बळयिर 24:22 - माडिया गोंड पवित्र सास्त्रम

²² पेलिक्स इतेके येसुसामिन विस्वस कीयनद पोल्‍लोतुन बेस केंजिस मतोग़, अदिह्‌क “सीपय्कना मुक्याल लूसियाल वातापया, नीवा पोल्‍लोता पय्सल कीकन,” इनजोर वेहच मारिह कीतोग़.

बळयिर 24:22 Iomraidhean Croise

मत्याल 2:7

इद पोल्‍लो केंजिसि, एरोद राजाल उकान ऊळवालोरिन “इह वाट,” इन्जि तनगा कुस्क्ने केयतोग़, केयिसि “मीक बेद उका दिसता, तान मीट ऊळतस्केडाहि नेंड एवनाह बेचोक दियाङ आताङ, नाक बराबर वेहाटु,” इन्जि ओग़ु (पुट वाता पेकाना वय्स पुनदलाह) ओरिन बेस ताल्ह्‌कतोग़.

बळयिर 18:20

पया ओर ओन रेंड दियाङ मन्जि दायलाह अर्जि कीतोर, मति पोलु केंजोग़.

बळयिर 19:40

नेंडु उगसताङ पोल्‍लोनेनाह्‌क, अचोन गळ्बळ कीतिर! इद कट्लातेनाह्‌कु मावा पोग़ोन रोदा पोयतनद कसुर वाटनुर बह इनजोर रेय मन्ह्‌ता; अस्के ताना इसब माट बेद्रम ईकल?”

बळयिर 24:10

पया गुमसि पोलुन निमा वेहा इनजोर कय तोहतोग़. अस्के पोलु इद्रम वेहतलाह बोटटोग़ इतेके, “महरज, निमा वेल्‍लाङे वर्साङ, मावा यहुदा पटटगा नेयम कीसोर मतिन इनजोर पुतन. अदिनेनाह्‌क गिर्दाते नना कसुरलेवोनन इन्जि तोहतह्‌नन.

बळयिर 24:14

“मति इद उंद पोल्‍लो नना कबुल आय्ह्‌नन. बेद अग़दुन वेर लाग्वा अग़दा तुंगा इन्ह्‌तोर, अदे येसुसामिन विस्वस कीयनद अग़दे नना ताकिस, मावाङ तादोर-बाबोरा देवुळतुन माळिह्‌नन. मोसानाङ अडोनगा, ओसो देवुळता कबुरतोरा सास्त्रमतगा रासतव सबे पोल्‍लोन माळिह्‌नन.

बळयिर 24:24

उचुक दियाना पया, पेलिक्स तना मुते, यहुदि आंचाळ दुरुसिलान पोस वातोग़. पया पोलुन केय लोहतोग़, पोलु वातस्के येसु किर्स्तुन विस्वस कीयनद पोल्‍लोतुन, आळ इर्वुर केंजसोर मतोर.

बळयिर 24:6

मावा मंदिरतुनकळ्‍वोग़ कीयलाह आसोर मतोग़, मति अद्रम केवाह माट वेन पोयतोम. [अस्के माट मावाङ अडोना लेकाते वेन सिक्सा ईस मनेरोम.

बळयिर 25:26

मति वेन लोहनेके, नावा कय्सरसामिह्‌क वेना कसुरता लोप्पा बाताल रासिस लोहतकन इनजोर, नना पुनोन. अदिह्‌क मीट वेनाङ केंजतापया, बेदाय पोल्‍लो नाक रासलाह दोर्कग़ा बहा इनजोर, इगा मीवा मुनेह वेन ततन. कासा इतेके नीवाङ बुदिङ ताल्ह्‌किह्‌नन, अग्रिपा राजानिन.

बळयिर 9:2

“इंजेके नना दमिस्क सहरते दाय्ह्‌नन. येसुना अग़दे ताकवालोर आस्क-कोय्तोरिन दोहचि, येरुसलेम ततलाहि सोलुनगा अदिकर मन्ह्‌ता इनजोर, सीटि रासिस ईम. नना अद सीटटुन पोस अन्जि, अग्डोर यहुदिरा पार्तनाताङ लोह्‌कनाङ मुक्यालोरिह्‌क तोहतकन,” इनजोर इतोग़.