस्तकिन तेग़यताङ. अव पुस्तकिनगा रासतपु, हातोर मन्कलोर तमा जीवात मनदह्‌पा, कीतव कबस्कना इसबते, देवुळि ओरिन नेयम कीता. पया ओसो उंद पुस्तकतुन तेग़यताङ. अद पुस्तकतगा, अमेसातुह्‌क पिसवालोराङ पेदिर्क रासिस मताङ.