बळयिर 20:6 - माडिया गोंड पवित्र सास्त्रम

⁶ माट ओय्‍पिह केवव आरिना पंडुम आनाहि, मकिदुनिया पटटा पिलिपि सहरते मतोम. पया पंडुम मारतस्के, अग्डाहि ओडातगा उदतोम. उदिसि एयुङ दियाने तरोवस सहरते एव्सि, माक केपतोरिन कलियतोम, पया माट वारममेंड तरोवस सहरतेन मतोम.

बळयिर 20:6 Iomraidhean Croise

बळयिर 12:3

इदिन ऊळिस, येसुन मोळ्कवोर यहुदिर पकाय गिर्दा आतोर. ओर गिर्दा आतदिन राजाल ऊळिसि, पत्रुन वने पोयतलाह वेहतोग़. (इद पोल्‍लो आवना पंडुमतस्केडा आंदु, तान ओय्‍पिह केवद पिंडटाङ आरिङ तिनदनद पंडुम वने इंदुर.)

बळयिर 16:10

कीतस्के, पोलु अद देवुळ तोहतद लेकातुनु, (सीलासिन, तिमोतिन ओसो नाक वने) वेहतोग़ (अगा नना लूकानन ओरा संगे मतन); वेहतस्के येसुना बेसता कबुरतुन पोकुर कीयलाहि, देवुळि माक मकिदुनिया पटटे लोहतलाह आता इनजोर, उंदिय विचर कीसि चट्पिट अगा दायलाह पेसतोम.

बळयिर 16:12

पया अग्डाहि ताकसोर अन्जि, पिलिपि सहरते एवतोम. अदु मकिदुनिया पटटा मुनेटा जिलाता सहर मता; अगा रोम सहरतोरेनाह्‌क गूळा कीतद आंदु. अद सहरतगा माट उचुक दियाङ मतोम.

बळयिर 16:8

अदिह्‌क मूसिया एरियाताहि, सम्दुरकचुल मतद तरोवस सहरतगा वातोर.

बळयिर 20:16

पंटाता पंडुमतुह्‌कयेरुसलेम सहरते एवयलाह, पोलु कंद्रेम आंदोग़. अदिह्‌क इपिसुस सहरते रोमतेक अचोन, इदे आसिया पटटगा पका आल्सेम आयग़ा इन्जि, इपिसुस सहरतुन एग़िस दायनद ओडा पोयतकन इनजोर, मुने विचर कीस मतोग़.

बळयिर 20:5

ओरग्डाहि बोरो बाताल कीतोर इतेके, मकिदुनियाताहि मुनेन तरोवस सहरते अन्जि, अगा माक केपतोर.

बळयिर 21:4

अगा रेगतस्के, अग्डोर विस्वसिरिन माट पर्ह्‌कतोम अस्के, ओर माक दोर्कतोर, ओरगान माट वारममेंड रोमतोम. अस्के येरुसलेम सहरतगा पोलु पकाय तिपल आयनोग़ इनजोर, अग्डोर विस्वसिर देवुळता पवित्र जीवाता बुदते पुतोर. अदिनेनाह्‌क निमा अगा अनमा इनजोर, पोलुनगा वासि इतोर.

बळयिर 21:8

पया इमा दिया अग्डाह पेसिसि, केसरिया सहरते अन्जि, बेसता कबुरतुन पोकुर केवाल पिलिपना लोन रोमतोम. (येरुसलेमतगा मुने आचतोर एळवुर सेवकिरग्डाहि वेग़ ओर्वोग़ मतोग़.) माट ओना लोन अन्जि अगा मतोम.

बळयिर 28:14

एवतस्के माट कतमतोरोम ओडाताहि रेगतोम. रेगिसि माट विस्वसिरोम अद सहरता विस्वसिरिन कलियतोम. ओर मावा संगे वारममेंड मन्ह्‌टु इनजोर इतोर. अदिह्‌क ओरा संगे वारममेंड बार मन्जि, अग्डाहि ओसो रोम सहरता अग़दुन पोयतोम.

पिलिपितोर 1:1

नना येसु किर्स्तुना कय इळ्न मनवानन पोलुनन आंदन. नावा तोळतोग़ सेवक तिमोति बार इद सीटि, पिलिपि सहरते मनवालोर येसु किर्स्तुन विस्वस कीतोर देवुळता मन्कलोरिह्‌क रासलाह आतोम. मीट विस्वसिरेनाह्‌कु, मीवा मुडगा मनवालोर मुक्यालोरेनाह्‌कु, ओसो सेवा केवालोरेनाह्‌कु, इद सीटि लोहतलाह आतोम.

1 तिसलुनितोर 2:2

मीवा सहरते वावस्के, पिलिपि सहरतगा पकाय तिपल आतोम. अग्डोर मन्कलोर माक बेद्रम उस्कतोर-पास्कतोर, इद मीट पुतिरे. अद्रमलेह्‌का मियग्डोर लोकुर वने माक पकाय विरुद कीसाय मति, देवुळता बेसता कबुरतुन मीक वेहतलाहि, दीरा पोस मतोम; मावा देवुळि माक दीरा ईस मता.

2 तिमोति 4:13

निमा वानेके तरोवस सहरते करपुसना लोतगा, नना विळ्सिस वातद कोटजगा तय. ओसो नावाङ सीटिङ तय, कासा इतेके तोलानगा रासतव सीटिङ ततलाहि मुर्तिय माग़्ङमा.