बळयिर 20:1 - माडिया गोंड पवित्र सास्त्रम

¹ अद्रमे विरुद कीयनद कट्ला रोमता. पया पोलु विस्वसिरिन तनगा केयतोग़. ओर ओनगा वातस्के, ओरिह्‌क दीरा वानाह वेहतोग़. वेहचि, दाय्ह्‌नन इनजोर ओरिन कलियिस, इपिसुस सहरताहि मकिदुनिया पटटे दायलाह बोटटोग़.

बळयिर 20:1 Iomraidhean Croise

बळयिर 11:26

अस्के ओन अगा दोर्किह कीसि, (येसुना सेवाते तना तोळ आयलाह,) ओन अंताकिया सहरते ततोग़. पया वर्सामेंड ओर इर्वुर, विस्वसिरा मुडा संगे मन्जि, वेल्‍लाटोरिन येसुना पोल्‍लोतुन काग़्हन्दुर. अस्के मुने-मुने अंताकिया सहरतगान, विस्वसिरिन किर्स्तुनोर इन्जि, लोकुर पेदिर तासतोर.

बळयिर 16:12

पया अग्डाहि ताकसोर अन्जि, पिलिपि सहरते एवतोम. अदु मकिदुनिया पटटा मुनेटा जिलाता सहर मता; अगा रोम सहरतोरेनाह्‌क गूळा कीतद आंदु. अद सहरतगा माट उचुक दियाङ मतोम.

बळयिर 16:9

ओर अगा मनदह्‌पा, पोलु नग़्का देवुळ तोहतना लेकातुन ऊळतोग़. अद लेकाते मकिदुनिया पटटोग़ ओर्वोग़ मन्कल ओन्क दिसतोग़. ओग़ मन्कल निचि, “इबर दडटेके वासि, मावा मकिदुनिया पटटोर मन्कलोरिन काग़्हा,” इनजोर अर्जि कीतोग़.

बळयिर 19:21

इव पोल्‍लोङ आतापया, पोलु मकिदुनिया पटटे, अकाया पटटे अन्जि, अग्डाह येरुसलेम दाय्ह्‌नन इनजोर, तना विचर कीतोग़. “येरुसलेम अतापया, अग्डाहि रोम सहरते वने नाक दाया पोयग़ा,” इतोग़.

बळयिर 20:10

मति पोलु इळ्न रेगतोग़, रेगिस ओन गळ्म ओग़्ङिस ओरिन इतोग़, “बहे आयो रेयमाट! वेना जीवा वेनगान मन्ह्‌ता,” इतोग़.

बळयिर 20:2

अगा पूरा वेलियतोग़, वेलियसोर अग्डोर विस्वसिरिन, ओरा विस्वस बेर्सलाह वेल्‍लाङे पोल्‍लोङ वेहतोग़. पया अग्डाहि अकाया पटटे अतोग़.

बळयिर 20:3

अन्जि अगा मूंड नेलाङ मतोग़. पया सुरिया पटटे दायलाह ओडातगा उदसोर मनेके, यहुदिर ओन हव्कलाह अग़ ऊळिह्‌तोर इनजोर केंजतोग़. केंजतस्के, (सम्दुरता अग़दुन विळ्सिस,) नना मकिदुनिया पटटुह्‌क अन्जि, बूमता अग़दुन पोयतकन इन्जि, विचर कीतोग़.(अस्के मकिदुनियाते नना लूकानन, ओना तोळ मतन.)

बळयिर 20:37

पया इंजेके नावा मोकमतुन बेस्केन ऊळविर आयकिर इनजोर, पोलु वेहतद पोल्‍लोतुन सीता कीस, ओर मुक्यालोर पका अळतोर. अळसोरे, ओरु पोलुन गळ्म ओग़्ङिस लोंडटोर. ताना पया ओर ओन ओडातगा एवनाह ओसीतोर.

रोम सहरतोर 16:16

मीट लोकुरिर ओर्विह्‌क-ओर्वोग़ येसुना पेदिरते जीवा वाटसोरे जोहर कीम्ह्‌टु. अहे सबे नाह्‌कने मनवालोर किर्स्तुना मुलु वने, मीक जय येसु इनदलाह आतोर.

1 कुरिंततोर 16:20

इग्डोर मावोर विस्वसिर सबेटोर, मीक जय येसु इन्ह्‌तोर. मीट ओर्विह्‌क-ओर्वोग़ येसुना पेदिरते जीवा वाटसोरे जोहर कीम्ह्‌टु.

1 कुरिंततोर 16:5

नाक मकिदुनिया पटटगाह्‌क दायना मन्ह्‌ता. अग्डाह पया मियगा वायकन.

2 कुरिंततोर 13:12

मीट देवुळता लोकुरिर इन्जि, ओर्विह्‌क-ओर्वोग़ जीवा वाटसोरे जोहर कीम्ह्‌टु.

1 तिसलुनितोर 5:26

मीट सबेटोरिर ओर्विह्‌क-ओर्वोग़ येसुना पेदिरते जीवा वाटसोरे जोहर कीम्ह्‌टु.

1 तिमोति 1:3

इंजेके इपिसुस सहरते उय्तुर लोकुर जोल काग़्हवालोर मन्ह्‌तोर. ओरु जोला-जमाताङ लेकाङ-जोकाङ कीसि, लाट-लाट सास्त्रह्‌क पुटिह कीस वेहतह्‌तोर. अवटे जग्ळा-बोबाये पुटिह्‌ता. मति विस्वस कीतेकेने, देवुळताङ विचर्कु करल आयनुङ. अदिनेनाह्‌कु इपिसुस सहरताहि, मकिदुनिया पटटके दायलाह पेसतन अस्के, “तिमोति, निमा इगाने मन्जि, वेर जोल काग़्हवालोरिन रोमिह कीम,” इनजोर नीक वेहच मतन.