बळयिर 2:41 - माडिया गोंड पवित्र सास्त्रम

⁴¹ पत्रुना कबुरतुन केंजिस वेल्‍लाटोर विस्वस कीतोर, विस्वस कीसि, येसुना पेदिरते एग़ मीतोर. अद दिया जोक-जोक मूंड अजर्क मन्कलोर विस्वसिरा मुडगा कलियतोर.

बळयिर 2:41 Iomraidhean Croise

योहन 14:12

इह केंजाट, नना सेतेम वेहतह्‌नन, नना कीयनव बेरा डीसाताङ कबस्किन, नाक नमवालोर वने कीयनुर, ओसो अविस्किह्‌काय वीळिस बेह्‌राङ कबस्क कीयनुर. बाराह्‌क इतेके नना बाबानेके दाय्ह्‌नन इनजोरे.

योहन 21:11

अदिह्‌क पया सिमोन पत्रु ओडाते तग़्ङिसि, वदतुन दडटेके पिळ्ङिस ततोग़. अवटे नूटा पनस मूंडु (153) बेराङ-बेराङ मीन्क मताङ. इचोक मीन्क मन्जाय, वद इतेक अग़वो.

बळयिर 1:15

अवे दियाने, उंद दिया येसुन विस्वस कीतोरु, सबेटोर जोक-जोक आरुङ वीसाङ मन्कलोर, अगा जमा आस मतोर. अस्के पत्रु ओरा नडुम निच वेहतलाह आतोग़:

बळयिर 13:48

इदिन केंजिसि, अग्डोर यहुदि आयवोर पका गिर्दा आसि, देवुळता कबुर बेसता इनजोर इंदुर. अमेसाता पिसमुळतुन दोर्किह कीयिर इनजोर, बय्तुरिन देवुळि मुनेन आचिस मता, अय्तुर येसुन विस्वस कीतोर.

बळयिर 2:37

इदिन केंजिसि ओर मन्कलोरा जीवा काल्सता, अद्रम आतस्के पत्रुनु ओसो दुस्रोर बळयिरिन ताल्ह्‌कतोर, “मावोरिर! इंजेके मावा पापम एडलाहि बाताल कीकोम? माक वेहाटु,” इतोर.

बळयिर 2:47

देवुळतुन जोहर कीसोर मंदुर. सबेटोर मन्कलोर विस्वसिरिह्‌क मान ईंदुर. दिनम येसुसामि वेल्‍लाटोर मन्कलोरिन पापमताहि पिसिह कींदोग़. ओर मन्कलोर विस्वसिरा मुडगा कलियिस मंदुर. (इद्रमलेह्‌का विस्वसिरा मुडुन देवुळि बोल्गिह कींदु.)

बळयिर 27:37

(माट सबेटोरोम कलियिसि ओडातगा 276 इचवोम लोकुरोम मतोम.)

बळयिर 3:23

ओना पोल्‍लो केंजवोरिन, देवुळि तना मुडग्डाहि एग़िह कीसि ओरिन बूळे कीसीयग़ा,’ इतोग़.

बळयिर 4:4

मति पत्रुनाङ पोल्‍लोङ केंजतोर वेल्‍लाटोर लोकुर येसुन विस्वस कीतोर. अद्रम विस्वस कीतोरु, वेट कोय्तोरे कोनि एयुङ अजर्क मतोर.

बळयिर 7:14

पया योसेपि तना तपे याकुब मुय्तोन ओसो ओना लोतोर सबेटोरिन, मिसर देसेमते वासि मनदकिर इनजोर, कबुर लोहच केयतोग़. ओर सबेटोर मूंड वीसाङ पंद्रा (75) इच्वुर मन्कलोर मतोर.

रोम सहरतोर 13:1

केंजाट, सबे अदिकर देवुळताहि वाता. इंजेटा सर्करतुन वने, अदे निल्पिह कीता. अदिनेनाह्‌क मीट सर्करताङ सबे पोल्‍लोन केंजिसि ताकाटु.

1 तिसलुनितोर 1:6

मीट वने येसुन विस्वस कीताह्‌कु, पकाय तिपलते अरतिर. तेला मति देवुळता जीवा, मीक ईतद गिर्दाते, बेसता कबुरतुन नमतिर. अचोन तिपलते वने, बेसता कबुरतुन नमताह्‌कु, मावा लेह्‌का ओसो सामिना लेह्‌का ताकलाह आतिर.

1 पत्रु 3:20

इव हानस्कु बेव इतेके, मुनेता कालमतोग़ नोहा मुय्तोग़ ओडा पंडनेके, देवुळता पोल्‍लो केंजवोराङ जीवाङ; अस्केडोर लोकुर तमा पापमताहि मिळ्न्दिसि, देवुळतुन नमनुर इन्जि, ओडा मारनाह्‌जोमु देवुळ अग़ ऊळसोर मता. मति सिरपि आटे लोकुर देवुळतुन नमिसि, अद ओडाते उदताह्‌कु, बूममेंड आतद उड्राताह पिसतोर.

तोहचीतव पोल्‍लोङ 16:3

पया दुस्रा देवतुलि, तना कस्लातुन सम्दुरतगा वळता. वळतस्के, अग्डा एग़ु, डोलतोग़ मन्कना नेतुरता लेह्‌का, कार्यल आता. आताह्‌कु एताङ सबे जन्वर्क डोलताङ.